ม้อนนอนใหญ่

[หนุ่มลาวสาวขะแมร์]

ม้อนนอนใหญ่
เป็นกิริยาการเจริญวัยของม้อน หรือ หม่อน หรือ ตัวไหม
วงจรชีวิตของม้อน คร่าวๆ ก็คือ เมื่อหม่อน หรือ ม้อน ฟักออกจากไข่ (ไข่บี้) สองสามมื้อก็จะหยุดพักบ่กินอาหารอยู่ 2 มื้อ(วัน) เอิ้นว่า "ม้อนนอนขี้ขน"
ม้อนสิลอกคราบแล้วกลับมากินใบมอน อีก 6-7 มื้อ(วัน) กะสิหยุดกินอาหารอีกประมาณ 2 มื้อ(วัน) เทือนี้เอิ้นว่า "ม้อนนอนหนึ่ง"
ม้อนสิลอกคราบแล้วกลับมากินใบมอน อีก 6-7 มื้อ(วัน) กะสิหยุดกินอาหารอีกประมาณ 2 มื้อ(วัน) เทือนี้เอิ้นว่า "ม้อนนอนสอง"
ม้อนสิลอกคราบแล้วกลับมากินใบมอน อีก 6-7 มื้อ(วัน) กะสิหยุดกินอาหารอีกประมาณ 2 มื้อ(วัน) เทือนี้เอิ้นว่า "ม้อนนอนสาม"
ม้อนสิลอกคราบแล้วกลับมากินใบมอน อีก 6-7 มื้อ(วัน) กะสิหยุดกินอาหารอีกประมาณ 2 มื้อ(วัน) แต่เทือนี้บ่เอิ้นว่า "ม้อนนอนสี่" เด้ครับ
แต่เพิ้นเอิ้นว่า "ม้อนนอนใหญ่"
ถ้านับเป็นเทือที่นอนก็จะเป็นเทือที่ห้า และเป็นเทือสุดท้าย ก่อนม้อนสุก
หลังจากนอนใหญ่ หม่อน หรือ ม้อน ก็จะกลับมากินอาหารคือใบม้อนไปเรื่อยๆ จนกว่าสิสุก
เลี้ยงรุ่นนึงใช้เวลาประมาณเดือนเคิ่ง
ประโยคที่เพิ่นถามกัน เช่น "เป็นจั่งได๋ใกล้สิสุกแล้วไป่" "อีกหลายมื้ออยู่หัวตะนอนใหญ่"

ข้อมูลจากแม่(วาปีฯ สารคาม) ที่เคยเลี้ยงม้อนเมื่อยี่สิบปีก่อน วันเวลากะก๋าเอาคร่าวๆ หากผิดเพี้ยนประการใดหรือลงซ้ำ กะขออภัยเด้อครับ

[ลุนนี ศรีเกษ]

ขอบคุณอย่างแรงเลยจ้าที่เอาเรื่องนี้มาเขียน สิเอาไปเว่าต่อเดอจ้า ขอบคุณข้อมูล สุดยอด

[suny]

เยี่ยมๆๆๆ เป็นข้อมูลที่ดีหลายครับ ผมเคยเลี้ยงซอยพุเฒ่าเลี้ยงยากกว่าลูกน้อยครับ แฮ่งยามฝนแฮ่งยาก ถืกน้ำกะบ่ได้ ใบหม่อนเปียกกะบ่ได้ แต่ยามเป็นดักแด้แซบคัก

[lungyai1123]

อืมครับเป็นความสามรถของคนโบราณที่เพิ่นเลี้ยงหนอนเพื่อเอาไหม
ของหนอนมาใช้ประโยชน์กะมีความเป็นมาที่แปลกและชำนาญมาก

[pcalibration]

เคยเห็นตั้งแต่หม่ะลางคุณย่าผุ้นแหล๊วครับเผิ่นเลี้ยงไหมเลี่ยงหม่อนกะดาย
ตั้งแต่เป็นไข่จนเป็นผ้าโสร่ง..สุดยอดภูมิปัญญาราชินีแห่งผ้า..
เป็นผู้ชายเคยส่อยแต่เก็บใบหม่อนให้กับรอถ่ากินดักแด้ท่นั้นหละครับ

[พล พระยาแล]

นอนใหญ่ คือสินอนนานกว่าตอนที่ตื่นขึ้นมากินใบหม่อน คือไม่ค่อยกินบ่อย เหมือนตอนเจริญเติบโต

จะกินเรื่อย ๆ เพื่อรอตัวไหมจะสุก คือเป็นสีเหลือง ๆ ช่วงนอนใหญ่หรือนอนนาน

เพื่อที่จะชักใยนั่นเองครับ

ลิขสิทธิ์บน YouTube Credit By : https://www.youtube.com/watch?v=fXc_KSuzksg&feature=BFa&list=PL5D682A2DECA325AB

[หนุ่มลาวสาวขะแมร์]

ขอบคุณ อ้ายพล ที่ซอยเพิ่มเติมข้อมูลให้ถูกต้องครับ