กำลังแสดงผล 1 ถึง 3 จากทั้งหมด 3

หัวข้อ: อ้อยต้อยต่อนผญา (บั้นใจประสงค์)

  1. #1

    อ้อยต้อยต่อนผญา (บั้นใจประสงค์)

    ใจประสงค์สร้าง กลางดงกะว่าท่ง
    คันแม่นใจขี้คร้าน กลางบ้านกะว่าดง

    ใจประสงค์แล้ว เมืองแกวกะดั้นฮอด
    ใจประสงค์ยอดแก้ว ในถ้ำกะก่นหา

    ใจประสงค์ส่ง กาวเกงกะซื้อนุ่ง
    คันบ่มีแท้ๆ ใบไม้สินุ่งแทน

    ใจประสงค์ อยากไดน้ำ จั่งคอนคุมาหา
    ใจประสงค์ปูปลา จั่งแต่งดางลงส่อน


  2. #2
    เจ้าหน้าที่ประชาสัมพันธ์ สัญลักษณ์ของ หนุ่มน้อย
    วันที่สมัคร
    Mar 2009
    กระทู้
    644
    บล็อก
    21
    ใจประสงค์ตั้ง หวังชมแก้มอ่อน
    ไผสิชมก่อนอ้าย คองถ้าเพิ่งมือ
    พี่สิเภท์พังม้าง ฝาแดนกลางให้ขาดถ่อง
    พังเทิงอู๋แอ่งน้ำ ให้เป็นเฟื้องทั่วเฮือน แท้แหล้ว


    ใจประสงค์ตั้ง นำนางทุกบาดหย่าง
    สิบ่อวางนารถน้อง ไลถิ่มให้แก่ไผ น้องเอย


    ใจประสงค์ต่อเจ้า ไผกวนกะบ่อขุ่น
    ใจมันใสต่อเจ้า ไผต้องขุ่นบ่อเป็น


    ใจประสงค์ใส่ม้อน จังคอนมอนนำส่ง
    ใจประสงค์เฮ็ดนาฮ่วมแล้ว จั่งคอนกล้าแข่งฝน

  3. #3
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    6,363
    บล็อก
    23
    สุดยอดๆค่ะ..เทิ้งสองท่านเลย
    ม่วนๆจ้า อ่านบ่มีสะดุดเลยค่ะ
    ลื่นล่องส่องๆ เข้าใจง่ายนำจ้า ..

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •