กำลังแสดงผล 1 ถึง 5 จากทั้งหมด 5

หัวข้อ: ผญา...(ตอนจบ)

  1. #1

    ผญา...(ตอนจบ)

    ผญารวม
    ฮักบ่ได้เว้า มันบ่ส่วงความเหงา คันแม่นเห็นบ่ได้จา บ่ส่วงเหงาใจอ้าย

    ตั้งแต่นกเขาตู้พรากคู่กะยังขัน ตั้งแต่กาเวาวอนพรากคอนกะยังฮ้อง
    บาดห่าเจ้าพรากข่อย ความเดียวบ่เอิ้นสั่ง คันบ่เอิ้นสั่งใกล้ กะให้เอิ้นสั่งไกลแนเด้อ

    ผญาม่วนซื้น

    คอยกินน้องช้าง สามปีกะบ่ออก คอยเอาลูกพระเจ้า เลยสิเฒ่าแก่ตาย

    เฒ่ากะเฒ่าแต่หัว ตนโตยังหนุ่ม เฒ่ากะเฒ่าแต่แข่ว แนวอิ่บ่เฒ่าตาม

    ผญาภาษิต

    เป็นคนนี้ ทำนองคือนกเจ่า บาดห่าบินผ่านแล้ว ขาวแจ้งจังว่างาม

    แม่นว่าหญิงฮูปฮ้าย ครองวัตรหากพางาม คันแม่นชายฮูปทราม วิชาหากพาฮุ่ง

    ผญาหย่อย

    ไหลบ่แม่นไหลเด้อแต่น้ำในแก่งสายนที คันแม่นวารีไหลกะดั่งใจเด้อของอ้าย
    สายหรือเช้า บ่มีเซาไหลจักเทื่อ เหลือกำลังสิป้านไว้บ่ให้ไหล

    เหลียวเห็นข้าวในนาเหลืองอร่าม ยามเมื่อเดือนอ้ายคล้อย ใจข่อยกะสั่นหนาว
    เห็นฮวงข้าวสุกงอมน้อมโก่ง โน้มลงไปข้างนั้น โน้มคืนมาข้างนี้ ใจข่อยกะอ่วยตาม

    ผญาก้อม

    บ่เอิ้นข่อยบ่ขาน บ่วานข่อยบ่ซ่อย

    บ่เว้า บ่ว่า บ่พูด บ่จา

    บ่จำ บ่จื่อ บ่ถือ บ่สา

    ผญาปริศนารัก

    อยากกินตับฟ้าเด่ แขนบ่ยาวยื้อบ่ฮอด อยากกินไตฟ้าเด่ แขนสั้นเด่บ่เถิง

    เห็นว่าผักหมเหี้ยน กลางทาง อย่าสิฟ่าวเหยียบหย่ำ บาดห่าทอดยอดขาว บาดห่าทาวยอดดั้ว ยังสิได้ก่ายเกิน

    ผญาปริศนาคำสอน

    บ้านใกล้คั่ง ย้อมคั่งบ่แดง ยามมื้อแลงฝิงแดดบ่อุ่น

    โตบุญนั้น หัวดำก้นก่าน โตบาปนั้น หัวโล้นห่มเหลือง

    ตวกต้วย

    ตวกต้วย แปลตรงๆว่า สร้อย(คำเสริมบทให้สละสลวย)
    1 ตวกต้วยในผญา
    ไกลไปหน้ามาคืนมาหม่องเก่า
    เฮ็ดผิดกะแม่นเจ้า
    เว้าบ่ฟังกะแม่นเจ้า
    อยากเห็นอ้ายให้เบิ่งหมอน...เด้อนางเด้อ
    2 ตวกต้วยในคำเว้า
    ไปเบื่งหนัง น้อลูกน้อ


    ท้ายนี้ ...ขอขอบพระคุณทุกท่านที่ให้การต้อนรับ และติดตามตลอดมา
    บ่าวหัวเขียง เป็นลูกเป็นหลานชาวอิสานบ้านเฮา กะได้ภูมิใจในโตเอง ที่ได้ขึ้นชื่อว่า
    เป็นผู้สืบฮอยตา เป็นผู้วาฮอยปู่
    (หากมีข้อผิดพลาด หรือมีข้อตกบกพร่องประการใด บ่าวหัวเขียงกะพร้อมจะน้อมรับ ทุกๆคำชี้แนะ ติเตือน ของพี่น้อง เอี้อยอ้าย...บ้านมหา ทุกท่าน)
    ขอขอบพระคุณ บ้านมหาที่เอื้อเฟื้อ พื้นที่ ให้กับ บ่าวหัวเขียง ตลอดมา

    .........สวัสดีครับ.........


  2. #2
    โอ้.... คักแท้ฯ ผญา นี้ ขอยืมไปเฮียน แด่เดอ

  3. #3
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    6,363
    บล็อก
    23
    ขอตบมือซวดๆให้คือกันค่ะ
    และกะขอขอบคุณสำหรับสิ่งดีๆที่แบ่งปันนำเด้อค่ะ
    ว่างๆกะแวะแต่งแวะแจมนำหมู่พี่น้องเพิ่นนำกะได่จ้า
    ปะสาหาวซือๆกะคือสิม่วนดอก ..ฮ่าๆๆๆ

  4. #4

    ขอบคุณสำหรับ...คำติ-ชม...ครับผม

    ตั้งแต่...ไห้...กะยังม่วนเนาะครับ

  5. #5
    ศึกษาหาความรู้ สัญลักษณ์ของ lungyai1123
    วันที่สมัคร
    Oct 2008
    กระทู้
    381
    บล็อก
    63
    อ่ายามได่มันกะอ่านง่ายเน๊าะเพราะเป็นสำนวนตื้นบ่ลึกคือบางคน(ผญ๋าบางคนหรือบางอาจารย์กะบ่
    คือกันกะแล้วแต่ค่ายปานนักร้องหมอลำซั่นแหล่ว

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •