อ้างข้อความนี้..
ได้บรรยากาศดีขนาดครับ
เมือบ้านตอนปีใหม่ที่ผ่านมา ออกเดินทางแลงวันที่ 27 ออกจากบางปะกง 3 ทุ่มฮอดเมืองเลยตี 5 รถยังบ่หลายปานใด๋
ยามแลงจัดแจงเฮาะของไปกางเต้นนอนนาโลด
หลานๆ หากบมาปิ้งสู่กิน (จับเอาในกระซังอยู่บ่อปลาพี่สาวเลี้ยงไว้)
ปิ้งอ๊บๆ
ซุมเด็กๆ กะกินข้าวกับหมกลาบปลา
แจ้งแล้วตาเว็นกำลังขึ้นฟ้าวลุกก่อนย้านมันส่องดาก
นึ่งเข่ากินงาย(เช้า)
หาแนวกินงาย พี่สาวอ่อยเหยื่อล่อปลาให้เข้ามาในกระซัง
ปลาเข้ากระซังแล้วกะจัดการดึงขึ้นฝั่ง
เอื้อยเลาต้มไก่ไว้ถ่า บ่ไว้ใจน้อง ย้านบ่ได้กินงาย
สรุปแล้วได้กินกับต้มไก่ แจ่วกุ้ง ต้มใข่ แซบนำบรรยากาศ
มีปิ้งตามมาจากในบ้านทีหลัง
บ่ได้กินปลา เฒ่าแม่เลยเหมาปลาจากพรานแม่น้ำเลยมาให้ลาบปลาธรรมชาติ มีปลาอี่ตุ(ปลาไน) กับปลาปาก(ตะเพียน)
เอื้อยๆ กับหลานจัดการฟักลาบเหนียว
หมกไข่ปลากับหมกพุง
ซุมนั่งถ่ากิน
กินเข่าอิ่มแล้วกะเตรียมมโหรสพไว้หยาดไมค์กัน
ทีมงานหมุ่นอุ้ยตุ้ยมิวสิค แหกปากเต็มที่บ่ต้องย้านไทบ้านอยากไล่ เพราะอยู่กลางท่ง
อีกมื้อพากันไปเที่ยวเชียงคาน
บรรยากาศริมแม่น้ำโขงที่ อ.ปากชม
หลังจากเคาท์ดาวน์ เช้าวันที่ 1 กะทอดถวายผ้าป่าจากทางกรุงเทพฯ ที่วัดในหมู่บ้านได้ยอดทำบุญหนึ่งแสนเจ็ดหมื่นกว่าบาท
ขอบคุณเว็บบ้านมหาที่ให้พื้นที่การนำเสนอครับ
รูปบ่ค่อยชัดถ่ายจากมือถือกับกล้องปัญญาอ่อน
..
ได้บรรยากาศดีขนาดครับ
เห็นแล้วกะเป็นตามีความสุขเนาะครับ ได้รวมพี่รวมน้องเป็นตาอบอุ่นหลาย พร้อมกับได้เฮ็ดบุญเฮ็ดทานพร้อม ขออนุโมทนานำเด้อครับ
เห็นบรรยากาศแล้วเป็นตาไปเที่ยวนำเนาะทางเมืองเลยแมะ
ปีหน้าฟ้าใหม่เมือบ้านกะเอิ้นเอากันแหน่เด้อครับคนภูหลวง
สุดดดดยอดครับ ได้เบิ่งรูปปานว่าได้ไปร่วมนำเอาโลด
มักๆๆๆบรรยากาศแบบนี้
คักหลายน้อคันคนภูหลวงกลับบ้านยามได๋กะมีแนวฝากต้อนให้ได้เบิ่งกับบรรยากาศทางบ้านเฮาเห็นแล้วฮู้สึกถึงความสุขเลยครับ:b-b:*-:*-
คือบ่เอิ้นแนไปเมืองเลยย่านแต่เฮาไปนำเพิ่นเน๊าะ
สาธุ ขออนุโมทนาบุญนำครับ ได้ทั้งไปสัมผัสบรรยากาศ และได้บุญได้กุศลนำ
สุดยอดเลย ครับ
ปีนี้ก็ได้ไป Count down ที่ เชียงคาน มาคือกัน
ขอบคุณครับ
สวยงามทั้งบรรยากาศอิ่มท้อง อิ่มใจ อิ่มบุญ...:b-b :l-
กฎการส่งข้อความ
