กำลังแสดงผล 1 ถึง 8 จากทั้งหมด 8

หัวข้อ: ...สระบุรี...เลี้ยวขวา...

  1. #1

    ...สระบุรี...เลี้ยวขวา...

    ...ผุสาวเอย...เสียงพิณเสียงแคนห่าว เอิ้นผุสาวให้คืนถิ่น คืนมาหาบักอ้ายผู้คอยถ่าได้แต่เหงา
    นับแต่เจ้าจากบ้าน ถิ่นอิสานบ้านป่า มีแต่ไกลไปหน้า บ่มีมื้อสิต่าวคืน
    ...ผุสาวเอ่ย...อ้ายเฝ้ายืนคอยทาง คอยแต่นางมื้อสิย้อน คอยงามงอนมื้อสิกลับ หลับได้กะบ่ลง
    หรืออนงค์นางน้อง พ้อขุมทองหลุมใหญ๊ใหญ่ เป็นต่างด้าวแดนไกล จังมาลืมพี่ชายได้
    ...ผุสาวเอ้ย...หรือเจ้าไปพบพ้อ ผู้บ่าวไทยแนวใหม่ๆ เทิงใหญ่ๆยาวๆ เทิงขาวๆสูงๆ จูงแขนเข้าตั้งแต่บาร์
    หรือว่าน้ำประปา พาใจให้เจ้าต่าง ลืมน้ำบ่น้ำซ่าง ลืมฮอดทางเคยเทียว เกี่ยวก้อยกันหละนาง
    ...ผุสาวเอ๊ย...ฮอดสระบุรีแล้ว ให้น้องแก้วเลี้ยวขวา จักตามัว หรือตาฟาง นางจังมาหลงได้ ทางเมื่อบ้านอิสานเฮา
    หรือว่ากลับมาแล้ว แต่เปลี่ยนแนวเส้นทางสายใหม่ จักตรงไปหรือเลี้ยวซ้าย จักกายไปหรือว่าจอด หรือค่ารถน้องนั้นเหมิด..ฮั่นนี่
    ...ผุสาวเอ๋ย...อกบักอ้ายสิแตกม้าง คอยความหวังรอฟังข่าว ข้อความกะบ่เข้า โทรศัพท์กะแห่งมิด
    เฟสบุ๊คแห่งให้คิด หัวเขียงผิดเรื่องอันใด๋ ผุสาวจังหนีไกล ถิ่มหัวเขียงไว้ผุเดียว...บาดที่นี่


  2. #2
    ศึกษาหาความรู้ สัญลักษณ์ของ suny
    วันที่สมัคร
    Nov 2008
    ที่อยู่
    ภูมิลำเนา มหาสารคาม ทำงาน ประจวบ
    กระทู้
    848
    คืนสาเด้อเด้อหล่าให้สาวนาคืนถิ่น คืนไปดินแดนเค้าคืนหาเฒ่าพุอยู่คอง
    ม่วนครับบ่าว

  3. #3
    ร่วมถ่ายทอดความรู้สู่สังคม สัญลักษณ์ของ จำปา
    วันที่สมัคร
    Nov 2009
    กระทู้
    1,492
    ฮอดสระบุรีเลี้ยวซ้าย โบกมือบายๆชายใจเปลียน
    บ่อยากเวียนไปใกล้ หัวใจน้องบอกว่าลา
    บ่กลับมาหาแล้ว สึขึ้นแจ่วแอ่วเมืองเหนือ
    แนวบักเกลือเป็นหมากแข้ง หัวใจแล้งมืนขี่ตม..

    กลอนพาไป

  4. #4

    จำปาเอย...คือสิเว้าจังซั่น...

    ...ซ่างมาถิ่มข่อยไว้ กลางไฮ่เป็นหมู่กา ซ่างมาป๋าข่อยไว้ กลางนาเป็นหมู่ไก่
    ซ่างมาลัยลืมถิ่มความสัมพันธ์อันมั่นแก่น ฮักเป็นแฟนกันไว้ ไผจาเว้ามาซั่งลืม...จำปา

  5. #5

    โค้ง...อันตราย

    ย่านแม่นเห็นป้ายบอก...โค้งอันตราย...เลยบ่เลี้ยวเทิงซ้ายเทิงขวา

    ย่านแม่นตรงไปอยู่...ตกแจใด๋น้อบาดนี่...555 ...

  6. #6
    ศึกษาหาความรู้ สัญลักษณ์ของ คุณฉุยเลย
    วันที่สมัคร
    Jan 2012
    ที่อยู่
    พระนครศรีอยุธยา
    กระทู้
    411
    อ่านซุมเพิ่นเอื้อยอ้ายเขียนตอบกัน แล้วม่วนหลายครับ ถ้าได้ยินเป็นเสียงเว้าแก้กันนี่ แห่งสิม่วนหลายเนาะครับ แต่ก่อนพวกผญา ได้อาศัยซื้อเทปคณะเพชรพิณทองฟัง แล้วกะหัดท่องนำ แต่ภาษาเมืองเลย เว้าบ่คืออีสานจังหวัดอื่น หัดไปกะหัวขวัญเจ้าของ เว้าภาษาเลยกับอีสานใต้ปนกัน

  7. #7
    ร่วมถ่ายทอดความรู้สู่สังคม สัญลักษณ์ของ บ่าวชัยภูมิ
    วันที่สมัคร
    May 2007
    กระทู้
    550
    เลี้ยวทางอื่นได้บ่เนี่ย ถ้าเลี้ยวซ้ายเด้

  8. #8

    ตอบบ่าวชัยภูมิ

    อิสานบ้านเฮาเลี้ยวขวา 1,000,000%

    ถ้าจะเลี้ยวซ้าย...กะสุดแท้แต่จะไปครับ...555

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •