ต้มส่มปลาค่อใส่ไข่มดแดง

[สาวบ้านแต้]

คิดยากแนวสิกินสิอยูแต่ละมื่อ ขนาดมีปากเดียว ซ่ามสิมีหลายปากคือสิยากกว่านี่หลาย
พอคิดอยากได้แล้ว กะฟ้าวไปตลาด หาปลาค่อ(ปลาช่อน) กับไข่มดแดง ความว่าไข่มดแดง มีหมู่อยู่สามโคกปทุมธานีบอกว่ากินบ่เป็น แต่ว่าสำหรับอิ๊ท เป็นแนวกินที่สุดยอดอิหลิจ้า บ่ว่าจะเป็น "แกงผักหวานใส่ไข่มดแดง" "ทอดไข่ใส่ไข่มดแดง" "ก้อยไข่มดแดง" "ซั่วไข่มดแดง" "ตุ่นไข่ใส่ไข่มดแดง" "ต้มปลาค่อใส่ไข่มดแดง" นี่ล่ะเมนูนี่ล่ะที่สิเฮ็ดสู่พี่น้องบ้านมหาซดฮ้อนๆกันจ้า
"ต้มส่มปลาค่อใส่ไข่มดแดง"


เครื่องปรุง
ปลาค่อ(ปลาช่อน) 1 ตัว
ไข่มดแดง 2 กองจุ๋มจิ๋ม มีตัวแม่มดแดงนำจ้า
พริกแดง กระเทียมโขลกพอแตก
ต้นหอม ผักชี ขึ้นฉ่าย
ใบมะกรูด ข่า ตะไคร้
น้ำปลา น้ำปลาร้า
มะเขือเทศ มะขามเปียก


มดแดงมีแม่เป้ง รสชาติมันๆ มีแม่มดแดงส่มอำลำ จ้า



วิธีปรุง
ต้มน้ำให้เดือด ใส่เครื่องต้มเราลงไป
ข่า ตระไคร้ ใบมะกรูด พริกแดงโลกกับกระเทียม เติมน้ำปลาร้า


พอน้ำเดือด พล่านใส่ปลาลงไป ห้ามคน ใส่ไข่มดแดง มะเขือเทศ มะขามเปียก รอปลาสุก
ใส่ต้นหอม ผักชี ขึ้นฉ่าย ปรุงรสด้วยน้ำปลา
ยกลง เป็นอันสำเร็จจ้า


อันนี้แบ่งไว้ไปใส่บาตรมื่ออื่นเซ้าจ้า

[เซียงสีผีเป้า]

ตำแจ่วพริกดิบมานำเด้อครับคุณหมอ ซดน้ำ ซดไข่มดแดง คำข้าวจ้ำแจ่วบาดนิ
อยากกินนำเด้คับ

[suny]

เห็นแล้วกะหิวข้าวละตนับบาดนี่ ทางผมหากินยากคักไข่มดแดง มีแต่ไข่ผากบ่มีไข่ต่ง

[ณัฐ ภูไท]

เป็นตะแซ่บหั่นแหล่วต้มปลาค้อใส่ใข่มดแดงคือสิส้มอํ่าหลํ่าคักซดฮ้อนๆๆแก้แก้หนาวเด้เนาะคือสิมีแฮงแซ่บครับแซ่บ

[หนุ่ย..บ่าววีโก้]

ต้มปลาค้อใส่ไข่มดเเดงเมนูนี้หากินยากครับปีหนึ่งมีเทื่อเดียวครับ..เป็นตาเเซบคัก:*-

[จ่าเหลือง]

โอ้ๆ ขอชดฮ้อนๆ แบบ บ ต้อง เป่า แน้ ครับ คุณหมอ

[หมูหวาน]

เป็นตาแซ่บแท้ จ้า มีทั้งปลา มีทั้งไข่มดแดง ซดฮ้อนๆ เด้เนาะจ้า พี่อี๊ท แซ๋บๆๆ :l-:l-

[มะเหมี่ยว]

หมดหรือยังคะ ขอซดนำแนจักถ้วย

[lungyai1123]

ว่าแล้วว่าสิซดฮ้อนๆก่อนหมู่ผัดมาลวกลิ้นก่อนซ้ำแหม..โฮๆๆๆฮ้อนหลาย

[เซียนเมา]

แกล้ม แกล้ม! แนวนี่ต้องแกล้มบักสองซาวจักสองโบกก่อน :b-b:b-b
แล้วจั่งซดน้ำฮ้อนๆตาม อา...โล่งคอดีคัก อิอิ