กำลังแสดงผล 1 ถึง 7 จากทั้งหมด 7

หัวข้อ: เมือบ้านปีใหม่ ๒๕๕๖

  1. #1
    Super Moderator
    Guide & Photographer
    สัญลักษณ์ของ เจ้าซายน้อย
    วันที่สมัคร
    Sep 2007
    ที่อยู่
    อยู่ในใจเสมอ
    กระทู้
    1,550

    เกาทัณฑ์ เมือบ้านปีใหม่ ๒๕๕๖

    ฟังเสียงคื่นๆ ฟ้า เบยเบิกบูรพา พุ้นเด่
    กาลฤดูเดือนหัน เปลี่ยนแปลงแลงค้อย
    หัวใจลอยคอยท่า สิ้นธันวาเข้าปีใหม่
    มกราหย่อเข้าใกล้ คือสิได้ฮ่วมฉลอง
    คึดฮอดเด่ อิสานบ้าน เสิงสางบ้านซ่อง เด้น้อ
    ทางพิมายกะพี่น้อง คงได้พ้อพบกัน
    คิดฮอดเด้ผู้เฒ่า อยู่้บ้านเฮา ซำบายดีกันหรือบ่
    ลูกหลานยังคิดต่อ โดนๆเมือต่าวบ้าน ส่งข่าวบ้างแหน่เป็นหยัง

    นั่งก็ซึม ยืนก็ซึม คิดถึงบ้าน
    จากมานาน ป่านนี่ เป็นจั่งได๋
    คิดฮอดเด้ ฮอยยิ้ม ของแม่ใหย่
    อยากกลับไป หอมแก้ม อิแม่เฮา


    เป็นจั่งได๋น้อยายย่า พ่อลุงอาวอา ดำนากันแล้วไป่
    อีแม่อีพ่ออ้ายน้อง อีนางน้อยเป็นจังได๋
    คึดฮอดอีสานนาข้าว แต่กี้เก่าคราวหลัง
    ยังเคยได้ใส่เบ็ด ปลาปูกบเขียดน้อย
    หิ่งๆ แสงหิ่งห้อย เปล่งแสง แข่งจันทร์อยู่กลางโท่ง
    โอ๊บแอ๊บกบเขียดน้อย โอฮ้องแข่งฟ้าฝน
    ตอนนี้บักหำแหล่ รอปีใหม่เวียนมาเถิง เด้น้อ
    นั่งเฮ็ดงานปานจำศีล สู้จนวินสุแลงเช้า
    ภัตตาหารกับข้าว แนวกินแซ่บทุกอย่าง
    อยากให้พ่อแม่อ้ายน้อง นั่งวงล้อมฮ่วมภาชน์
    ตอนนี้ตนลูกชายหล่า นามว่าบักปรีชา อดใจคอยท่าอยู่
    29 ธันวาจั่งพอหน้า ไปยามบ้านพ่อแม่เห็น
    ให้ใจเย็นรอไว้ หัวใจชายคึดฮอดอยู่
    หากสิขอต่อสู้ เฮ็ดงานก่อนขั้นต่อไป

    บ่โดนเด๋อ ไม่กี่วัน ก็ปีใหม่
    คงจะได้ เจอกัน ในวันเสาร์
    กลับไปสู่ อ้อมกอด ของบ้านเฮา
    ยี่สิบเก้า ธันวา พ้อพบกัน

    กำลังใจใกลใกล้ เพิ่นกะเอาใจซ่อย อยู่น้อ
    สุขทุกข์ยากบ่ได้ปล่อย ซ่อยเฮาอยู่เรื่อยๆ ขอบคุณท่านถ่านซุคน
    ...ขอบคุณท่าน ถ่านซุคน...เด้น้อ

    ปล.เดินทางเมือบ้านด้วยความปลอดภัยซุผู้ซุคนเด้อครับเด้อ
    แก้ไขครั้งสุดท้ายโดย เจ้าซายน้อย; 17-12-2012 at 10:56.


  2. #2
    ศิลปิน นักแต่งเพลง สัญลักษณ์ของ ธีระปลัด
    วันที่สมัคร
    Oct 2009
    กระทู้
    561
    บล็อก
    8
    มวนๆเ้ดอครับ พี่น้อง เดินทางกะปลอดภัยเด้อ

  3. #3
    แบ่งปันความรู้และประสบการณ์ สัญลักษณ์ของ มะเหมี่ยว
    วันที่สมัคร
    Jan 2010
    ที่อยู่
    สุดประจิมที่ริมเมย
    กระทู้
    958
    จร้าาาาาาาาาาเดินทางไปทางได่กะให้มีแต่ความสุขกายสุขใจสุคนๆๆจร้าา

  4. #4
    ศึกษาหาความรู้ สัญลักษณ์ของ suny
    วันที่สมัคร
    Nov 2008
    ที่อยู่
    ภูมิลำเนา มหาสารคาม ทำงาน ประจวบ
    กระทู้
    848
    ไผกลับบ้านกะขอให้เดินทางด้วยความปลอดภัยเด้อครับ ขอให้มัความสุขกับครอบครัวญาติพี่น้อง แล้วค่อยกลับมาสู้งานอีเทือครับ

  5. #5
    แบ่งปันความรู้และประสบการณ์ สัญลักษณ์ของ commo
    วันที่สมัคร
    Aug 2007
    ที่อยู่
    สระแก้ว
    กระทู้
    447
    ได่เวลากลับบ้าน ชาร์ตแบต เติมไฟให่หัวใจผู่ำไกลบ้านกันแล้ว เด้อพี่น้อง....

  6. #6
    ปะๆ พี่น้องบ้านเฮากลับเมือยามบ้านครับ โปรกลมผม เอ้ยโปรแกรมผม 28-29 อยู่ที่จังหวัด ชัยภูมิ 30 ยูบุรีรัมย์ 31-4 ยโสธร อุบล 5 กลับสมุทรปราการ ป้าดดดด ขับรถจนดากด้าน:l-:l-

  7. #7
    แบ่งปันความรู้และประสบการณ์ สัญลักษณ์ของ PLA2KEM
    วันที่สมัคร
    Jul 2012
    กระทู้
    201
    เมือๆๆๆๆๆๆ อยู่เฮ็ดหยัง กรุงเทพ บ่แมนบ้านเฮาตั๊วะ กลับไปสาปลาอยู่นา ดีกว่า

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •