กำลังแสดงผล 1 ถึง 4 จากทั้งหมด 4

หัวข้อ: อีสานวานนี้...วันนี้

  1. #1

    เยี่ยมมาก อีสานวานนี้...วันนี้



    อีสานวานนี้…วันนี้
    อีสานเฮาทุกมื้อนี้บ่คือกี้เก่า​หลัง
    ตั้งแต่ครั้งโบราณผ่านมาดนแล้ว
    นับย้อนแถวถอยเข้าคืนหลังครั้งแ​ต่ก่อน
    คึดออนซอนเสียดายเด้…เฮฮ้องฮ่ำไ​ฮ
    อีสานในมื้อนี่มีหลายสิ่งผันแปร
    มีหลายอันเปลี่ยนทางย่างเซยักย้​าย
    แต่ก่อนภายหลังพู้นสมบูรณ์ด้วยทุกสิ่ง
    ภูพิงผาป่าไม้ไพรด้าวแดนดง
    พนาพงไพรกว้างปวงสัตว์อาศัยอยู่
    หมู่วิหคนกน้อยเสือซ้างสิงขร
    หมู่มัจฉาปลามันบ้อนในคลองหนองป่าไผ่
    อึ่งเผ้าใหญ่กบเขียดโม้โซเต้นอยู่ท่งนา
    ชาวประชาทั่วหน้ามีธรรมะรักษาศี​ล
    สุขถวิลกินในทานแบ่งปัน ข่อย-เจ้า
    ของเก่าๆจารีตฮีตสิบสองครองสิบสี่
    ของดีๆจั่งสิมีพร้อมทุกประการ
    จากมื้อวานถึงมื้อนี่ ฤดีป่วยสงกา
    ต้นไม้ใหญ่ไพรพนาป่าเขาเตียนโล้​น
    อิทธิพลคนโฉดทำลายล้างสัตว์ป่า
    ผืนแผ่นฟ้าจึงลาร้างห่างฝน
    ใจของคนกะเลยเศร้าเค้าครองธรรมก​ะเหินห่าง
    วัฒนธรรมอ้างว้างวางถิ่มฮีตเก่า​เดิม
    มาเถิดเฮามาเริ่มเสริมสร้างทางใ​หม่
    ให้อีสานเฮาได้เจริญขึ้น คือกี้เก่าหลัง
    ฮักมูลมังรักษาไว้ประเพณีมีค่า
    ที่ปู่ ย่าเพิ่นสอนไว้อย่าไลถิ่มปล่อยว​าง….เด้อลูกหลาน…(แต่งไว้ดนเติบแล้ว สมัยยังสาว พู้นล่ะ):*-

  2. #2
    ดูแลตรวจสอบเนื้อหา สัญลักษณ์ของ pcalibration
    วันที่สมัคร
    Nov 2008
    ที่อยู่
    เมืองฉะเชิงเทรา(แปดริ้ว)
    กระทู้
    1,991
    บล็อก
    1
    ปูปลานาน้ำ นาทามเขินขาด
    ฝนบ่หยาดจากฟ้า แผ่นพื้นไหง่ผง
    ดงกะกลายเป็นฮ้าง คนถางจูดหมุ่น
    เงินเป็นทุนรับจ้าง ไกลห่างศีลธรรม

  3. #3
    Moderators สัญลักษณ์ของ สหายพง
    วันที่สมัคร
    Mar 2009
    ที่อยู่
    ผมมากับรถผ้าป่า
    กระทู้
    1,558
    เมืองอีสานเฮานี้ประเพณีกะคือเก่า
    หวังแต่พึ่งลูกเต้าพอสิได้ซอยซู..พี่น้องเอย
    พวกสูเจ้าอย่าสุถิ่มมูลมังของพ่อแม่
    งามคือจั่งเพชรแท้..เก็บไว้อย่าไห้สูนย์..นั้นแล่ว
    ....สำบายดีน้อครับครู......ขอแจมนำแหน่

  4. #4
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    6,363
    บล็อก
    23
    ขออนุญาตย้ายหัวข้อมาบอร์ดกลอน วรรณกรรมพี้เด้อจ้า

Tags for this Thread

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •