หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 15

หัวข้อ: วิธีแก้เสน่ห์ยาแฝด หงษ์ร่อน มังกรรำ น้ำประจำเดือน

  1. #1
    แบ่งปันความรู้และประสบการณ์ สัญลักษณ์ของ หลานปู่
    วันที่สมัคร
    Aug 2012
    กระทู้
    84

    วิธีแก้เสน่ห์ยาแฝด หงษ์ร่อน มังกรรำ น้ำประจำเดือน


    เคยได้ยินผู้เฒ่าผู้แก่เว้าสู่ฟังว่า คนถืกยาแฝดส่วนมากแล้วจะเศร้าหมอง หน้าตาบ่อมีราศรี เพ้อ บางคนถึงกับครั่ง ส่วนมากแล้วยาแฝดจะเป็นยาที่ทำขึ้นเพื่อผสมให้ของกิน จะทำให้ผู้ที่กินเข้าไปหลงไหล ว่าซั่นละ จักแหม่นหรือบ่อหลานปู่กะบ่อเคยเห็น เผิ่นว่าส่วนผสมยาแฝดคนโบราณเผิ่นเฮ็ดเป็นปริศนาไว้ มี ผมผีพราย น้ำลายผีบ้า ป่าช้าผีดิบ รักทั้งสอง หัวใจทั้งสี่ เผิ่นว่านำของทั้งหมดมารวมกันแล้วยัดใส อีหยังนี้ละ หลานปู่กะจำบ่อได้ แต่ส่วนผสมกะจักแหม่นหยังแหน่กะยังบ่อจัก 555 เคยมีคนโพสต์แล้วละคับเทื่อหนึ่งเผิ่นกะได้เฉลยไปแล้ว แต่หลานปู่ได้ยินผู้เฒ่าเว้าสู่ฟังถึงวิธีการแก้ คิดว่ามันคงสิเป็นประโยชน์แหน่บ่อหน่อยกะหลาย ละเนาะพี่น้อง หากว่าหัวข้อนี้ได้ทำการล่วงเกินพ่อแม่อ้ายน้องที่ได้โพสต์ไว้ในหัวข้อก่อน หลานปู่กะขออภัยในที่นี้ด้วยนะคับ เผิ่นว่าผู้ที่ทำยาแฝดเมื่อเขาได้ส่วนผสมครบแล้ว เขาจะเอามายัดใส่ในลูกไม้ชนิดหนึ่งว่าชั่น หลานปู่กะบ่อได้ถามเผิ่น แล้วเขาจะกลืนเข้าไปให้ท้องเพื่อให้ไฟธาตุหุงก่อน เมื่อตอนเขช้าเข้าห้องน้ำขับถ่ายออกมา เขาจะเขี่ยเอาไปล้าง แล้วเอาเผาไว้ ทำเป็นผง มาปลุกเสก แล้วใส่ในอาหารอย่างใดอย่างหนึ่ง ว่าชั่นละ ผู้ที่กินเข้าไปจะหลงไหลมัวเมา จักแหม่นบ่อแหม่น555 คันเผิ่นตั๊วกะตั๊วนำ ในที่นี้จะเว้าเถิงเรื่องแก้ เผิ่นว่ามีหลายวิธี แต่หลานปู่จะเอาวิธีแบบง่ายๆ แต่เผิ่นว่าได้ผลดีมากๆๆ คือ หนึ่ง น้ำท้องเรือ น้ำที่ฮั่วเข้าในเรือ ให้ไปตักเอา สามลำ แต่ก่อนจะไปเอา ให้เตรียมหมากสามคำยาสามกอก ไปขอนำเรือลำแรกก่อน ลำที่สองที่สามบ่อต้องขอตักเอาเลย ตอนขอนั้นให้ขอกับแม่ย่านางที่รักษาเรือ บอกความประสงค์แก่เผิ่นว่าจะเอาไปหยัง แล้วจึงตักเอา มีเคล็ดอยู่ว่า ผู้ที่ตักน้ำนี้ หลังจากตักน้ำแล้วห้ามเว้ากับไผโดยเด็ดขาดจนกว่าจะถึงบ้าน หลังจากที่ได้น้ำมาแล้วกะเอาให้ผู้ที่โดนกิน และอาบ แต่อย่าบอกเขาเด้อ เขาจะบ่อกิน น้ำที่ได้มาแล้วถ้าจะให้ดีกว่าเก่ากะเอาไปให้พระเสกทำน้ำมนต์ให้อีก หรือให้ท่านผู้รู้ในด้านนี้เสกให้ก่อนจะดี ในกรณีที่จะเอาผสมน้ำให้กินให้อาบ นี้กะสำคัญ คือถ้าจะให้เขาอาบก็จงตักน้ำใส่ภาชนะใส่น้ำให้เต็มเสียก่อน หรือเปิดน้ำให้เต็มถังเสียก่อน แล้วจึงเอาน้ำมนต์ลง ห้ามเอาน้ำมนต์ลงก่อนค่อยเติมน้ำเด้อมันจะใช้บ่อได้ เผิ่นบอกว่า ผู้ที่ถืกใส่เมื่อได้กินได้อาบน้ำมนต์แล้วจะค่อยดีขึ้นเองตามลำดับ เพราะของที่เขาใส่มานั้นจะเสื่อมจะถอนออกเอง ว่าชั้นละ
    วิธีที่สอง คือ ให้เอาน้ำล้างหมาดำ ให้หาหมาตัวสีดำที่ดำปลอด คือ ดำทั้งตัว เมื่อได้หมามาแล้วให้อาบน้ำให้หมาให้มันสะอาดเสียก่อน เมื่อล้างหมาจนสะอาดแล้ว กะเอาน้ำมาราดที่ตัวหมาหาภาชนะมารองเอาน้ำ แล้วนำน้ำนี้ไปให้กินให้อาบเหมือน เผิ่นว่าหายแล พี่น้องเอ้ย 5555 จักแหม่นบ่อแหม่น


  2. #2
    Banned

    วันที่สมัคร
    Jul 2008
    ที่อยู่
    Oil Field เพชรบูรณ์/กำแพงแสน
    กระทู้
    524

    Prevent proactive is better

    อ้างถึง "ให้หาหมาตัวสีดำที่ดำปลอด คือ ดำทั้งตัว"
    สิลองหาหมาดำทั้งตัวมาเลี้ยงไว้ก่อน เผื่อจำเป็นต้องใช้ ฉุกเฉินช้าไปอาจจิ บ่ทันการณ์ ....Prevent proactive is betterPrevent proactive is better

  3. #3
    ศึกษาหาความรู้ สัญลักษณ์ของ อีหยังสิปานนั้น
    วันที่สมัคร
    Apr 2012
    ที่อยู่
    กระบี่
    กระทู้
    398
    เรื่องแบบนี้ บ่เชื่อ แต่กะ บ่ ลบหลู่คับ
    แต่วาแนว แก้ นี้แล้วคับ ทรงเฮ็ดใจลำบาก ยุ

  4. #4
    ศึกษาหาความรู้
    วันที่สมัคร
    Jan 2009
    ที่อยู่
    chaiyaphum
    กระทู้
    20
    บ่เซือครับ วิธีแก้ กะบ่มีเหตุผล เฮือฮัวอีกบ่โดนกะสิหล่ม
    หมาดำตั้งแต่โตมันเขากะเอาแลกถังแกวมักหลาย ซอยโตมันเองกะบ่รอดสิไปแก้อิหยังได้ ครับ

  5. #5
    ศึกษาหาความรู้ สัญลักษณ์ของ อีหยังสิปานนั้น
    วันที่สมัคร
    Apr 2012
    ที่อยู่
    กระบี่
    กระทู้
    398

    ...........................

  6. #6
    เจ้าหน้าที่ประชาสัมพันธ์ สัญลักษณ์ของ ธิดายาเย็น
    วันที่สมัคร
    Feb 2008
    กระทู้
    1,756
    เรื่องแนวนี้บ่เชื่อกะอย่าลบลู่เด้อค่ะ..ขอบคุณข้อมูลดีๆที่หลานปู่นำมาเว่าให้พี่น้องเฮาได้ฟังกันค่ะ..กินน้ำที่เรือฮั่วกะยังพอทนแต่กินน้ำล้างหมาดำนี้ติี..

  7. #7
    แบ่งปันความรู้และประสบการณ์ สัญลักษณ์ของ หลานปู่
    วันที่สมัคร
    Aug 2012
    กระทู้
    84
    บ่เซือครับ วิธีแก้ กะบ่มีเหตุผล เฮือฮัวอีกบ่โดนกะสิหล่ม
    หมาดำตั้งแต่โตมันเขากะเอาแลกถังแกวมักหลาย ซอยโตมันเองกะบ่รอดสิไปแก้อิหยังได้ ครับ.................ควายมันบ่อกินหญ้าแสนสิข่มกะเขาหัก พี่น้องเอ้ย หมูมันบ่อกินฮำแสนสิตีกะดังเว้อ....ไผสิเชื่อหรือบ่อเชื่อ หลานปู่กะบ่อได้บังคับ เด้อคับพี่น้อง นานาจิตตัง จิตใจไผมัน แล้วแต่เอามาอ้าง...ยาแฝดที่เขาเฮ็ดกันขึ้นมานั้นเจ้าจักบ่อมันคือหยังมีหยังแหน่ ถ้าเจ้าฮู้จัก...แล้วหลานปู่ขอถามแหน่ ของที่เฮ็ดขึ้นเหล่านั้น มันเป็นหยังคือเฮ็ดให้คนหลงได้....ของทุกอย่างมันกะมีคู่ปรับของมัน มีดำต้องมีขาว มีมืดต้องมีแจ้ง บ่อนใด๋มีพระบ่อนนั้นต้องมีมาร บ่อนใด๋มีงานบ่อนนั้นต้องมีหมา เป็นของคู่กัน สูตรนี้วิธีนี้โบราณกาลเผิ่นได้บอกไว้สืบต่อกันมาจากรุ่นสู่รุ่น แล้วเจ้าฮู้บ่อว่าต้นกำเนิดของยาแฝดนี้มาแต่ใส ผู้เฒ่าผู้แก่เผิ่นว่า ต้นกำเนิดของยาแฝดที่แท้จริงนั้น มาจากแขก แต่บ่อแหม่นแขกอินเดียเด้อ แขกหยังกะคึดเอา แล้วต่อมากะตกทอดกันมาเรื่อยๆมีการผสมผสานเข้าหลายลัทธิ ตกไปไทยๆกะเอามาผสมผสานเข้ากับความฮู้ความเชื่อของเขา ตกมาลาวๆกะเอามาผสมผสานกับความฮู้ กับวิชาคาถาอาคมของเขา แต่ที่แท้จริง ต้นตำหรับอี่หลีกะคือแขก ถามอีกแหน่ว่าแขกเป็นหยังคือเอาผ้าคลุมหัวคลุมหน้า มีความเป็นมาอยู่เด้อ ให้ไปหาค้นเอาเอง เผิ่นว่าสมัยก่อนจะใช้ผ้าดำโพก.....มันมีความเป็นมาเกี่ยวเนื่องกัน กับการแก้ยาแฝดเด้อพี่น้อง อยากให้ผู้ที่ว่า ...หมาซอยโตมันเองกะยังบ่อได้ สิไปแก้อี่หยังได้....บางเทื่อหมากะยังดีกว่าคนซ้ำเด้คับ คิดให้ถ้วนถี่เด้อจั่งเว้าพี่น้องเอ้ย ....ให้เจ้ายาวๆไว้คือสายโทรเลขบาดเทื่อเกิดเหตุฮ้ายยังสิได้เพิ่งสาย....ห่าลางเทื่อมีโทษมีคุณในโตเฮาบ่อจัก กะอย่าสิเว้า เขาสิว่าเฮาบ่อมีหัวคึด มีตาแต่หามีแววไม่

  8. #8
    Banned

    วันที่สมัคร
    Oct 2010
    กระทู้
    798
    บล็อก
    4
    ไม่เชื่ออย่าลบหลู่ไม่รู้อย่าอวดดี
    อาจจะมีจริงหรือไม่ใครบอกได้
    คนศรัทธาเขาย่อมรู้อยู่แก่ใจ
    ว่าสิ่งใดส่งผลให้ อย่างไรกัน

    ตามความเห็นส่วนตน คนชอบคิด...อิอิ
    คงไม่ผิด หากบอกว่า อย่างมงาย
    ก่อนจะเชื่อ สิ่งใดใคร่ คิดหลากหลาย
    อย่าทำลาย ความเชื่อเขา หากต่างเรา
    ความศรัทธาเป็นสิ่งหนุนจุลเจือจิต
    เป็นอีกสิทธิ์ทางเลือก เปลือกแก่นเงา
    ใครจะเชื่อสิ่งใดสิทธิ์ของเขา
    อันตัวเรา ขอบอกว่า ... ให้คิดเอง

  9. #9
    แบ่งปันความรู้และประสบการณ์ สัญลักษณ์ของ paula
    วันที่สมัคร
    Aug 2008
    กระทู้
    473
    ขอถามแน๊จ้า เคยได้ยินมาว่า ถ้าอยากให้ผัวฮัก ผัวหลง
    ยางข้ามพาข้าวที่ผัวกิน หรือสลัดผ้าสิ่นใส่พาข้าว จะเฮ้ดให้ผัวหลง
    เคยได้ยินมาแต่น้อย แม่นอีหลีบ่ อยากรู้อ่ะจ้า

  10. #10
    แบ่งปันความรู้และประสบการณ์ สัญลักษณ์ของ หลานปู่
    วันที่สมัคร
    Aug 2012
    กระทู้
    84
    จั่งว่าเด้อคับ ข้วมพาข้าวสลัดซิ่นใส่พาข้าวว่าตี่ บ่อเคยได้ยินเผิ่นว่าจักเทื่อ เคยได้ยินแต่ว่ายืนค่อมยามนึ่งข้าวละคับ..ที่เผิ่นเอิ้นว่า หงษ์ร่อน มังกรรำ เผิ่นว่ายามนึ่งข้าวหรือหุงข้าว พอหม้อเดือดมันจะเป็ฺนอายขึ้นมา แล้วไปยืนโต่งหรือภาษาไทยว่ายืนค่อม ให้อายข้าวฮ้อนๆถั่งใส่.......5555555 เมื่อได้ที่แล้วน้ำมันกะสิย้อยลงใส่ข้าว แต่ว่าซามสิได้กะ....ลวก พุ้นละเด้อ พี่น้อง 555555 แล้วเขาจะนำเอาข้าวนั้นไปให้ผัวกิน ตามความเชื่อเล่าสืบๆกันมาเผิ่นว่าจะเฮ็ดให้คนที่กินเข้าไปหลงไหลมัวเมาว่าชั่นละ ถ้าผู้ชายเฮ็ดกะเฮ็ดคือกันเผิ่นเอิ้นว่ามังกรรำ เพราะของผู้ชายมันเป็นแท่ง 555 เผิ่นเลยเอิ้นว่ามังกรรำ อิอิอิ แต่สองวิธีนี้เผิ่นว่าไผเอาไปเฮ็ดจะทำมาค้าบ่อขึ้นเด้อพี่น้อง ทางที่ดีแล้วกะบ่อควรเฮ็ด ถ้าอยากให้เขามักเขาฮักกะควรให้เขามักในความดีในกิริยามารยาทเด้ผมว่าไคกว่าไปใส่เขาแนวนั้น แหม่นว่ามีปัญหากะควรหันหน้าเข้าหากันปรึกษาหารือกัน ค่อยเว้าค่อยจากันสาระทุกข์สุกดิบกะกินนำกัน อยู่ในศีลในธรรม ถ้าเฮ็ดได้แนวนี้เมียกะบ่อหนี ผัวกะบ่อป๋าดอกผมว่า 555

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •