กำลังแสดงผล 1 ถึง 6 จากทั้งหมด 6

หัวข้อ: โชคดีที่มีเจ้า

  1. #1
    แบ่งปันความรู้และประสบการณ์ สัญลักษณ์ของ PLA2KEM
    วันที่สมัคร
    Jul 2012
    กระทู้
    201

    โชคดีที่มีเจ้า

    หล่านางเอ๊ย
    ทั้งหมดในสามโลกนี้ พนันได้ว่าบ่มี คนโชคดีคืออ้ายบ่าว
    ทุกข์อ้ายยังมีเจ้า สุขอ้ายยังมีเจ้า เคียงข้างบ่ห่างหาย
    กำลังใจข้างกายอ้าย เจ้าบ่หน่ายแหนงหนี
    ถึงสิมีความทุกข์ ถังโถมโคมเค้า
    นางยังเคยเอ่ยจาเว้า แมนสิเป็นหยังน้อเฮา สิก้าวพ้นให้จนผ่าน
    ถึงสิรอคอยแสนนาน อ้ายกะยังมีเจ้า และสิเว้า"ฮักบ่ลืม" หล่าเอ๊ย
    :l-:l-:l-:l-:l-:l-


  2. #2

    ขอของดีนำแนหนา...

    ...อิจฉาหลายอิจฉาอ้าย ปลาทูเค็ม เผิ่นมีสุขเต็มเต็ม อ้ายเค็มพี่ มีคนเคียงข้าง
    ฮักอย่าม้างถือกันให้มั่นเที่ยง เด้ออ้ายเด้อ อย่าได้คือหัวเขียงน้อง นอนนองแต่น้ำตา
    บุญผลาน้องน้อย สายป่านข่อยบ่ยาว ผุสาวจักถิ่มเดินข่วมหย่างกายอ้ายเอย เว้าพื้นหล่อทางน้องบ่แพ้ เว้าพื้นใจเกินร้อยบ่มีขาด แต่ว่าฮักมาพลาดจักว่าเป็นย้อนหยัง จังแม่นเป็นตาซังสุดหาทางแก้ ขอแนอ้าย"ขนขาซ้าย"จักสองคู่บาดเทื่อบุญชูค้ำ ฮักน้องสมดังใจ สิมาเลี้ยงดอกอ้ายตอบแทนจักสองเมา...

  3. #3
    แบ่งปันความรู้และประสบการณ์ สัญลักษณ์ของ PLA2KEM
    วันที่สมัคร
    Jul 2012
    กระทู้
    201
    อ้ายบ่าวหัวเขียงเอ๊ย
    ถ้ามันเป็นไปได้ อ้ายสิอบรมหัวใจ ห้ามบ่ให้ฮักแฟนเพิ่น
    มันเฮ็ดยากเหลือเกิน ที่สิให้เลิกมักเจ้า ย่อนมันเข่าหว่างหทัย
    หมู่หลายคนคอยเตือนไว้ ให้เผื่อใจไว้เจ็บแน
    เขาบ่แลมามองซ่ำ แฮงตอกย้ำสิทธิ์บ่มี
    หน้าตาพอซำนี่ คืออ้าย"บี้"(เดอะสตาร์)กะไคแน
    ยามยิ้มเฮ็ดแพ่แว่ หน้าคือแข่ ไผสิมอง หล่าเอ๊ย อิอิ
    ปล. อันที่บ่มีแฟนซ้อนบ่แมนแอบมักเมียเพิ่นบ่น้อ

  4. #4

    หลงผิดชั่วคราว...

    ...เฮ็ดจังใด๋แหล่วแนวโตฮักแฟนเผิ่น พี่เอย ฮักกะฮักเหลือเกิน ใจถลำลึกแล้วสิถอนขึ้นได้จังใด๋ หรือแม่นโตตามใจโต หรือแฟนเผิ่นเปิดทางให้ ใจข่อยจังแตกแถว พี่เอย ลืมลูกคำแก้ว ลืมเมียฮักเมียขวัญ ลืมถึงความสำคัญภาระรับผิดชอบ ขอบคุณอ้ายปลาทูเค็มหลายๆเทื่อ ที่ซ่อยเหลือเอื้อเฟื้อให้หูแจ้งตาใส ตั้งแต่นี้ต่อไปสิฮักเมียให้หลายๆ เทิงลูกสาวลูกชายที่คอยถ่าอยู่ทางบ้าน...555

  5. #5
    แบ่งปันความรู้และประสบการณ์ สัญลักษณ์ของ PLA2KEM
    วันที่สมัคร
    Jul 2012
    กระทู้
    201
    มันกะดีคักแหล่วหล่า ปลาทูเค็มสิมา ภาวนาเอาใจซอย
    อย่าหามีเมียเล็ก แล้วกะมีซ้ำเมียน้อย ลูกน้อยๆสิซ้ำทรวง เด้ท้าว

  6. #6
    ร่วมถ่ายทอดความรู้สู่สังคม สัญลักษณ์ของ บ่าวชัยภูมิ
    วันที่สมัคร
    May 2007
    กระทู้
    550
    ห้ามหัวใจบ่ให้ฮักเพิ่น ยากแสนยากเลย แฮ่งได้คุยได้เว้าหัวใจถลำลึกลง ยากสิถอนคืนมาได้
    ต้องคอยทนทรมานหัวใจ แต่ใจอยากเขาเป็นผุสาว

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •