คนถึกถิ่ม

[PLA2KEM]

มาเจ็บในหัวใจอ้าย พอสิตายแล้วเนื้ออุ่น
เขามาลุน(ทีหลัง)บาดได้เจ้า เนาแนบหน่วยใน
คำที่เคยสัญญาไว้ บ่หนีไปดอกไกลห่าง
เด๋วนี้ปล่อยให้อ้างว้าง พะนางน้องจังแมนลืม
ก่อนว่าฮักและเทิงปลื้ม เดี๋ยวนี้ลืมแล้วแมนบ่
ปล่อยให้อ้ายถ่าพ้อว้อ คือหมาน้อยถึกปล่อยทาง แท้น้อ
:l-:l-:l-:l-:l-:l-:l-:l-:l-:l-:l-:l-:l-:l-:l-:l-:l-

[บ่าวหัวเขียง]

พี่เอย...สัญญานั้น มันแค่เพียงลมปาก

อยากให้ดี กะลงลายมือทับ กำกับไว้ เทิงสองฝ่าย...เด้อพี่เด้อ

ฮอดมื้อนั้น สำคัญแท้ให้แจ้งข่าว ทีมงาน บ่าวหัวเขียงจะซ่อยพี่ได้

รับทวงหนี้สัญญาใจ ให้พี่ ปลาทูเค็ม...555...ยึดให้เหมิดเลย...น้อพี่

[PLA2KEM]

อ้ายบ่าวหัวเขียงเอ๊ย
ทวงให้แนคั่นทวงได้ ถอนหัวใจน้องคืนแน
คิดว่าเขาคือรักแท้ ผัดแวจ้อยหนีไกล
ถ้าพี่บ่าวนำทวงได้ หรือพาไปเว้าไกล่เกลี่ย
น้องสิให้พร้อมดอกเบี้ย ญาอ้าย ถ้าได้คืน (ซอยแนเด้ออ้ายบ่าว)