หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 11

หัวข้อ: คำนางอมิตตากับพราหมณ์เฒ่าคุยกันฯ

  1. #1
    ร่วมถ่ายทอดความรู้สู่สังคม สัญลักษณ์ของ จำปา
    วันที่สมัคร
    Nov 2009
    กระทู้
    1,367

    พบปะพูดคุย คำนางอมิตตากับพราหมณ์เฒ่าคุยกันฯ

    เนื่องจากไปเห็นในหนังสือเก่าๆเล่มหนึ่งของเฒ่าพ่อกะเลยเอามาลงไห่พี่น้องอ่านค่ะ คำนางอมิตตากับพราหมณ์เฒ่าคุยกันฯเป็นตอนที่พราหมณ์ชูชกเว้าเกี้ยวนางอมิตตา คำนางอมิตตากับพราหมณ์เฒ่าคุยกันฯ
    บางเทือกะอาจเคยได้ยินจากหมอลำแน เทศน์แหล่แหนะ คำนางอมิตตากับพราหมณ์เฒ่าคุยกันฯ


    คำนางอมิตตา
    ..ฉันบ่เอาดอกข้า สามีมันลำบาก
    ยากนำการหาบน้ำ หาเข่าใส่งาย
    เอาผัวชายมาไว้ หนักใจทุกเช้าค่ำ
    ไปนำสวนและฮั้ว กลัวย้านแต่เผิ่นซัง
    ถึงเมื่อแลงแล้วตั้ง หาว่าสุงสิง
    หาว่าหญิงไปเลาะ ลอบหาชายชู้
    บ่เหลียวดูหลังหน้า กลับมาตั้งแต่ด่า หาไม้ค้อนตีฆ่าด่าแทง
    ถึงเมื่อแลงแล้วเอิ้น เชิญหมู่วงศา
    เจระจางบงัน แจกปันนาฮั้ว
    ฉันมากลัวเป็นฮ้าง ชาวเมืองเขาสิหู่ม
    อยู่ผู้เดียวล้าๆ บ่คองถ่าบักฮ่าใดฯ(ขออภันค่ะในหนังสือเขียนแบบนี่อีหลี อิอิ)

    คำพราหมณ์
    ..โอนอนางเอ๋ย ไผบ่อมีคู่ซ้อน เทียมบอนเคียงสอง
    คือดังกองโทนตบ ขาดหนังลิวฮ้อย
    แม่นสิคอยคองถ่า หมดราตรีมีม่วน
    หนังบ่นวลบ่อแจ้ง หนังแห้งบ่อซ่อยดึง
    เพราะหญิงขาดที่พึ่ง หมดที่ปรึกษา
    ไผสิหาปูปลา หมู่อาหารมาเลี้ยง
    บ่อมีผัวเฮียงข่าง ถ่างโพนหม่นป่า
    นางสิอยู่ล้าๆ คองถ่าบักฮ่าใดฯ



    มีตอนต่อไปค่ะเดียวจะเอามาลงไห่อ่านเรื่อยๆค่ะคำนางอมิตตากับพราหมณ์เฒ่าคุยกันฯ

  2. #2
    แบ่งปันความรู้และประสบการณ์ สัญลักษณ์ของ ภูเบตร์
    วันที่สมัคร
    Feb 2009
    กระทู้
    197
    คำพราหมณ์
    นางสิอยู่ล้าๆ คองถ่าบักฮ่าใดฯ

    คำนางอมิตตา
    อยู่ผู้เดียวล้าๆ บ่คองถ่าบักฮ่าใดฯ


  3. #3
    เจ้าหน้าที่ประชาสัมพันธ์ สัญลักษณ์ของ ลุนนี ศรีเกษ
    วันที่สมัคร
    Jun 2009
    ที่อยู่
    ศรีสะเกษ กรุงเทพ จอมเทียนชลบุรี
    กระทู้
    789
    บล็อก
    1
    ดีคักๆเลยจ้า สิถ่าอ่านต่อเดอจ้า ขอบคุณที่มีมรดกอันสูงค่า(อะสิให้มันขาดเดอจ้าของหายาก)

  4. #4
    ร่วมถ่ายทอดความรู้สู่สังคม สัญลักษณ์ของ จำปา
    วันที่สมัคร
    Nov 2009
    กระทู้
    1,367

    รอบยิ้มพิมใจ คำนางอมิตตากับพราหมณ์เฒ่าคุยกันฯ

    คำนางอมิตตา
    ..หญิงบ่อมีผัวซ้อน นอนเดียวเปลี่ยวๆ
    มีแต่สุขอยู่เรื่อย ทางสิเศ่าบ่อมี
    คันแม่นมีผัวซ้อน เทียมเภานอนแนบ
    ทุกข์มันหากมีท่อฟ้า สีหน้าบ่อชื่นบาน
    ทำให้กายหม่องเศ่า โตดำป่านถ่าน
    นอนกะบ่ออิ่มตา กินกะบ่ออิ่มท้อง ถนอมเลี้ยงแต่ผัว
    ย้านแต่บ่อถูกต้อง ใจแห่งผัวตน
    คันผิดใจท่อเม็ดงา หาแต่ความโกธา ไล่เมียหนีจ้อยฯ


    คำพราหมณ์
    ..หญิงบ่อมีผัวนี้ คือตอกางแก่ง
    ฝูงหมู่นกและแฮ้ง คอยถ่าแต่สิงอย งอยอยู่แล้ว ขี่ใส่บินหนี
    หญิงบ่อมีผัวชม ก็ดั่งเดียวกันนี้
    บ่อมีดีเสียแหล่ว แนวหญิงอยู่เปล่าๆ
    บ่อมีลูกและเต้า แทนเซื้อสืบแนว
    คันไผมีลูกเต้า สืบหน่อแทนสกุล
    ก็เพราะบุญมันหลาย จึงได้ผัวเทียมซ้อนฯ


    คำนางอมิตตา
    ..หญิงใดมีผัวซ้อน เทียมสองเกินลำบาก
    ยากนำเลี้ยงลูกเต้า หาเข่าสู่กิน
    จะต้องวิงเวือนหน้า หาแพรผ้านุ่ง
    มาบำรุงลูกเต้า ผองเฒ่าแก่ตาย
    ผัวหรือเมียก็ฮ้าย ยากเกิ่งเถิงกัน
    เหมือนดังเถาวัลมัด ผูกคอแขนไว้
    เกินหนักใจแนวนี้ มีผัวกั้วแต่บ่อน
    ถึงยามนอนแฮ่งฮ้าย กวนก้นอยู่บ่อเซาฯ


    คำพราหมณ์
    ..หญิงบ่อมีผัวนี้ สิเอาไผไว้เพิ่ง
    ความทุกข์มันหากนี่หมืนตื้อ ไผนั้นสิซอยแฮง
    มีแต่ผัวแพงนี้ เจ็บมาสิได้เพิ่ง
    วิ่งหายาและหว่าน มาตู้มต่อมถนอม
    ให้นางตอมใจหมั่น เอาฉันไว้เป็นคู่
    เอาอิพราหมณ์อยู่ซ้อน ยามฮ้อนได้เพิ่งเย็นฯ


    ขอบคุณค่ะป้าแดง เอาลงได้เท่าที่มีหล่ะค่ะ เพราะว่าหนังสือเก่ามันขาด อิอิ(เดี๋ยวมาต่อค่ะ)

  5. #5
    ดูแลตรวจสอบเนื้อหา สัญลักษณ์ของ pcalibration
    วันที่สมัคร
    Nov 2008
    ที่อยู่
    เมืองฉะเชิงเทรา(แปดริ้ว)
    กระทู้
    1,883
    บล็อก
    1
    "ขอบคุณเด้อน้องหล่าจำปาเปื้องปิ่น
    งามคืออินทร์แต่งปั้นสาวหล่าลูกไผ
    สาวภูไทคนโก้ดอกโสนก้ำบ้านป่า
    เนาว์อยู่ไกลฟากฟ้าเป็นคนฮู้หมู่ภูไท"

    ********************
    แฝงไว้ด้วยคติข้อคิด มีลูกล่อลูกชน กระทบกระเทียบ เปรียบเปรย
    บ่แหม่นหัวหงอกหยอกสาว บ่แหม่นเถ่าหัวงู นี่คือการใช้สุดยอดกลยุทธแพรวพราวลิ้นสาริกา
    คงสิถอดมาจากมหาเวสสันดรชาดกกัณฑ์ชูชก(ชูชะกะ) หรือปริวรรตขึ้นใหม่โดยปราชญ์อีสาน หรือครูบาอาจารย์ในท้องถิ่น

  6. #6
    ร่วมถ่ายทอดความรู้สู่สังคม สัญลักษณ์ของ จำปา
    วันที่สมัคร
    Nov 2009
    กระทู้
    1,367
    ..โอน้ออ้ายพีเอย น้องนี้เนาว์นามเชื้อ..กกจำปาบ้านป่า
    กรรมนำพาปิ่นเปื้อง..ไปเมืองด้าวต่างแดน
    สาวภูไทคนโก้..ดอกโสนคืออ้ายว่า
    คำจำปานิ่งน้อย..ลอยขอบเลาะของ..พุ้นตั้วอ้าย(ข่อยบ่แม่นภูไท อิอิ)
    ---------------------------------------------------------


    ต่อคำนางกับคำพราหมณ์

    คำนางอมิตตา
    ..พราหมณ์นี้เป็นคนเฒ่า หนังยานเอ็นหย่อน
    คันได้เข้าอยู่ซ้อน อาศัยได้บ่อนใด
    ทำการงานกะบ่อได้ เฒ่าแก่ชราการ
    ขอแต่ทานเขากิน เพิ่งเย็นบ่มีได้
    ทำอันใดกะบ่อได้ นอนตายอยู่ซือๆ
    เฒ่าแก่วันแก่มื้อ ชาวบ้านว่าบ่อดี
    ทางหัวเพิ่นอยากได้เมียส่ำน้อย ไปเทียมนอนแนบ
    บ่อคิดเห็นโตแก่เฒ่า คางว้ำดั่งลิงฯ


    คำพราหมณ์
    ..อันว่าแนวนามเชื้อ อิตถิยายศต่ำ
    อาศัยผัวซอยค้ำ ซูขึ้นจึงใส
    ไผบ่อได้แนบซ้อน ผัวมิ่งเป็นสหาย
    คือดังตาลปลายสุด ยอดบ่มีเลยด้วน
    แนวเป็นสวนบ่อมีหมากแข้ง หัวข่าขิงไคร
    หมอนบ่อมีพอใบ ไผสิเชยชมย้อง
    คือเฮามีเฮือนห่อง เคหาบ้านอยู่
    อาศัยตู้ฟูกตั้ง หมอนเอ้หมู่เตียง
    จึงสิเฮียงไปหน้า สวยงามจากการแต่ง
    บ่อแม่นฉันแจงเว้า ติเตียนท่านอีตถี
    การมีผัวมันดี ช่วยงานการบ้าน
    ขอให้นางคานหล่า อมิตตามาเอาพี่
    เอาฉันเป็นสามี นางสุขสืบสร้าง สวรรค์ฟ้าบ่อป่านฯ


    ไปซักผ้าแล้วก่อนสิมาต่อ
    แก้ไขครั้งสุดท้ายโดย จำปา; 21-09-2012 at 13:30.

  7. #7
    ร่วมถ่ายทอดความรู้สู่สังคม สัญลักษณ์ของ ทิดจ่อย
    วันที่สมัคร
    Apr 2009
    กระทู้
    773
    5555555 พ่อพราหมณ์เฒ่าคือคารมดีแท้น้อ

    หล่านางเอย นงนางหล่าจำปาผุงามค่อง ขอบใจหลายหม่อมน้อง
    วรรณกรรมบ้านแห่งอีสาน สืบตำนานสานความเว้าโบราณเก่าแต่คราวหลัง
    หวังให้จรรโลงใจม่วนยินคติพร้อม ภูมิปัญญาผญาก้อมสิหดหายหากบ่อต่อ
    มาส่อยกันก่อสืบสร้าง สรรค์เอ้แต่งเติม


    อ้ายสิลองเป็นชูชกจัดบาดก่อนเดอหล่า

    "หล่านางเอย อมิตตานางน้องผู้ฮูปค่องปานดารา
    อะสุมาติฉินว่าอ้ายเป็นคนเฒ่า ลองเบ่ิ่งดูเจ้ามาเอาซายไปเป็นคู่
    เวียงบ่อดุ งานบ่อได้ แต่การบ้านอ้ายขยัน......(เดอจ้า)
    อ้ายสิขันอาสาเลี้ยง เถิงยามแลงสิกวยกล่อม
    ยูงกะสิบ่อให้ตอม ไรกะสิบ่อให้ต้อง ถนอมน้องปานหน่วยตา
    เว้าพื้นการงานหล่าให้นอนเว็นไล่ไก่ อ้ายสิไปหาขอทานเผิ่นเลี้ยง
    ดูแลเจ้าอยู่สบาย..........."



    มาแจมนำเดอจ้าบ่อคือปานใด๋ห่างหายไปดนแล้ว อิ อิ:l-

  8. #8
    ร่วมถ่ายทอดความรู้สู่สังคม สัญลักษณ์ของ จำปา
    วันที่สมัคร
    Nov 2009
    กระทู้
    1,367
    555 อ้ายทิดจ่อยสิเป็นชูชกติค่ะ

    โอนออ้ายทิดจ่อยเอย..คำโบราณเพิ่นกล่าวไว้
    อันแนวกินคันบ่กิน มันกะหากเนา
    แนวคำเก่าคันบ่เว้า กะหากเลาลืม..หั่นแหล่ว อิอิ
    --------------------------------------


    คำนางอมิตตา
    ..ไผผู้มีผัวไว้ เป็นไทยตามซ่าง
    พอป่านเอาหม้อค้าง วางไว้ระหว่างเตา
    มีแต่ฮ้อนอูตเอ้า แสนกระทบกุมพัง
    อุทกกังวังเวือน เดือนบ่เซาไฟฮ้อน
    ผัวมาเป็นข่วง หทัยทุกเช้าค่ำ
    ทำผิดใจแต่ละน้อย คอนถ่าแต่สิหนี
    ผิดวาจีเล็กน้อย ป้อยแซ่งนามสะกูล
    ยกเอามูลเอามัง อวดเมือคือบ้า
    บ่อเหลียวดูหลังหน้า กลับมาตั้งแต่ด่า
    หาแต่ทางสิฮ้าง วางถิ่มบ่อเอา
    ฉันนี้บ่ออยากเว้า ทางแห่งมีผัว
    กลัวจักเป็นคนเลว ต่ำสะกูลศูนย์เศ่า
    เซาสาเด้อพราหมณ์ อย่าเมาจากะตามซ่าง
    ฉันบ่เอาดี้ๆ เซาถ่อนอย่าจาฯ


    คำพราหมณ์
    ..โอนอนางเอ๋ย โลกนี้มีคู่เสมอไป
    ต่างก็อาศัยกัน จึ่งเจริญไปได้
    ไหมก็อาศัยม้อน ม้อนผั่นเลาอาศัยมอน
    จึงได้เป็นอาภรณ์ เครืองทรงงามเอ้
    น้ำทะเลอาศัยพื้น ปฐพีจึงเต็มแผ่น
    คันฮาดินบ่อ สิเต็มพร้อมได้ฮอมใด
    สันใดแท้ คนเฮาต้องมีคู่
    อยู่ผู้เดียวด้านๆ ชาวบ้านสิกล่าว
    เตือนเกวียนก็อาศัยล้อ ล้อผันเลาอาศัยเกวียน
    มีแต่เกวียนคันบ่ออาศัยงัว ก็บ่อเป็นไปได้
    ให้นางเอาผัวซ้อน เทียมสองมันจั่งค่อง
    ได้กับพราหมณ์แฮงโก้ งามขึ้นลืนหลังฯ

    ..อนึ่ง ในโลกนี้ บ่อมีอยู่เดียวเป็น
    อยู่แต่คนเดียวดาย บ่อห่อนเป็นเมืองบ้าน
    คือเฮามีวัตถุผ้า อาภรณ์ซ้อนนุ่ง
    เฮาสินุ่งแต่ผ้า ไปได้ฮ่อมใด
    คันมีไซก็ได้ แต่กุ้งกบเขียดในหนอง
    บ่อได้คองกินสัตว์ อยู่เทิงปลายไม้
    ฉันใดนี้อุปปะมา เหมืองดังกันแหลว
    แนวเป็นหญิง สิบ่อเอาคู่ซ้อน ให้ลองท่อนอีนางฯ


    พราหมณ์เพิ่นบ่ธรรมดาเนาะ หาแต่แนวเปลียบ

  9. #9
    ร่วมถ่ายทอดความรู้สู่สังคม สัญลักษณ์ของ จำปา
    วันที่สมัคร
    Nov 2009
    กระทู้
    1,367
    คำนางอมิตตา
    ..เฒ่าสิตายอยากได้ เมียสาวส่ำน้อย
    เฒ่าบ่อแม่นของค่อย ฮุนปู่หัวนา
    เหลียวเบิ่งกายหนา มีตั้งแต่กราก
    และแม่นไผสิอยาก เป็นคู่เทียมสอง
    เจ้าอย่ามาจองหอง พูดจาประมาท
    เดี๋ยวล่ะก่ำปั้นฟาด เข้าใสเสียงดัง
    สิได้ขดจังงัง แฮงสิดึงสายดากยัดฮ่าพุงเขียว
    เฒ่าป่านนี้ กะบ่อเหลียวเบิ่งโตสาก่อน
    เฒ่าจนหัวจ่อนพ่อน ยังอยากได้เมียสาว
    เจ้าอย่าได้สะหาว พูดจาหลายเทือ
    ฉันแฮ่งเบือ ป่านแฮ้งหมื่นโต
    กายกะตั้งแต่โม้ ขี่กรากไง่เป็นผง
    อันรูปทรงคือผี อีปูตาชาวบ้าน
    ทั้งหนังยานขาห่าน ตีนเปขาโก่ง
    เป็นโซงโลงดั่งบ้า หมาตี้อีสิเอาฯ (ป้าด..คำนางแหมะ)


    คำพราหมณ์
    ..เฒ่าอย่างนี้ หายากเมืองคน
    พี่นี้เกิดมาโดน แต่ปู่แต่ปู้
    พี่นี้เป็นคนฮู้ สู่กิสู่จี
    พราหมณ์นี้เป็นคนดี สมภารการสร้าง
    จึงได้ค้างในโลก มานานด้วยบุญญะสมภาร ถึงบ่อได้ตายง่าย
    น้องบ่ต้องเปิดหน่าย ขี่กรากเต็มตัว
    เอาพราหมณ์ไปเป็นผัว รู้ไสยาศาตร์
    คันแม่นฝนสิตก มันก็เกิดประหลาด คันเนื้อคันกาย
    แม่นเจ้าไปเอานาย กะบ่อป่านพราหมณ์แก่
    เฒ่าจั่งซี้ล่ะแม่เจ้า ทำงานขึงขัง
    แม่นสิเฮ็ดอีหยัง กลางคืนกลางค่ำ
    นั่นละผั่นแฮงหน่ำบ่อมีคนป่าน
    โปรดได้แม่ตาหวาน สงสารพราหมณ์แก่
    ให้ลองเอาเบิ่งแน่ เจ้าแม่คนสวย
    เจ้าผั่นสิรวย มีเงินตั้งหมืนฯ

    คำนางอมิตตา
    ..แม่นสิมีท่อฟ้า พื้นแผ่นแดนไตร
    บ่อแหนงใจนำพราหมณ์ ชาติชั่วทรามป่านนี้
    คือกับผีกวนบ้าน ชราการฮ้ายยิ่ง
    หญิงแต่ในโลกนี้ บ่มีแหล่วผู้สิเอา
    รูปร่างเจ้า คือชะมดผีดง
    แนวลงโครงควายตาย นั้นหมู่เมียเจ้า
    ให้ไปเอากับแฮ้ง หมาแดงพุ่นจั่งแม่น
    จึงสิสมเผ่าผู่ พราหมณ์เก้ขี่เรดำฯ

  10. #10
    ดูแลตรวจสอบเนื้อหา สัญลักษณ์ของ pcalibration
    วันที่สมัคร
    Nov 2008
    ที่อยู่
    เมืองฉะเชิงเทรา(แปดริ้ว)
    กระทู้
    1,883
    บล็อก
    1
    ธรรมมะดาแล้วเจ้า งัวเถ่าสิกินหญ่าอ่อน
    หยังกะเว้าออดอ้อน เวียนเข่า(เข้า)อยู่บ่ถอย
    เทิงน้ำตาลน้ำอ้อย น้ำเผิ่งอ่อยหยอดคำคม
    ตั้งแต่หย่างกะสิล้ม เสียงเว้าจ่มอยู่ในคอ
    เป็นสันใด๋กันน้อ อี่ตาพราหมณ์มะโณเถ่า
    :,1-:,1-:,1-:,1-:,1-
    หว่าไปน้องหล่า..กำลังเข้าด้ายเข้าเข็ม..ตำราอี่ตาพราหมณ์ใช้ได้..ตื้อกับหน้ามึน
    มาแจมเหล่นซื่อๆดอก

หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •