กำลังแสดงผล 1 ถึง 3 จากทั้งหมด 3

หัวข้อ: ชีวิต "ใต้ฟ้า หลังฝน"

  1. #1

    ชีวิต "ใต้ฟ้า หลังฝน"

    ...ผัดแต่ฝนตั้งเค้า จนตกแล้วเป็นแสนห่า กะบ่พอพาให้ ใจข่อยได้ซุ่มเย็น
    จักแม่นกรรมหรือเวร จักเป็นจังใด๋แหล่ว ฝนตกแล้วยังบ่แจ้ง ฟ้าแดงมรสุม
    พี่น้องเอย...คึดมากะแห่งกลุ้ม"ลมหัวกุด"พัดเข้า มาหลังไล่ฝน เฮ็ดให้ชีวิตคน หลังฝนกะบ่แจ้ง แสลงเศร้าเมื่อยอุรา

    ปานดั่งคำสัญญา สองเฮาเคยให้ไว้ มีแต่ไกลลัยห่าง นับแต่มื้อสิฮ้าง ทางมั่นแม่นบ่มี
    คึดเบิ่งตี่...พี่น้อง ความกกเผิ่นเว้ามั่น ความปลายเผิ่นเว้าหล่าย ถิ่มให้ชายคอยเก้อ ละเมอบ้าอยู่ผุเดียว
    ลืมคำเคยน้อเว้าเกี้ยว ไปเที่ยวทางเส้นใด๋ ซางต้มซางตั้วกันได้ ใจเจ้ากะซางดำ...แท้น้อ เครือฟ้าเอ้ย


  2. #2
    ศึกษาหาความรู้ สัญลักษณ์ของ เขย ตระการ
    วันที่สมัคร
    May 2012
    ที่อยู่
    Chachoengsao
    กระทู้
    203
    กลอนมาคือม่วนปนเศร้าคักแท้อ้ายบ่าวฯ
    แม่นสาวทางได๋น้อคือมาซ่างหลอกอ้ายข่อยคักแน่แท้น้อบาดนี่ มาๆ อ้ายสิพาไปคล้ายเครียด:b-b:b-b

  3. #3
    แบ่งปันความรู้และประสบการณ์ สัญลักษณ์ของ PLA2KEM
    วันที่สมัคร
    Jul 2012
    กระทู้
    201
    ไผซือสาวเครือฟ้า บอกแนน๊า บอกให้ผมฮู้แน
    เพิ่นคือมาเฮ็ดคักแท้ บ่แลเจ้าบ่าวหัวเขียง
    ได้ฟังเสียงชายมาเว้า โต๋เฮากะฮ้อนฮุ่ม
    ทางใจมันกะเป็นกลุ้ม นำเจ้าอยู่บ่คลาย
    เอาจังซี่ซะเด้ออ้าย ให้น้องซายได้ซ่อยบ่
    เผื่อเห็นหน้าหรือหากพ้อ สิถามส่อเหตุห่างหาย
    เป็นอีหยังจังลืมอ้าย หัวเขียงชายให้บอกแน
    คือใจดำคักแท้ หรือแปรปลิ้นเปลี่ยนใจ
    ปล่อยหัวเขียงลาวนอนไห่ ข้างกองไฟใต้เถียงเก่า
    ย่อนว่าเลาคิดนำเจ้า สาวเครือฟ้าสง่าโฉม สั่นดอก

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •