หลังแล้วจากจุดเทียนชัยถวายพระพรพ่อหลวง กะมาหาแนวใส่แลง
มื้อนี่วันหยุด หยุดอีหลีครับ เบิ่งถ่ายทอดในหลวงเสด็จตอนเช้าฮอดเที่ยง
หลังจากนั้นกวาดหน้าบ้านนิดหน่อย ปกติกะบ่ฮกปานได๋ดอก หญ้าข้างทางน้ำท่วมตายเบิด
บ่มีแนวกินแลง ไปโค้เล่เบิ่งในตู้เย็น ได้บักฮุ่งเหิ่มเปี่ยงนึง มาตำบักฮุ่งเฮิ่มใส่แลงครับพี่น้อง
ตำบักฮุ่งเฮิ่มใส่บักกอกครับ แล้วกะลวกหมูจ้ำแจ่ว(เมนูลัด)
พริกแห้ง กระเทียม บักกอก บักเขียเคีย ต่อนปลาแดก ชูรส น้ำตาลหน่อยนึง ซำนี่ละครับเครื่องปรุง
มาครับบาดนี่ มากินแลงนำกัน
เมนูแบบพอเพียง ตำบักฮุ่งเหิ่มกับแค๊ปหมู หมูลวกจ้ำแจ่ว ทอดซิ้นหมู รสชาดแซ่บแบบพอเพียง(กินได้เฉพาะสองคน)
ผมเห็นบักฮุ่งเหิ่มมันสีงาม(พี่น้องเพิ่นเอามาฝาก) กะเลยอยากเอามาสู่อ้ายสู่พี่กินนำ เบิ่งนำซือๆ ดอก
เอื้อยๆ ทางแอลเอหรือเมืองนอก บักฮุ่งเหิ่มเด้อครับ บ่แม่นแครอทเด้
ของดองสาวขะแมร์เฮ็ดเอง ส่วนหน่อไม้ส้มอีแม่ ยังบ่ได้จกจักเทือ
บักกอกกลับบ้านเที่ยวก่อน มันหลายเสียดาย เพิ่นว่าดองได้ตั้ว กะเลยเดาๆ เบิ่ง ครับ
ต้มน้ำเกลือเย็นแล้วกะเทใส่กันโลด มื้อนี่กะครบเดือน เค็มคักแล้ว ใส่ตำบักฮุ่งกะพอกินอยู่ครับ
ปล. ตำบักฮุ่งถ้าใส่บักกอกดอง ใส่ปลาแดก น้ำปลาใส่บ่ได้ มันเค็มแฮง
ขอบคุณบ้านมหา
Bookmarks