กำลังแสดงผล 1 ถึง 7 จากทั้งหมด 7

หัวข้อ: รำพันปั้นข้าวจี่

  1. #1
    ร่วมถ่ายทอดความรู้สู่สังคม สัญลักษณ์ของ จำปา
    วันที่สมัคร
    Nov 2009
    กระทู้
    1,492

    รอบยิ้มพิมใจ รำพันปั้นข้าวจี่

    รำพันปั้นข้าวจี่

    โอน้อ..ยามเมื่ออยู่ไกลบ้าน..สถานถิ่นแดนกำเนิด
    เกิดอยากกินข้าวจี่ปั้น..คือวันมื้อเมื่ออยู่เฮือน
    บ่แชเชือนรอช้า..ฟ้าวหม่าข้าวเหนียวนึ่ง
    สุกแล้วปั้นโฮยเกลือไห่นัวแซบ..พร้อมไม้เสียบจี่ฮ้อนๆ
    อย่าไห่ไหม้..ทาไข่พร้อมหอมฮวยๆ รำพันปั้นข้าวจี่


    อากาศหนาวๆ นึกอยากกินข้าวจี่คืออยู่บ้านเฮาค่ะ
    รับประกันความแซบโดย ซานต้าชวนชิม
    :l-


  2. #2
    แบ่งปันความรู้และประสบการณ์ สัญลักษณ์ของ paula
    วันที่สมัคร
    Aug 2008
    กระทู้
    473
    รับรองความอร่อยโดย ลุงซานต้า น่าลอง

    พี่จิลองเอาเนยทาแทนไข่แม่ะน้องจำปา คงซิแซบไปอีกแบบเนาะ อื้อๆๆๆลองๆๆ ต้องลองดู

  3. #3

    เดิกค่อนๆผุสาวนอน...ซิ่นห่ม

    สุกแล้วขอ แม่นข้าวจี่
    สุขอีหลี ต้องมีคนป้อนข้าวจี่ เด้อเอี้อยจำปา...555

  4. #4
    ดีเจ นักจัดรายการ สัญลักษณ์ของ นู๋น้อย
    วันที่สมัคร
    Mar 2010
    ที่อยู่
    เมืองชลบุรี(เช่านอน) สีเกด(หม่องเกิด
    กระทู้
    1,360
    บล็อก
    31
    เข้าหน้าหนาว นั่งผิงไฟปิ้วข้าวจี่ทาไข่ :l-โอ้ยยยแซบบบ

  5. #5
    ฝ่ายบริหารระดับสูง สัญลักษณ์ของ พล พระยาแล
    วันที่สมัคร
    Mar 2008
    กระทู้
    6,940
    มักข้าวจี่ธรรมดาบ่ทาไข่ครับ เพราะบ่มักของคาวปานใด๋...5555

  6. #6
    ร่วมถ่ายทอดความรู้สู่สังคม สัญลักษณ์ของ จำปา
    วันที่สมัคร
    Nov 2009
    กระทู้
    1,492
    พี่ปุ้ย..กะลองทาเบิ่งค่ะ ตั้งแต่น้ำมันหมูกะเคยทามาแล้วค่ะ หอมแซบไปอีกแบบค่ะ

    บ่าวหัวเขียง..กินเองกะได้ดอกใหญ่แล้ว คิคิ

    นู๋น้อย..ก่อนจี่ข้าวข่างกองไฟกะทาครีมหนาวๆแนเด้อ เดี๋ยวหน้าสิแห้งคือข้าวจี่เด๋ อิอิ

    พล พระยาแล..คันเป็นข้าวใหม่บ่ทากะหอมแล้วค่ะ วาแล้วกะขอข้าวใหม่มากินก่อนนา อิอิ

  7. #7
    ร่วมถ่ายทอดความรู้สู่สังคม สัญลักษณ์ของ ทิดจ่อย
    วันที่สมัคร
    Apr 2009
    กระทู้
    773
    แนมเห็นข้าวจี่ปั้น ถวิลหลังก้ำบ้านเก่า แท้นอ
    คำญาคูเผิ่นกล่าวเว้า ให้อีสานเฮามั่นจั่งข้าวเหนียว


    เผิ่นนั้นว่า


    คิดฮอดบ้านเขตถิ่นดินอีสานเฮาน้อ
    ยากนำควมขัดสนจั่งได้ไกลเมืองบ้าน
    คนอีสานเฮานี้ทุกข์ทวีซ้ำตื่ม
    ผืนแผ่นดินแห้งแล้งบ่อปานแห้งแอ่งน้ำใจ
    เก้าสิแล้งสิบสิแล้งเพียงภายภาคภูมิสถาน
    อั่นน้ำใจเฮาคนอีสานอย่าสุมียามแล้ง
    ให้ฮักแพงพงษ์เซื้อเครือเดียวอย่างหลุดหล่ากันถ่อน
    กุณาผองพี่น้องพงษ์เซื้อส่อยกัน
    อย่าได้หมางเหม็นฮ้ายอีสานคำน้ำขอดแอ่ง
    ขอดกะขอให้ขอดตั้งแต่อุแอ่งน้ำจิตใจเจ้าอย่าขอดนำ
    อีสานคำเฮาแห้งให้โฮมแฮงเฮาแต่ง
    อีสานเฮาแห้งแล้งเฮาแฮงป้อมส่อยกัน
    ให้เจ้ามามาต้อน อีสานคำมาโฮมพวก
    เชิญเจ้ามาเหนี่ยงคั้น ข้าวเหนียวปั้นส่อยกัน
    อันแนวนามข้าวเหนียวนั้นให้คือตังกับขี้สูด
    ปั้นให้แข็งแก่นไว้ ปานนั้นจั่งเผื่อพอ
    อย่าได้ไลลืมก้ำอีสานคำก้ำบ้านเก่าเฮาเดอ
    เสียงแคนดังอิ่นอ้อยคอยเจ้าให้ต่าวมา.....
    อ้ายน้องเอย

Tags for this Thread

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •