คิดฮอดบ้าน

[สารคามน้ำบ่ต้อง]

พ่อแม่เอ้ย...
ลูกได้พลัดพรากบ้านมาทำงานเมืองไกล
บ่ลืมไลแม่นสิไกลเมืองบ้าน
มาทำงานเอาแฮงกายแลกเงินเพิ่น
หวังสิได้บาทเบี้ยพอได้ส่งเมือ
ให้อิพ่อแม่ใซ้ได้อยู่เย็นเป็นสุขท่อนั้นแหลววว

[lungyai1123]

อ้ายเอ๊ยย...
ความคิดฮอดมันสุมกลุ้ม คลุมหัวใจมาหุ่มห่อ
บ่าวรูปหล่อจั่งบักอ้าย อยากอายเว้า..หากนั่งเคียง
เพียงได้พบ..และเห็นหน้า หวานลงมาให้ใจชื่น..(แท้..น้ออ..)
พออยากมื่นคาด ลาด ล้ม.....เซ ถลา คาด ลาด ลื่น..ซาวข้าง..เบิ่งเด้..น้อออ....ซาลาล่า

[chaichai]

ไกลขอให้ไกลแต่บ้าน ฮั่วไฮ่ นาสวน
ไกลขอให้ไกลแต่มวลหมู่เฮือนกับเล้า
ส่วนว่าวาจาเว้าคนเฮาอย่าได้ห่าง
ต่างคนแม่นสิอยู่ต่างบ้าน ความเว่าอย่าห่างกัน


โทรหาบ่อยๆกะได้
ป.ล. จำเพิ่นมาครับ

[PLA2KEM]

จำใจต้องห่างบ้าน ไกลสถานถิ่นเกิดเก่า
ยังจ่มนำทุกแลงเช้า เมือกินเข่าฮวมภาช์
นั่งนำกันพร้อมหน้า วงค์ศาเพิ่นมาฮ่วม
ลุงป้าอาน้ามาร่วม ซุมเค้าเหง้าแซง
ย้อนอีสานมันแห้งแล้ง ดินนาแดงแตกคินคิน
ต้องหากินอยู่ต่างบ้าน แต่ปานนั้นยังบ่พอ พี่น้องเอ๊ย
ปล.มาขอแจมนำซือๆเด้อครับ