สักการะพระธาตุนาดูน

[เขย ตระการ]

พอดีได้มีโอกาสกลับบ้านที่มหาสารคาม กะเลยถือโอกาสไปนมัสการพระธาตุนาดูนเพื่อความสิริมงคลกับตนเองและครอบครัวครับ
ลักษณะของพระธาตุนาดูนสิจำลองแบบมาจากสถูปสำริดที่บรรจุพระบรมสารีริกธาตุครับ ซึ่งพระธาตุนาดูนและสวนป่ารอบๆสิมี
อาณาบริเวณกว้างขวางพอสมควรประมาณ 900 ไร่ได้ ดังนั้นเพื่อเพิ่มความสะดวกให้แก่นักท่องเที่ยว ให้ได้ไปเที่ยวโดยรอบและได้เรียนรู้
เกี่ยวกับประวัติศาสตร์ความเป็นมาทางผู้ที่ดูแลจึงได้จัดให้มีรถนำเที่ยวและมัคุเทศไว้คอยบริการนำครับ.....ตามผมมาเลยครับ

นี่กะเป็นผู้ติดตามในครั้งนี้ครับ


รถนำเที่ยวพร้อมมัคคุเทศ 30 บาทตลอดสายครับ
รถสามารถแวะจอดส่งระหว่างทางได้ (หาเก็บเห็ด) แต่ต้องหาทางย่างบู๋ป่ากลับมาเอาเองวะซ่าน..มัคคุเทศเพิ่นวา...555



นี่คือแบบจำลองสถูปสำริด ที่บรรจุพระบรมสารีริกธาตุครับ


และแล้วรถนำเที่ยวกะพามาแวะที่ศูนย์เรียนรู้จำปาศรีครับ ซึ่งที่นี่จะเก็บรวบรวมเครื่องไม้ เครื่องมือต่างๆ รวมถึงเฮือนซานสมัยเก่าไว้
ซึ่ง ณ ตอนนี้กะน่าสิหายากแล้ว เอาไว้ให้คนทั่วไป รวมทั้งนักเรียน นักศึกษา ได้มาศึกษาเรียนรู้ครับ


อันนี้ที่ปั่นด้าย ปั่นฝ้าย...เด็กน้อยสมัยใหม่บ่เคยพ้อจักเทือ เพิ่นเลยสะออนคักเป็นหยัง (ไปหล่อยหมุนเล่น)


อันนี้กะก่องข้าวใหญ่ เบิ่งซงแล้วกินเบิดหมู่บ้านกะคือสิบ่เบิดดอกผมวา...


นี่กะเฮือนซานสมัยเก่า ปล่อยข้างล่างไว้โล่งๆ เอาไว้เก็บเกวียน รึวาสิเฮ็ดเป็นคอกควายกะได่ เพิ่นวาถ้าเฮือนได๋มีเกวียนผูกยู่ต่างล่างนำ แสดงวาเฮือนนั้นสิมีฐานะดีกว่าหมู่วาซ่าน..(ถ้าเทียบกับทุกมื้อนี้กะคือสิปานมีรถเบ็นซ์ รถบีเอ็มพุ่นละมั้ง..)



และถ้าเมือฮอดบ้านแล้วบ่ได้ออกไปไฮ่ไปนา เพิ่นวามาบ่ฮอดบ้านวะซ่าน..
มื้อหลังผมกะเลยพาทีมงานออกไปไปหากินข้าวท่ง สูดอากาศ กอดท้องฟ้า ที่ท้องทุ่งนา พร้อมทั้ง นอนฟังเสียงนกตูมอยู่เถียงนาน้อยคอยนางไปนำ
เถียงน้อยๆหลังนี้ กะพอไดเซายู่สมัยเป็นบ่าวซำน้อย เลี้ยงงัว เลี้ยงควายครับ


นี่กะนาข้าวกำลังงามครับ นำกะมีบ่หลายป่านได๋แต่กะบ่ถึงกับแห้งแล้งครับ เพิ่งซงคือสิได้เกี่ยวยู่ดอกผมวา


ยู่นากะมีสาน้อยๆเอาไว้ถ่ากินปลา ยามลูกหลานกลับบ้านมาโฮมกัน ปีใหม่ สงกรานต์ครับ
ที่ทุ่งนากะบรรยากาศกะดีคัก ฝนตกลินน่อยๆ เป็นตานอนเว่นกับผู่สาวสำน้อยคักเป็นหยังงง



ทริปนี้กะเบิ่ดแค่นี้ พอหอมปากหอมคอเด้อครับ จั่งได๋ถ้าพี่น้องบ้านมหาได้ผ่านไปทาง อ.นาดูน จ.มหาสารคาม
กะอย่าลืมแวะไปนมัสการพระธาตุนาดูนเด้อครับ สุดท้ายกะขอขอบคุณบ้านมหาอีกครั้งเด้อสำหรับพื้นที่ดีๆครับผม