กำเนิดผยา

[ทิดมี]

"กำเหนิดผยา"
มื่อนี่ เฮียมจักไขขานข้อ กกก่อ ผยา หย่อย
ความเป็นมาแต่เค้า คนเว้าวามา
เพิ่นว่า ความผยานี่เกิดอยู่ หลวงพระบาง
ท้างบางคำ เป็นคนจด แต่งโคลง นิทานก้อม
มันหากมีหลายบั้น โคลงสั้น กาพย์ แต่ง
วรรณกรรมพื้นบ้าน จารไว้ หลากหลาย
จุดเริ่มต้น ปราชญ์ ใหญ่อยู่เมืองเข็ม(สงสัย อ.เข็มราช...อุบลฯ)
ท้าวปางคำ เป็นคนปัญญาใส เลื่อนไหลปานน้ำ
หาคำเว้า บทกลอนมาผูก
สัมผัสใน-นอกล้วน กะบวนเว้ากะคล่องความ
ปางนั้น ภูบาลท้าว พระยาเมือง ฮุ้ฮวม
จังได้นำบาท้าว คืนเข้าสู่เมือง
ตกแต่งท้าว บางคำ เป็นปราชญ์
ราชครูผู้ต้น จารแต้มแต่งกลอน
เป็นที่ฮู้....กันทั่วเมืองหลวง
เห็นนำกัน ยกยอบาท่าว
คราวนั่น...ยังมี สามเณรน้อย นามซือบ่ปรากฏ(สงสัยสิเป็นเซียงเมี่ยง..?.)
ลาสิขา เครื่องทรง เหลืองย้อม
เป็นเซียงน้อย...ปัญญาไหลเลื่อน
กิตติศัพท์ บ่าวท่าว ดังก้องสนั่นเมือง
พระทอนไท้ ได้นำสู่เมืองหลวง
เป็นกวีนำกัน ฮวมสมัยปางนั้น
อันนี่ เฮียมหากหวนเห็นฮู้ ตำรไดกะเปิดอ่าน
จังได้เขียน ขิดแต้ม มาเว้าสู่ฟังนี่แหลว:b-b

[suny]

จังแม่นดีเนาะครับ ไผพุฮู้กะมาเล่าสู่กันฟังแหน่เด้อครับ