หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 19

หัวข้อ: ต้นกุ่ม ผักก่ามบ้านเฮา

  1. #1
    ดูแลตรวจสอบเนื้อหา สัญลักษณ์ของ หนุ่มลาวสาวขะแมร์
    วันที่สมัคร
    Aug 2012
    ที่อยู่
    รังสิต
    กระทู้
    486

    ต้นกุ่ม ผักก่ามบ้านเฮา


    ผักก่ามบ้านเฮา สิฮุ้จักกันดีสู่คนเนาะครับ บ่เห็นพี่น้องนำมาลง ผมขอนำมาปลูกไว้ในสวนป่าบ้านมหาให้ได้เบิ่งกัน

    ผักก่าม ทะงัน(ขะแมร์) เอิ้นคือกันอยู่ดอกเนาะครับ
    ไทยเพิ่นว่า กุ่ม หรือ กุ่มน้ำ กุ่มบก
    ฝรั่ง
    Crateva magna DC
    Crateva religiosa ham.
    Crateva adansonii DC.subsp.trifoliata (Roxb.) Jacobs

    เท่าที่ผมเห็นและได้ถ่ายรูปไว้มีอยู่สองอย่างครับ ซึ่งอาจสิมีหลายชนิดหลายพันธุ์กว่านี่กะได้


    ต้นกุ่ม ผักก่ามบ้านเฮา


    ต้นกุ่ม ผักก่ามบ้านเฮา

    ช่วงเดือนอ้ายเดือนยี่ครับ หล่นใบเหลือแต่ก่างหรือหง่า


    ต้นกุ่ม ผักก่ามบ้านเฮา


    ต้นกุ่ม ผักก่ามบ้านเฮา

    นี่เป็นผักก่าม ชนิดใบกว้าง ครับ เห็นหลายทางบ้านเฮาเนาะครับ เดือนห้าเดือนหก เบิดดอกแล้วป่งใบ
    หง่าก่ามสิพ้อยหรือบ่หมั่น หักได้ง่าย ต้นนี่ข้างเฮือน ผ่านการหักเอาดอกเอายอดปีละเทือสองเทือ เหี้ยนเบิด


    ต้นกุ่ม ผักก่ามบ้านเฮา

    ต้นนี่ ผักก่ามใบแหลม อยู่ที่หม่องผมเฮ็ดงานครับ


    ต้นกุ่ม ผักก่ามบ้านเฮา

    หน่วยสุกแล้วหล่น เดือนกันยาทีผ่านมา หน่วยน้อยซำไข่ไก่ หน่วยใหญ่ซำไข่ห่าน หน่วยท่าวท่อไข่เป็ดครับ สีหม่นๆนั่นละ


    ต้นกุ่ม ผักก่ามบ้านเฮา

    เนื้อหรือนวน บายหยิบเบิ่ง หยาๆ คือทรายผสมปูนหรือคือบายขี่ม้อนนี่ละครับ กลิ่นกะบ่โสภาดอก เป็นตาเตะเข่าป่าหลายกว่า


    ต้นกุ่ม ผักก่ามบ้านเฮา

    เมล็ดหรือใน เป็นคือเห็นนี่ละครับ หลังล้างน้ำ ตากแดดแล้ว เบิ่งงามออกแนวศิลป์ ไผอยากได้กะมาเอาเด้อครับ
    ผมกะเพิ่งเคยเห็นเทือแรก ที่ผ่านๆ มาเห็นหน่วยหล่นกะเตะกับเหยียบท่อนั่น


    ต้นกุ่ม ผักก่ามบ้านเฮา

    เบี้ยจากหน่วยนั่นละครับ งอกคาหน่วย ผมกะเลยลองเหน็บทิ่มไว้ นี่กะประมาณซาวกว่ามื้อ
    ซงสิเกิดง่ายอยู่ครับ


    ผิดถืกอั่นได่พี่น้องกะซอยกันเบิ่งเอา ผู้ได๋พ้อดอกงามๆ กะมาสู่กันเบิ่งเด้อครับ


    ปัญหา : ทุกรูปผมตั้งค่าใน photoscape ความกว้าง 700 ท่อกันเบิด ออกมาคือเบิ่งยากๆ ซงนี่ละ
    พี่น้องผู้ฮู้บอกผมแน่ครับ


  2. #2
    ร่วมถ่ายทอดความรู้สู่สังคม สัญลักษณ์ของ ไผ่หวาน
    วันที่สมัคร
    Jun 2009
    ที่อยู่
    PATTAYA CITY
    กระทู้
    770
    บล็อก
    14
    อยากได้ยุจ้าเมล็ดพันธุ์ ให้ไปเอาใสหละ อิอิ

  3. #3
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    6,363
    บล็อก
    23
    คั่นสิบอกว่าบ่รู้จักสิเฮ็ดให้เสียบรรยากาศบ่นอน้องหล้า ...




    บ่เป็นหยังดอกเนาะ..ศึกษาเอาในนี้ล่ะ อิอิ .. :*-

  4. #4
    แบ่งปันความรู้และประสบการณ์ สัญลักษณ์ของ ณัฐ ภูไท
    วันที่สมัคร
    Apr 2012
    กระทู้
    845
    อุ้ยโทษหลายเด้อยอ้นบ่ฮู้อันหลีจังอยากถามว่าผักกุ่มที่เขาเจ๊าเก็บยอดเก็บใบไปเฮ็ดส้มนั้นติเคยได้ยินพี่นอ้งทางษีเกดเพิ้นว่ากินส้มผักกุ่มว่าซั่น

  5. #5
    ร่วมถ่ายทอดความรู้สู่สังคม สัญลักษณ์ของ บ่าวชัยภูมิ
    วันที่สมัคร
    May 2007
    กระทู้
    550
    อยากกินส้มผักกุ่มเด้น้อ กินกับแจ่ว

  6. #6
    ศึกษาหาความรู้ สัญลักษณ์ของ lungyai1123
    วันที่สมัคร
    Oct 2008
    กระทู้
    381
    บล็อก
    63
    ว่างๆกะติดมือมาฝากแนเด้ออยากลองปลูกเบิ่ง

  7. #7
    แถวชัยภูมิ เห็นผัก..กุ่ม...เกิดนำลำน้ำเจา และลำน้ำเจาก็ไหลลงลำน้ำชี แต่วาแถวบ้านผมลักษณะใบเป็นแฉกครับ มักเกิดริมลำน้ำเจา อิอิ กินกับแจ่วและป่นกุ้ง ป่นปลา
    แก้ไขครั้งสุดท้ายโดย สุดสาคร; 24-10-2012 at 23:36.

  8. #8
    ดูแลตรวจสอบเนื้อหา สัญลักษณ์ของ หนุ่มลาวสาวขะแมร์
    วันที่สมัคร
    Aug 2012
    ที่อยู่
    รังสิต
    กระทู้
    486
    เอื้อยไผ่หวาน ลุงใหญ่ วิธีการง่ายๆ ครับ ส่งสถานที่หม่องได๋กะได้ที่ไปรษณีย์ส่งฮอดมาให้ผมทางกล่องข้อความกะได้
    แล้วผมกะสิห่อส่งไปให้ผู้ละสิบในซาวใน บ่ต้องเกรงใจ บ่เป็นภาระดอกครับ ไปรษณีย์อยู่ปากซอย ค่าส่งบ่หลายบาทผมจัดการให้เบิ้ด

    เอื้อยส้มป่อยหรือพี่น้องที่บ่ฮู้กะบ่แปลกดอกครับ เพราะบางบ้านกะบ่มี บ้านผมวาปีฯ เห็นเพิ่งเกิดใหม่อยู่นาอีพ่อสองต้นท่อนั้น
    นำโพนนำเล่าแคมห้วย รถแมกโฮฮวดลงเบิ้ด เด็กน้อยบ้านผมสู่มื้อนี่กะบ่หมั้นใจวาสิฮู้จักบ่
    แต่ทางเขาพนมรุ้งนำไฮนำนานำบ้านเพิ่นบ่ตัดทิ่ม ต้นใหญ่ต้นน้อยกะเห็นหลายอยู่

    ครับบ่าวณัฐ เอาดอกอ่อน ใบอ่อน มาแซ่น้ำเปล่า หรือน้ำเข่าหม่าสองสามคืน ล้างซาวเกลือจักน่อย รสซาดออกมันๆ แซบเด้ละครับ

    สรรพคุณทางยาเพิ่นกะว่าไปหลายอย่างคือกันเนาะครับ

  9. #9
    ศึกษาหาความรู้ สัญลักษณ์ของ suny
    วันที่สมัคร
    Nov 2008
    ที่อยู่
    ภูมิลำเนา มหาสารคาม ทำงาน ประจวบ
    กระทู้
    848
    ทางบ้านผมตอนนี้บ่ฮู้ว่าเหลือหรือบ่ครับ ต้นกุ่มต้นก่ามนี่ แต่ก่อนสมัยเป็นเด็กน้อยไปหว่านแห(ทอดปแห)แถวน้ำชีกับพุเฒ่ากะเก็บยอดผักกุ่มที่เกิดอยู่แถวฝั่งชีมาเฮ็ดสัมผักอยู่ครับ พอขึ้นไปทางนากะเก็บผักก่ามมากินนำ เอาดอกกับยอดคือว่าละครับมาเฮ็ดสัมผัก แซบคือกันแต่ซุมื้อสงสัยสิเบิดแล้ว เพิ่นเอารถเกรดรดแบล็คโฮค่นเบิดละมั้งครับ อยากได้เมล็ดพันธ์มาปลูกคือกันละครับบางเทือได้อนุรักษ์ไว้นำ

  10. #10
    ศึกษาหาความรู้ สัญลักษณ์ของ เขย ตระการ
    วันที่สมัคร
    May 2012
    ที่อยู่
    Chachoengsao
    กระทู้
    203
    เคยฮู้จักอยู่ครับ แต่กะบ่ฮู้ว่ามันกินได้เนาะกะเลยบ่ได้สนใจปานได๋
    สงสัยปานนี้น่าสิดับแนวเบิ้ดละมั้งแถวกันทร

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •