กำลังแสดงผล 1 ถึง 6 จากทั้งหมด 6

หัวข้อ: ผญาอีสานสิ้นมนต์ เราควรรักษาไว้

  1. #1
    บ่าวเต็งคนโก้
    Guest

    ผญาอีสานสิ้นมนต์ เราควรรักษาไว้

    ผู้สาวนั่งเข็นฝ้าย ........ชายกะนั่งเคียงกัน
    พรรณนาคำกลอน ......เกี้ยวคำผญาเว้า
    สาวกะเอาคำโต้ .........โยเยให้ฮู้ท่า
    ส่วนว่าบาบ่าวท้าว .......กะเพียรเว้าว่าฮักหลาย
    สาวกะบอกว่าอ้าย ......อย่าสิหล่ายแต่คำตั๋ว
    น้องนี่กลัวคำลวง .........อย่าล่วงวาจาดื้อ
    คันบ่คือคำเว้า ........... อย่าสิเอามาเว้าว่า
    สิมาต้มผู้ข้า ..............ปะเดี๋ยวฟ้าสิผ่าเอา....สาเด๋
    บัดนี่ชายกะเว้า ......... เอามือยกสาบาน
    ขานเป็นวาจาไข .........ว่าดั่งใจคำเว้า
    คันข้าเอาคำต้ม ..........เป็นคารมย์เว้าหล่าย...สาแหล๋ว
    ขอให้ฟ้าผ่าอ้าย ............ ให้ตายแท้ขั่นบ่จริง
    สาวกะนั่งเงียบนิ่ง .........ครุ่นคิดอยู่ในใจ
    แล้วจั่งไขวาจา ..........ตอบบาพี่ชายท้าว
    อ้ายสิเอาจริงแท้ ..........บ่มีแปลซั่นบ้อพี่
    คันคิดดีแท้แท้ ............ให้ถามแม่เบิ่งก่อนนา
    ตกลงกันแล้วน่า .........กะจั่งว่าได้มาขอ
    กะจั่งขอยอยก ...........ขันหมากมาเพียงพร้อม
    จั่งได้ดอมชมชื่น ..........เข้าพาขวัญป้อนไข่หน่วย
    นี่จั่งสมครบด้วย ..........บทเบื้องสิแต่งงาน ...นี่แหล่ว
    นี่จั่งแม่นแบบบ้าน ..........ของเก่าโบราณเดิม
    เติมขึ้นมาทีหลัง ............หากบ่คือแนวนี่
    อันแนวดีมันเบิดสิ้น ........มีแต่กินแล้วจั่งแต่ง
    สาวกะห่าวแข้งแข้ง ......... แซงหน้าบ่ว่ากัน ฯ

    [wma]http://kasmostenk.googlepages.com/esansinmon.wma[/wma]


  2. #2
    บ่าวเต็งคนโก้
    Guest

    Re: ผญาอีสานสิ้นมนต์ เราควรรักษาไว้

    ทั้งคองและฮีตเก่าก้ำ ซ้ำเล่ามาลืมหลง
    โคกป่าดง มันแปนหมด รถยนต์มี เต็มเมืองบ้าน
    ของโบราณ เฮาเลยฮ้าง หายจาง ไปจากถิ่น
    กินกะมีแต่ซื้อ ของกะมีแต่ซื้อ คือใช้ ตั้งแต่เงิน
    เอิ้นว่า ซู่มื้อนี่ เต็มที่ถิ่น ชนบท
    ขนบธรรมเนียม มันลาลด โลดเลย บ่เอาใช้
    ไปหากิน หนีไกลบ้าน หลานกับยาย นั่งกอดเข่า
    ฮีตเก่า เหมิดมิดซ้ำ นำก้น ชาติอื่นไป
    ฮีตสิบสอง ครองเลิกใช้ เซาเชื่อ บ่ ยอมถือ
    คนกระตือ ลือหลง อ่งจน.. ว่าลืมเค้า
    ลืมปิตุ มารดาเฒ่า คนเฮาเอย หลงฮอดปู่
    ฮีตแต่เก่า เฮาบ่กู้ ฟูฟื้น กะเสื่อมโทรม

  3. #3
    เจ้าหน้าที่ประชาสัมพันธ์ สัญลักษณ์ของ สาวบ้านนา
    วันที่สมัคร
    Oct 2006
    กระทู้
    1,918

    Re: ผญาอีสานสิ้นมนต์ เราควรรักษาไว้

    แม่นคั่กตั่วละ อ้ายเต็ง อย่าวาแตของโบราณเถาะ หม้อ ซาม นามประกร อิแม่กะหยังเก็บไว่ไห่ลูกหลานเบิ่ง แหม

    บุ้มๆแล่วบุ้มอีกเลากะเก็บไว่ เอาไป๑ ดอก ดอกที่๒ รอ อิอิ

  4. #4
    hot
    Guest

    Re: ผญาอีสานสิ้นมนต์ เราควรรักษาไว้

    แม่นคักน้ออ้าย
    เพิ่นยังว่า อย่าสิไลลืมถิ่มมูลมั่งอีสานเก่า
    อย่าสิเผ่ามอดเมียนเสียถิ่มบ่อมีเหลือ

  5. #5
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    6,363
    บล็อก
    23

    Re: ผญาอีสานสิ้นมนต์ เราควรรักษาไว้

    สิค่อยหัดค่อยเว่าไปนำอยู่ดอกเด้อคร่า..รับเอาเป็นลูกศิษย์แน่ะเด้อ.บรมครูทั้งหลาย
    ปล. น้องนาง เพิ่นกะมักคือกันน้อล่ะ เว่าบ่เป็นแต่มักอ่านกะสําซ่อยอนุรักษ์เด้อนางหล่าเด้อ..

  6. #6
    ดูแลตรวจสอบเนื้อหา สัญลักษณ์ของ ตะวันนา
    วันที่สมัคร
    Aug 2006
    กระทู้
    1,612

    Re: ผญาอีสานสิ้นมนต์ เราควรรักษาไว้



    ....ซ่อยกันอนุรักษ์ไว้ ฮีตเก่าโบราณ
    ซ่อยกันสืบสาน ประเพณีเค้า
    ซ่อยกันตุ้มเข้า สามัคคีพร้อมพรั่ง
    ปราชญ์ยอยกย่อง คุณค่า เมื่อลุน....


    .............คำเพิ่นว่าไว้จั่งแม่นถูกคักหลายค่ะ..........

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •