หน้าที่ 2 จากทั้งหมด 2 หน้า หน้าแรกหน้าแรก 12
กำลังแสดงผล 11 ถึง 16 จากทั้งหมด 16

หัวข้อ: นิทานเจ็ดหวดเจ็ดไหคำกลอน ตอน ๑

  1. #11
    ศึกษาหาความรู้ สัญลักษณ์ของ อ้ายทิดใจ
    วันที่สมัคร
    May 2012
    ที่อยู่
    LA
    กระทู้
    122
    บล็อก
    1

    อายหน้าแดง เจ็ดหวดเจ็ดไหคำกลอน ตอนที่ ๖

    ตอนนางยักษ์ขีณี...
    ขีณียักษ์ใหญ่ฮ้ายโตขนาดภูผา
    นูนีมันท่อเขิงสามป้อง
    บ่อนที่มันเป็นหม่องกะพอหลบซ้างท่าว
    ยามมันเต๋อปากง้ำปานฟ้าผ่าผะเดียง
    ยักษ์เผดฮ้ายแปลงเพศหลายแนว
    จอบท่าดักไล่กินฝูงเนื้อ
    แปงกายเป็นคนเฒ่าดังไฟอยู่ในป่า
    แปงตูบซั่นพอได้หม่นบ่อนนอน
    ไฟกองฟอนเข้ากระท่อมนอนดัก
    ซือว่าแนวนามยักษ์อยู่ดงพงไม้
    บัดนี้สามบาท้าวเห็นไฟในป่า
    มีตูบน้อยเฮือนซั่นดั่งคน
    เลยให้เกียนฮ้อยเล่มย่างเข้าขอไฟ
    “ไทเฮือนเอ้ยอยู่บ่นอ นอเจ้า”
    ขีณีเฒ่าเร็วไวแปลงฮูป
    “พวกลูกหล้ามาตั้งแต่ไส”
    “ค่ำมืดแล้วเจ้าสิด่วนไปไส”
    “ข้อยสิมาขอไฟไปก่อกองหุงต้ม”
    “เอาสาท้าวหาแนวคีบถ่าน
    ด้นไฟแม่บ่ให้เอาได้แต่ถ่านคี”
    ฮ้อยเกียนเผอแล้วนี่คุบปั๊บจับขา
    จับเอาไปใส่กงขังไว้......
    ไผ่ฮ้อยกอรอท่านานมาแท้หมู่
    กูไปเองก่อนน่ารอซ้าอยู่เหิง
    ไปฮอดแล้วกะเลยเลาขอไฟ
    “เจ้าของเฮือนอยู่ไสนอนี่”
    ขีณีเว้าอยู่ในเฮือนตูบกะต๊อบ
    “แมหากเนาอยู่ซั่นเฮือนน้อยผู้เดียว”
    “ขอไฟแนเด้อเฒ่าแมใหญ่อัยกา”
    “เออเอาสาถ่านคีเอาไว้”
    เผอใจนี่ขีณีผกจอบ
    คัวคุบท้าวจับไว้ใส่กง
    เหลืออีกท้าวเจ็ดหวดเจ็ดไห
    ใซ่ไผไปขอไฟกะมิดเลยเฉยจ้อย
    จักมันวอยไปก้ำทางได๋มิดมี่
    กูไปเบิ่งก่อนน่ามันซ่าอยู่ไส
    ฮ้องเฮียกเอิ้นไผอยู่ในเฮือน
    ข้อยสิมาขอไฟไปก่อดังหุงต้ม
    ขีณีเฒ่าแปงกลคือเก่า
    “แมนี่แหลวอยู่เฝ้าเฮือนเหย้าตูบตอม”
    เว้าแล้วเกาะก่อมก้อยเดินย่างมาหา
    ท้าวเจ็ดไหเลยทักกล่าวถามยายเฒ่า
    “เห็นสองคนมาพี้ขอไฟแนบ่”
    ลาวกะบอกบ่ได้เห็นพ้อผู้ได๋
    คั่นว่าเจ้าบ่พ้อขอแนเด้อไฟ

    เจ็ดหวดเจ็ดไหคำกลอน ตอนที่ ๖
    ท้าวเจ็ดไหเลยจับเขี่ยไฟรวมท้อน
    พอดีขีณีเฒ่าเตียมเอาแนวคอบ
    สุ่มกอบท้าวเอาไว้ดั่งเดิม
    เจ็ดไหท้าวฮอดบ่ปากพอคำ
    ขีณีจับใส่กงขังเมี้ยน
    เจ็ดไหท้าวหักมือยักษ์ใหญ่
    เลยเกิดการต่อสู้เป็นเรื่องใหญ่โต
    เจ็ดหวดท้าวสู้ต่อผียักษ์
    จนขีณีเหมิดแฮงต่อกรกับท้าว
    นางขีณียอมแพ้ยอมือก้มขาบ
    บาถามหาลูกน้องสองท้าวอยู่ไส
    หากบ่หามาให้มึงส่วนมรณา
    นางเลยพาไปเอาอยู่กงขังไว้
    ไผ่ฮ้อยกอเกียนฮ้อยเล่มเฮียงกันล่องส่อง
    สามพี่น้องเหลียวหน้าเบิ่งกัน
    ยักษ์รับเลี้ยงต่างไถ่ชีวิต
    มีอาหารที่มันขังไว้
    ทั้งพองขาจี่นายโม้พากันจุดจี่
    ทั้งมีสัตว์ใหญ่น้อยกวางเก้งมั่งฟาน
    ถืกใจท้าวเจ็ดหวดกินหลาย
    มีแต่กินกับกินย่างวันขันมื้อ
    หลายวันได้สิพากันหนีจาก
    เจ็ดหวดท้าวถามส่อทิศทาง
    ยักษ์เผดอ้างบอกส่องของดี
    สิให้เป็นของขวัญฝากสามสหายเมี้ยน
    ของดีให้หีนไฟกับมีด
    หนังสติ๊กพ้อมยอมให้แต่ดี
    คาถาด้วยปุกเสกมนต์ยำ
    เป็นของดีตั้งแต่เดิมดาเค้า
    เอามาให้ของดีคนละอย่าง
    ลองเบิ่งได้คาถาให้ท่องจำ
    ผู้ที่มีบุญล้ำจั่งได้ผ่านพานพบ
    ไผผู้มีบุญญาจั่งได้พานมาพ้อ
    ชาติคนมีบุญนี่แม่นฝังดินกะหม่นออก
    แนวว่าคนบาปฮ้ายแม่นแขนฟ้าห่ากะกิน

    :b-b:b-b:b-b:b-b:b-b

  2. #12
    เจ้าหน้าที่ประชาสัมพันธ์ สัญลักษณ์ของ ลุนนี ศรีเกษ
    วันที่สมัคร
    Jun 2009
    ที่อยู่
    ศรีสะเกษ กรุงเทพ จอมเทียนชลบุรี
    กระทู้
    789
    บล็อก
    1
    มา มา ซ่อยเป็นกำลังใจให้อ้ายทิดใจ ฟ่าวลงนิทานให้มันจบเหลือตอนสุดท้ายแล้วจ้า อ่านคำกลอนม่วนๆแฝงคติธรรมไว้หลาย(แล้วแต่ผุหาพ้อ)อิอิ

  3. #13
    ศึกษาหาความรู้ สัญลักษณ์ของ อ้ายทิดใจ
    วันที่สมัคร
    May 2012
    ที่อยู่
    LA
    กระทู้
    122
    บล็อก
    1

    อายหน้าแดง เจ็ดหวดเจ็ดไหคำกลอน ตอนที่ ๗

    ...ตอนหนังสติ๊กยักษ์
    สามพี่น้องหนีจากนางยักษ์
    เดินขีรีป่าดงพงไม้
    ไปเถิงน้ำนทีธารกว้างใหญ่
    สามพี่น้องจักสิข้ามจักได๋
    บัดห่าคึดไคร่ได้วิ่งแล่นเร็วพลัน
    เอาพร้อมกันสามคนกระโดดโจนให้หวิดน้ำ
    นทีธารแสนกว้างกระโจนไปบ่ฮอดเคิ่ง
    สามพี่น้องลอยเข้าฝั่งเดิม
    เจ็ดหวดท้าวเนรมิตหนังสติ๊ก
    ให้ใหญ่ยาวทั้งแข็งแต่งตามใจได้
    “ฮ้อยไผ่โตมาพี้ งอยยางยืดถ่วง”
    ยืดยิงไปแก่งแก้ตกใกล้ฝั่งแคม
    อ้ายฮ้อยเกวียนยิ้มแป้นยิงอีกที่สอง
    วิววิวตกเคิ่งกลางดังต้าม
    เจ็ดไหท้าวเร็วไววิ่งแล่น
    กระโดดเต้นแก่งแก้ตกข่อนเคิ่งวัง
    แล้วกะตั้งลอยต่อพอหวิด
    ย่อนกลไกความคิดผ่อนกายคราวน้อย
    คอยหาก่ำแนวกินสิมามาม
    หาปูปลาจากแม่น้ำมาปิ้งจี่กิน
    ถ่านหินก้อนดังก่อนเป็นไฟ
    เจ็ดไหยิงหนังสติ๊กใส่ปลาในน้ำ
    โดนนานได้จังเห็นปลาโตหนึ่ง
    จักยามได๋สิทั่วท้องกินได้อิ่มหนำ
    สามพี่น้องคึดใหม่แนวหา
    ใช้ปัญญาความคิดแต่งแปงให้เป็นต้อน
    จั่งพากันเอาพร้าตัดฟันไม้ท่อน
    ย่อนว่ามีดอีโต้ฟันได้ดังใจ
    ตัดต้นไม้เป็นท่อนลงอัด
    ฝังหลักดันจังเฮาทำต้อน
    เอาขอนข่วงตันทางบ่อนน้ำผ่าน
    น้ำนั่นบกขอดแห้งเหลือตั้งแต่ปลา
    กองเจ้งเพ้งปัญญาเก่งเจ็ดไห
    พากันจับเอาปลามากมายหลายล้น

    เจ็ดหวดเจ็ดไหคำกลอน ตอนที่ ๗


    วันลุนพ้นกะทำกันคือเก่า
    ปลากะไหลหลั่งข่อนมาท้อนบ่อนเดียว
    หินไฟวิเศษแท้บ่ได้แล่นหาฟืน
    สนุกกินปูปลาอิ่มดีพีอ้วน
    จนว่าซุมซาวบ้านหากินลำบาก
    ปลาอยู่น้ำหาได้หากบ่หลาย
    ซาวบ้านเลาะมาพ้ออ้ายเจ็ดหวดเจ็ดไห
    ได้มาขอเอาปลา ป่นแกงแลงเซ้า
    เจ็ดไหเอาปลาขึ้นให้เอาแนวมาแลก
    เข้าและน้ำเกลือก้อนพริกผง
    ซุมซาวบ้านไผผู้อยากกินปลา
    เขากะเอาแนวมา แลกปลา คือเข้า
    ไผสิเอาเซิญได้ให้มีการแลกเปลี่ยน
    บุพเพสันนิวาสได้ทำสร้างแต่หลัง
    เป็นนำบุญเก่ายู่เจ็ดหวดเจ็ดไห
    บ้างกะมีสุขทุกข์ แปลกปน ทนฮ้อน
    หลอนว่าหวิดกรรมแล้วผั่นมีเวรมาฝ่า
    หวิดห่าก้อมผั่นมาพ้อห่าหลวง
    ...ใกล้สรุปตอนท้ายค่อยบ่ายนิทานจบ
    ท้าวเจ็ดไหสิไปพบบ่อนดีหากมีไว้
    (...ติดตามตอนอวสานเร็วนี้...)

    :b-b:b-b:b-b:b-b:b-b

  4. #14
    ศึกษาหาความรู้ สัญลักษณ์ของ อ้ายทิดใจ
    วันที่สมัคร
    May 2012
    ที่อยู่
    LA
    กระทู้
    122
    บล็อก
    1

    อายหน้าแดง เจ็ดหวดเจ็ดไหคำกลอน ตอนที่ ๘

    ตอนอวสาน...ของนิทานเจ็ดหวดเจ็ดไหคำกลอน
    ยังมีเวียงวังก้วงนครหลวงดูหลาก
    พวกศัตรูหมู่ฮ้ายสงครามเข้ารบรา
    ซุมทหารใหญ่น้อยมายมากอนันนับ
    เพราะข้าศึกศัตรูหมู่ไพรีวุ้น
    เป็นจังบุญหัวเจ้าพระยาเมืองเฮืองซือ
    ได้ยินข่าวคนลือว่าเจ็ดไหเก่งกล้ามาบ้านผ่านกาย
    เพิ่นจังจัดแต่งให้อำมาตไทขุน
    ให้ไปเชิญเจ็ดไหด่วนไววันนี้
    ไทขุนข้ากะจัดการเร่งด่วน
    เชิญเจ็ดไหขึ้นเฝ้าองค์เจ้ามิ่งเมือง
    เกียนฮ้อยเล่มกอไผ่กะตามติด
    องค์พระยาเมืองกล่าวจาจงต้าน
    การคราวนี่มีแนวเร่งด่วน
    พวกศัตรูหมู่ฮ้ายสงครามเข้าผ่าเมือง
    ต้องการพวกหมู่เจ้ามาซ่อยคราวเข็ญ
    ไปเร็วรบหมู่มารมวลฮ้าย
    เจ็ดไหท้าวอาสาใซ่ซ่วง
    เกียนฮ้อยเล่มทั้งฮ้อยไผ่กอ
    ให้เขาเอาดินปั้นเฮ็ดลูกหนังสติ๊ก
    หาซีซันป่นกันเป็นเซื้อ
    เอาติดไว้ปลายธนูหลายหลาก
    แล้วกะเตรียมทัพจ้อรอถ้าแตสิไป
    เจ็ดไหได้เป็นฝ่ายคุมทัพ
    หนังสติ๊กเหล่าเตรียมความพร้อม
    พอไปใกล้ศัตรูกะเตรียมท่า
    หนังสติ๊กวิเศษท้าวยิงสู้หมู่มาร
    อีกธนูหมู่นั่นเตรียมจ่อจอยิงไป
    เกิดเป็นไฟลามลุกทถืกคนกะตายเมี้ยน
    ยิงตกค่ายเป็นไฟเผาจูด
    หนังสติ๊กวิเศษได้ยิงให้มิงมรณ์
    ถืกซ้างม้ากะล้มท่าวทางยืน
    ศัตรูลัดเล่งเร็วมาใกล้
    ฮ้อยไผ่เอายังพร้าดวงดีปัดป่าย
    เป็นกำแพงฮอบค่ายตันข้างวางเดิน
    ศัตรูเยิ้นมาฮอดกำแพง
    ท้าวกะเอามือซุกใส่เขาตายเกี้ยง
    กำแพงล้มเต็งคนเดียรดาษ
    เหลือเล็กน้อยเขากะได้อ่อนยอม

    เจ็ดหวดเจ็ดไหคำกลอน ตอนที่ ๘

    จอมมิ่งบ้านมหาราชกษัตรา
    เห็นเจ็ดไหว่าฝีมือเฮี้ยว
    ชายเชงกล้าคาถาดีเสกเป่า
    เกียนฮ้อยเล่มทั้งฮ้อยไผ่กอ
    จังได้ตกแต่งให้เป็นราชไทขุน
    ปวงซนเซื้อซาวนิกรสุขยิ่ง
    ซาวไพร่ฟ้าประซายิ่งอยู่เย็น
    เป็นเพราะครั้งปางก่อนบุพเพ
    บุญสามลาตั้งแต่ปางคราวกี้
    ...สามบาท้าวคณิงเถิงพอแม
    กตัญญูฮู้แจ้งคุณเจ้าเผ่าพงศ์
    กะเลยไปฮับเจ้าพอแมของตน
    เอาสองเขือแมพอมาเพียรเลี้ยง
    ให้มาเนาเมืองก้วงนครหลวงล้ำยิ่ง
    พอแมสุขซ้ำเฒ่าเพราะเขาได้ตอบคุณ
    คุณพอแมมากล้นสุดที่คณนา
    คราวเมื่อเฮายังเด็กพอแมพรมเพียรเลี้ยง
    เฮาเป็นบุตราเจ้าอย่าลืมบุญคุณเพิ่น
    คือเจ็ดไหเกียนฮ้อยเล่มทั้งฮ้อยไผ่กอ
    คุณพอแมมากล้นพ้นเกษเกศา
    ได้ดีมาบ่ลืมคุณพอแมตนคนเลี้ยง
    รจนา...จารเอาไว้ เจ็ดไห ให้อ่าน
    วรรณกรรมพื้นบ้าน อีสานใด้ฮุ่งเฮือง.

    :b-b:b-b:b-b:b-b:b-b

  5. #15
    เจ้าหน้าที่ประชาสัมพันธ์ สัญลักษณ์ของ ลุนนี ศรีเกษ
    วันที่สมัคร
    Jun 2009
    ที่อยู่
    ศรีสะเกษ กรุงเทพ จอมเทียนชลบุรี
    กระทู้
    789
    บล็อก
    1
    เย้ๆๆๆๆๆ จบแล้ว ปรบมือให้อ้ายทิดใจยาวๆๆๆๆๆๆๆๆๆห้านาทีเลยจ้า นิทานดีมีคติสอนใจหลายแง่หลายมุม อ่านแล้วกะเลือกซอมเอาไปใช้ประโยชน์เดอจ้า ขอบคุณอ้ายทิดใจ(บ่อต้องเปลี่ยนชื่อดอกจ้าชื่อนี้คนติดละเด้)

  6. #16
    ศึกษาหาความรู้ สัญลักษณ์ของ อ้ายทิดใจ
    วันที่สมัคร
    May 2012
    ที่อยู่
    LA
    กระทู้
    122
    บล็อก
    1
    ขอบคุณครับ :b-b:b-b:b-b:b-b

หน้าที่ 2 จากทั้งหมด 2 หน้า หน้าแรกหน้าแรก 12

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •