พ่อตื่นเต้นกว่า!!

[suny]

ดีใจนำเด้อครับมีลูกชายเก่งๆแบบนี้ภูมิใจหลาย ลูกไม้คือสิบ่หล่นไกลต้นเนาะครับ(คือสิเก่งทั้งพ่อ แม่)เรื่องรางวัลให้หยังกะได้ครับสำหรับเด็กน้อยขนาดนี้พอเป็นกำลังใจเพิ่น แต่กะอย่าลืมบอกเพิ่นเด้อครับว่าถึงบ่มีรางวัลให้กะขอให้เฮ็ดเต็มความสามารถ เพื่อให้เพิ่นได้คิดนำว่าบ่แม่นจะเฮ็ดเพื่อรางวัลอย่างเดียว

[เขย ตระการ]

ขอบคุณหลายๆเด้อครับอ้าย เอื่อยทุกคน สำหรับคำแนะนำที่ดีๆครับผม

ส่วนเบื้องหลังกว่าที่น้องฟลุ๊คจะสำเร็จมาได้ขนาดนี้ กะต้องแลกมาจากความพยายามมากกว่าเด็กน้อยปกติทั่วไปคือกันล่ะครับ เพราะจะต้องเรียนพิเศษหลังเลิกเรียนมื่อละชั่วโมงครึ่ง พอกลับมาบ้านกะต้องมาทบทวนทำการบ้านอีก 1 ชั่วโมง ก่อนสิออกไปเล่นกับเพื่อนในหมู่บ้านได้ครับ ส่วนช่วงเวลาปิดเทอมกะต้องไปเรียนพิเศษอีกคือกัน ผมกะนึกสงสารลูกคือกันวาเรียนหนักมากสำหรับเด็กน้อยแค่ ป.2 ผมเคยถามลูกคือกันวาไหวบ่ น้องฟลุ๊คบอกวาไหว สนุกดีและอยากเรียนพิเศษ ผมกะเลยตามใจเขาและอีกอย่างห้องที่น้องฟลุ๊คเรียนอยู่ในขณะนี้ถือวาเป็นห้องคิงส์(ห้องพิเศษ) เพราะจะคัดเอาเฉพาะเด็กน้อยที่หัวไวๆท่อนั้นที่จะสามารถเรียนได้ ดังนั้นเด็กทุกคนจะต้องความกระตือรือร้นเป็นพิเศษจั่งสิตามหมู่ทันครับ

สุดท้ายนี้เบิ่งซงสิได้ซื้อเครื่องบินบังคับล่ะให้เพิ่นแทนโทรศัพท์มือถือที่ขอมา
เพราะผมคิดวาเด็กน้อยขนาดนี้ยังบ่จำเป็นที่จะมีโทรศัพท์ครับ

[บ่าวหัวเขียง]

สุดท้ายนี้เบิ่งซงสิได้ซื้อเครื่องบินบังคับล่ะให้เพิ่นแทนโทรศัพท์มือถือที่ขอมา
เพราะผมคิดวาเด็กน้อยขนาดนี้ยังบ่จำเป็นที่จะมีโทรศัพท์ครับ

คือบ่ซื้อ..อัน อัน เครื่องบิน(คนบังคับ)นั้นแมะครับ...555
(เว้าหยอกเด้อ...หัวกะบ่ล้าน เคียดสาหละ)

[อ้ายพจน์]

ดีใจนำครับที่มีลูกเป็นเด็กดี น่ารัก เรียนเก่ง แค่นี้พ่อแม่กะดีใจหายเหนื่อยแล้ว แมนบ่ครับ

[บ่าวชัยภูมิ]

ข้อที่ผิดมันกะง่ายๆนึง ส่วนข้อที่ยากๆกลับเฮ็ดได้เบิ่ด

ดีใจนำเด้อครับ ถ้าบ่ตื่นเต้นเบิ่งซงคือสิได้อยู่

[มะเหมี่ยว]

ดีใจนำเด้อจร้าาาา เก่งๆๆๆมากค่ะ.........คึดย้อนมาพ้อหลานจะของเนาะเรียน ป.5 แล้วยังบ่ทันได้หยังยุ.........

[พล พระยาแล]

ดีใจนำครับ ประคบประหงมดี ๆ อนาคต...นายกรัฐมนตรี แน่นอนครับ....กรี๊ดดด

ของรางวัลกะเป็นแรงจูงใจครับ สิ่งที่สัญญาว่าจะให้ กะต้องให้ล่ะครับ

แต่ถ้าของชิ้นนั้นมันใหญ่หลาย เกินกำลังที่สิซื้อ กะสิต้องบอกตรง ๆ ล่ะครับ ว่ามันแพง

ลูกซายผมบ่เคยไปติว หรือเรียนพิเศษหม่องใด๋ครับ อ่านหนังสือกะบ่ออก เขียนก็บ่เป็น

ตอนนี้เป็นสิบโท แล้ว กำลังหัดเว่าเป็นประโยคอยู่ครับ.....ก๊ากกกกกก

[เขย ตระการ]

ขอบคุณครับอ้ายพจน์, บ่าวชัยภูมิ, มะเหมี่ยว และอ้ายพลเด้อครับ
โดยเฉพาะอ้ายพล จั่งแม่นเพิ่นถ่อมตัวคักเนาะครับ
จั่งได๋กะสิได้ขอคำแนะนำการสอนลูกซายนำอ้ายพลยู่เด้อครับ

[วัฒนชัย หาริโร]

ยินดีนำอ้ายเด้อมีลุกชายเก่งจั่งได๋กะคันมารับเหรียญกะส่งข่าวพี่น้องแหน่เด้อเทื่อได้ไปเลี้ยงฉลองเหรียญ555

[เมษา]

ป้าดดดดดดด เก่งแถ่ะบักหล่า เห็นนำกะป้าแดงเด้อค่ะ เปิดบัญชีไห่โลด :l-

มามาบักหล่า พี่ ป้า น้า อา เอื้อย สิไห่ทุน อิอิ เอาไปหนึ่งปอนด์บักหล่า