เมื่อวันที่ 7 - 8 พฤศจิกายน 2555 ที่ผ่านมา มีโอกาสเดินทางไปเขาวง กาฬสินธุ์อีก ทีจริงก่อนหน้านั้นประมาณหนึ่งเดือนได้เดินทางไปเทื่อหนึ่งแล้วหละ เทื่อนั้นหลวงพ่อเพิ่นเบิ่งดวง และแก้พรหมชาติให่น้องแล้ว เพิ่นกะให่ไปหาเดือยงูมาเฮ็ดพิธีอีกเทื่อหนึ่ง พอหาเดือยงูมาได้แล้ว เพิ่นกะเลยให่เอาขึ้นไปเฮ็ดพิธี กะได้ไปพักอยู้ "เรือนไทย รีสอร์ท" หม่องเก่า พอตื่นเช้ามากะเลยมีโอกาสเก็บภาพท่งไฮ่ท่งนา กับแนวกินริมรั้วมาฝาก กะถ่ายจากก้ล้องปัญญาอ่อน ที่ติดมากับไอแพดนั่นหละครับ
เรือนภูไทยรีสอร์ท เป็นรีสอร์ทที่สะอาด น่าพักครับ ราคาบ่อแพง เจ้าของเป็นตำรวจ ชื่อ ดาบคำพร
ห้องพักใหญ่ มีเครื่องอำนวยความสะดวกครบครับ
ตอนเช้า ตะเวนกำลังขึ่นเหนือภู นกกากำลังบินออกจากฮัง ไทยบ้านกะออกไปเบิ่งเข่ายุท่งนาครับ
เข่าบางท่งเป็นเข่าหนัก เขียวยุแต่กะเริ่มเหลืองแล้วครับ
ส่วนใหญ่แล้ว เข้าเหลืองเบิดแล้ว เบิ่งลงไปในท่งนา เป็นทุ่งรวงทองอิหลีครับ
แฮ่งมีแสงตะเวนยามมื้อเช้าสาด ความงามของท่งนา แฮ่งดึงความรู้สึกให่อยากกลับมาอยู่บ้านครับ
เถียงนาน้อย หม่องเซาเมื่อย หม่องเซาพิจารณาการเฮ็ดนาให่มีคุณภาพ หม่องนอนเวน
รอบๆ เถียงนา ประกอบด้วยการดำเนินการเกษตรที่บูรณาการ ให่มีแนวกินได้โดยบ่อต้องเพิ่งตลาด
กอไผ่ฮวก เพิ่นกะปลุกรอบฮั้วนา ไว้เก็บหน่อไม้หน้าฝน ตอนคาดนาแล้ว เก็บมาต้มกินกับปลาแดกบอง
มีต้อนเล็บแมวขึ้นริมฮั้ว เป็นแนวกันควาย งัว มากินกล้า กินต้นเข่า ยามลุกสุกกะเป็นแนวกินแทนขนมไข่ขี่เกี้ยม ไว้หลอกลูกหลอกหลานให่มักท่งไฮ่ท่งนา
นอกจากนั้น ยังมีต้นคอม หรือออมคอม ไว้เป็นกะสุนบั้งโป๊ะ ให้ลูกหลานได้เล่นยิงกันเล่น เป็นของเล่นที่ต้นทุนต่ำ แต่มีคุณค่าทางการเรียนรู้ สามารถอธิบายได้ถึงวิชาฟิสิกส์ ชั้นสูง นอกนั้นยังใช้ลำต้นไปเฮ็ดไม้หนีบตีเข่า ฟาดเข่าแล้วกะชัดฟ่อนเข่าใส่ไม้หลาวหาบเข่า เป็นการปะลองความแม่นยำ ลูกสุกกะกินได้แทนขนม
เพิ่นจ่งต้นผักติ้วไว้ ถ่าเก็บยอดมากินกับป่น โอ้จ๊ะแม่นอุดมสมบูรณ์เนาะอิสานบ้านเฮา
ปลูกแม้กระทั่งต้นบักม่วงไว้กินส่ม
มีฮอดผักเขืองครับ เห็นจั่งสี้แล้ว ทรัพยากรที่มี แค่ยังบ่อได้ฟื้นฟูกะหลายปานนี้ อิสานมันสิอดยากจั่งได๋ แม่นบ่อพี่น้อง
:l-:l-:l-:l-:l-:l-:l-:l-:l-
Bookmarks