มารัก หรือ มาลวง

[PLA2KEM]

สาวเอ๊ย
แมนเจ้ามีฮักแท้ หรือแคแวมาลวงหลอก
บอกให้ฟังแนกะได้ พอให้อ้ายคลายเบาทรวง
บ่เคยคิดสิราบล้วง แค่เป็นห่วงความสัมพันธ์
ในระหว่างเธอกับฉัน เดี๋ยวนี้มันบ่หวานซึ้ง
มีแต่ตึงต่อต้าน สถานะการณ์มันบ่ซ่วง
เจ้ามาลวงหลอกต้ม สมใจแล้วกะปล่อยป๋า น้อหล่าเอ๊ย

[wundee2513]

อิหยังหนอ...
มาหัวร่อเสียงดังแท้หล่าสาว
บอกฮักแล้วถิ่มอ้ายลืมเรื่องราว
เป็นหยังหละสาวเจ้าป๋าลืม

มาส่งยิ้มฮ่วมคำหวานที่หยาดย้อย
ยามนี้เจ้ามาลอยถิ่มหนีอ้ายให้นั่งซึม
ซ่างไวแท้วอแวแกล้งกันลืม
เจ้ามาตื่มซ้ำเติมอ้ายให้สาใจ...