ต้นทม

[หนุ่มลาวสาวขะแมร์]

ผมมีต้นไม้ที่ถ่ายไว้ในสต็อก อีกต้นนึงผมคึดว่าเป็นต้นทม หรือต้นกระทุ่มแน่นอน
แต่พอเปิดหาเบิ่งตามคอลัมน์ต่างๆ กะเฮ็ดให้งงครับ
แต่ละหม่องเอิ้นคือกัน บ่คือกัน ผู้นึงวากระทุ่มน้ำ ผู้นึงวากระทุ่มเขา กระทุ่มเขาของผู้นึงคือกระทุ่มคลองของอีกคน กระทุ่มนา กระทุ่มป่า ก้านเหลือง ตับเต่า ตะกู สารพัด
แต่ต้นไม้ในวงศ์นี้กะมีเป็นร้อยๆ พันๆ ใบแหลม ใบมน ใบขน ใบมัน
ผมถ่ายรูปไว้แล้วกะอยากนำมาให้พี่น้องเบิ่ง ผู้ได๋มักซือหยังกะตั้งเอาโลดเด้อครับ

ตัวอย่างที่ขะเจ้าเอิ้น

กระทุ่ม / Anthocephalus chinensis (Lark ) A.Rich.exwalp / Rubiaceae / biogang.net

กระทุ่มน้ำ / Ochreinauclea maingayi (Hook.f.) Ridsd / dnp.go.th

กระทุ่มน้ำ / Mitragyna diversifolia (Wall.ex G.Don) Havil. / RUBIACEAE / nrru.ac.th

ต้นกระทุ่มบก / Anthocephalus chainensis A. Rich. / thaimtb.com

กระทุ่ม / Anthocephalus chinensis (Lamk.) A. Rich. ex Walp / Rubiaceae / ลานธรรมจักร

กระทุ่ม / Neonauclea sessifolia (Roxb.)Merr / Phargarden.com

กระทุ่ม / Anthocephalus chinensis (Lamk.) A. Rich. ex Walp. Rubiaceae / บ้านพุด










สิแม่นฮอยเพิ่นถากไปเฮ็ดยา หรือต้มน้ำย้อมอีหยังจักอย่าง







นี่อีกต้นนึง ต้นเรียบขาวคือต้นเปือยหรือต้นบักสีดา ไปเห็นบางคุ้มเพิ่นกะเอิ้นกระทุ่มเขา บางคุ้มผัดวากระทุ่มคลอง บาวหม่องกระทุ่มปา
ผู้ได๋หมั่นใจวาแม่นแท้จังได๋กะซอยบอกน้องนุงแน่เด้อครับ ผมกะบ่มั่นใจปานได๋ดอก เห็นดอกมันซงคือกัน กะเลยรวมไว้นำกัน

[เซียงสีผีเป้า]

กกทม ( ภาษาอิสานออกเสียงตามที่เขียนเลยครับ ทม )

บ้านผมหลายครับสิเกิดอยู่นำนาทาม ต้นบักใหญ่หลายคนโอบกะมี

ต้นทมบ้ามผมสิเป็นแบบเดียวกับในรูปต้นที่สอง เปลือกลำต้นสิลอกคือต้นบักสีดาและต้นเปือย(ตะแบก)

ฮากของต้นทม เพิ่นสิขุดเอามาเฮ็ด เต้าแคน ครับ แต่ว่าทางการเพิ่นสิเอิ้น กระทุ่มบก กระทุ่มเขา อิหยังผมกะบ่ฮู้คือกันครับ ฮู้แต่ภาษาบ้านเฮา

ส่วนต้นแรกบ้านผมบ่มีครับ

แม่หญิงโบราณเพิ่นสิตัดผมมวยกลมๆ เอิ้นว่า มวยดอกทม (ทรงดอกกระทุ่ม)


และอีกประการหนึ่ง ต้นทมนี่กับแก้หลายคัก ย้าน!!!!!!!!!

[คนตระการ...]

ขอบคุณเด้อ รูปภาพ หาเบิ่งยาก...
ตอนนี ต้นทม หายากแล้วครับ แต่ก่อนอยู่ฮิมหนองสาหลายๆๆ
ขะเจ้าสร้างอ่างเก็บน้ำ น้ำท่วมนาต้นไม้เลยหายเบิด เสียดายคัก ต้นจาน ต้นแก
ต้นเปลือยเพิ่นสิมักเอามาเฮ็ดด้ามจอบ เสียม ไช้ไปนานๆเลี่ยมดีคัก

[ณัฐ ภูไท]

ลืมแล้วถ้าบ่เอารูปมาให่เบิ่งกะคือสิคึดบ่ออกต้นท่มทางบ้านแต่กอ่นกะพอมีให่เห็นยุมักเกิดอยู่ใกล้ๆๆนํ้าเนาะครับทางบ้านเอิ้นต้นท่มครับ

[เขย ตระการ]

แถวกันทรวิชัยกะเอิ้นต้นทมครับ