ออนซอนเจ้าสาว"สารคาม"

[PLA2KEM]

พอแต่เหลียวเห็นหน้า สาวบ้านนามายิ้มส่ง
อ้ายมาหลงเจ้าคักแล้ว นางแก้วเมือง"นาดูน"
พอแต่เหลียวไปทางพุ่น เป็นยังบุญของอ้ายบ่าว
ได้มาพ้อพบเจ้า สาวนั้น"กันทรวิชัย"
อยากเบิ่งหน้าใกล้ๆ อ้ายอยากให้หัวใจ สองเฮาได้สานก่อ
แต่กะยังคิดพ้อ หน้าเจ้าสาว"แกดำ"
ตาโตๆผิวคล้ำๆ ให้คิดนำเช้าจนบ่าย
สาว"เชียงยืน"แฟนเก่าอ้าย พี่ชายได้ไหลหลง
ทาง"โกสมฯ"กะโงโค้ง ตอบตกลงคบกันใหม่ เน๊าะอ้าย
"บรบือ"สาวคนไค นางกะซวนบักอ้าย ขายมันพร้อมข้าวโพดหวาน
สาว"พยัคฯ"มาจาต้าน ปล่อยคำหวานจนมดฮาก (แอะ)
สิบ่พรากจากบักอ้าย ชายคนนี้ให้ทนเหงา
ทาง"กุดรัง"กะมาเว้า สิเอาเฮาไปฮ่วมบ่อน
ว่าบ่มีผุอยู่ซ้อน นอนแนบแอบอิง
หล่าเอ๊ย ขอหยุดใจให้แน่นิ่ง ให้น้องญิ๋ง"ชื่นชม"ก่อน
สาวบ้าน"ยางสีสุราช"เพิ่นออดอ้อน "นาเชือก"พร้อมกล่อมแต่ชาย
สาวทั้งเบิดที่เว้าไว้ กะบ่งามสุดหัวใจ ส่ำแฟนอ้าย"วาปี"พี่
ขอหยุดใจไว้แค่นี้ หยุดตรงคำนี้ว่า"รักเธอ" คนงามเอ้ย
:l-:l-:l-

[เขย ตระการ]

ป๊าด!! อ้ายปลาทูเค็ม ไปหร่อยจีบสาวทางสารคามมาเบิ๊ดทุกอำเภอละตั้วนี่
จั่งได๋กะเหลือไว้ถ่าผมจักอำเภอแนเด้ออ้าย

[PLA2KEM]

เหลือไว้ถ่าอยู่ครับ อำเภอเมือง นั่นเด๋

[suny]

เอ้า...แม่นไปลักจีบสาวตอนได๋น้อครับ คือบ่ซวนเจ้าที่ไปนำแหน่ อิอิอิอิ

[มะเหมี่ยว]

สาวทั้งหมดที่เว่าไว้ กะบ่งามสุดหัวใจ ส่ำแฟนอ้าย วาปีฯ พะนะ ถืกใจคักจร้าาา

[PLA2KEM]

เอ้า...แม่นไปลักจีบสาวตอนได๋น้อครับ คือบ่ซวนเจ้าที่ไปนำแหน่ อิอิอิอิ
ตอบ
แล้วเจ้าที่อยู่ก้ำทางได๋น้อ ขอรับ เทือหน้าเทือหลัง สิได้ไปจอบครับ

[สารคามน้ำบ่ต้อง]

แสดงว่าอำเภอเมืองบ่เคยเข้าไปจีบแม้นบ่ครับ..

[PLA2KEM]

บ่ครับ ย่านๆๆๆๆ ย่านหลาย ย่านผุสาวตั๋ว