หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 13

หัวข้อ: เซิญผญาสามัคคี

  1. #1
    peitai
    Guest

    เซิญผญาสามัคคี

    แหม่นคุ่มเหนือคุ่มใต้ กะไทบ้านเดียวกัน เถิงคนละหมู่บ้าน กะยังแหม่นตำบน
    เถิงสิไกลไปหลาย ต่างจังหวัดไกลโพ้น กะบ่ดนดอกท่าน หากเทียวมาหาสู่
    แหม่นสิอยู่ไกลกล้ำ ไกลกันคนละภาค กะขอฝากเอาไว ้คนไทยแท้แหม่นหนึ่งเดียว
    อันทะเลาะเบาะแว้ง มีแหน่บ่เป็นหยัง แต่หากหลาย ไทยสิพัง.. ท่านคงฮู้
    มาอดสูใจแท้.. เซิญผญาสามัคคี. เซิญผญาสามัคคี.. เซิญผญาสามัคคีเซิญผญาสามัคคีไทยฆ่าไทยให้เพิ่นส่า สิเฮ็ดจั่งได๋น้า สามัคคีจั่งสิแหน่นแผ่นดินนี้...ทุกๆทาง
    โอน้อ....ขอแถลงเอิ้น เซิญซวนมวลหมู่เจ้า ที่เว่าจ่ายผญา ไห่ซ่อยหาทางเว่า ไทยเฮาไห่ฮักแก่น...แหน่ถ่อน
    ขออ้อนวอนตอนนี่ อย่าวีม่างห่างกัน ตื่มน้ำมันใส่ไฟ ไฟกะแฮ่งไหม้ฮ้อน
    ขออ้อนวอนหมู่เจ้า มาจับเข่าคุยกัน เฮ็ดแต่สิ่งสร้างสรรค์ ไห่ไทยได้ฮุ่งเฮือง.... เด้อท่าน

  2. #2
    Noom-noi
    Guest

    Re: เซิญผญาสามัคคี

    ไทยแลนด์แดนขวานคำยั้งอยู่มาโดน มากมายหลายชุมชนซ่อยกันโจมซ่อยกันหยู่ ไทยเป็นไทยอยู่สุมื้อ กะย้อนอยู่อย่างสงบ...นั่นแล่ว
    แม่นหลายหน่อหลายแนว กะโฮแซวนำกันได้ เทิงผู้ใหญ่เทิงผู่น้อย ขั่นเอิ้นไซ่เอิ้นสอย กะยังซ่อยกันดีอยู่.....
    แต่กะจั่งว่านั่นแหลว ที่ไทยฮ้อนอยู่สุมื้อนี่ กะแม่นผู้บ่หวังดี เขายุแยงตะแคงตี จักว่ามีแนวได๋แค้น
    ขอเด้อท่าน...ไทยทั้งหลายให้หนักแน่นคือจั่งหินผา เรื่องแนวได๋ได่งินมา ให้ค่อย'จารณาท่าน
    อย่าไปตามคำเว่า เขาส่าให้หลงผิด อย่าไปคบมวลมิตรที่พาผิดบ่สรรส่าง อย่ายอมเป็นเบี้ยฮ่าง ตกล่างให้เขาจูง...
    ชาติซิบ่ดับสูญ อยู่ยั้งไปภายหน้าได้ หากขวานใหญสามัคคี...เด้อขะน่อย


  3. #3
    peitai
    Guest

    Re: เซิญผญาสามัคคี

    ฮ้กกันไว้ดีกว่าซังกัน สมานสามัคคีอยู่ดีนำกันได้
    ฮอดยามทุกข์ยากฮ้าย แหม่นสิได้เพิ่งกันซ้นตั้ว....
    เพิ่นว่าน้ำเพิ่งเฮือเสือเพิ่งป่า มัจฉาเพิ่งวารีสกุณ๊เพิ่งรุกขา
    ราชาเพิ่งราษฏร์นักปราชญ์เพิ่งตำรา บ่แหม่นญาติกา สามัคคีนี่แหล่วแนวสิได้เพิ่งกัน
    หากว่ามัวแก่งแย่งแข่งกันฟันฟาด คำว่าไทยสิ้นชาติอาจสิบ่อยู่ไกล เด๋
    หากทางหนึ่งเป็นไฟไห่ทางหนึ่งเป็นน้ำ พอได้ห่ามบ่ไห่ไหม้ซั่นเด๊
    :) :) :)

  4. #4
    นักปราชญ์เมืองอีสาน
    ศิลปินนักแต่ง ผญา
    สัญลักษณ์ของ ศรีสะท้าน
    วันที่สมัคร
    Aug 2006
    กระทู้
    4,179

    Re: เซิญผญาสามัคคี

    @ สามัคคีความดีตั้ง รัฐฐํประชาราษฎร์ ไผบ่ออาจต่อยต้อง ตีซ้ำซ่วงซิง
    เป็นความจริงในข้อ พุทโธน้อเพิ่นสอนกล่าว บอกแก่ชาวพี่น้อง ผู้เนาเนื้อแผ่นดิน
    ประเทศเฮาหากบ่อสิ้น ถ้ามวลมากสามัคคี ระลึกเถิงความดี ยกอภัยยอตั้ง
    อันใดผิดที่เพพลั้ง ยังเห็นเป็นคุณค่า นำประกอบพิจาณา หาสาเหตุบ่อนข้อง เอามาแก้ ให้ส่วงเซา..นั้นแหลว..ท่านเอยย ฯฯฯ
    วรรณคดีล้ำลำนำเอื้อนเอ่ย เขยภาษาพากษ์เว้าลาวพื้นกล่าวไกล

  5. #5
    peitai
    Guest

    Re: เซิญผญาสามัคคี

    โอ้เด้น้อคนก่อการณ์ประหารฆ่า โหดร้ายทารุณหา ประสงค์อันหยาบ
    บ่กลัวบาปหยาบซ่า อาญาซึ่งแผ่นดิน หลายชีวินดิ้นด่าว ซาวไทยมาซ่างเป็น...
    จักแหม่นกรรมหรือเวร เฮ็ดไห่เป็นจั่งซี่ วิธีแก้แหม่นห่อมได๋ ไห่ได้เห็น...ท่านเอ้ย
    อันโมหะ ละหลงถิ่ม แล้วมายิ้มใส่กัน สานสัมพันธ์กันแหน่นๆ ตอบแทนแผ่นดินอยู่
    องค์ภูมินทร์ผู้เลิศฟ่า ประชาไท้ไห่เทิดทูน.. ท่านเอ้ย

  6. #6
    ดูแลตรวจสอบเนื้อหา สัญลักษณ์ของ ตะวันนา
    วันที่สมัคร
    Aug 2006
    กระทู้
    1,598

    Re: เซิญผญาสามัคคี


    โอน๊อ.... ซ่างบ่ฮักกันแท้บ้านเกิ่งทางเดียวกัน
    เกลียวสัมพันธ์บ่มั่นแก่นแฮ่งแตกลายมายม้าง
    ต่างกะเป็นคนไทย ใจกะไทย แม่นแนวได๋อยากแตกแยกแท้น๊อ
    ปานอยู่คนละเขตต่อ บ่คิดสามัคคีไว้ ไทยเฮานั้นแตกสลาย


    ...............เห็นข่าวแล้วเศร้าแท้น๊อ..ประเทศไทยเอ๊ยยย...............
    :heart:~?*??*?~*... คื อ วั น ห นึ่ ง ที่ หั ว ใ จ....
    ................จ ะ ห อ บ รั ก ไ ป ซ บ อุ่ น ไ อ ดิ น... .....
    * ~?*??*?~:heart:

  7. #7
    peitai
    Guest

    Re: เซิญผญาสามัคคี

    รัฐฐะนาวาสยามราช เฮาบ่อาจปล่อยไห่ภัยฮ้ายย่ำยี
    สามัคคีเถิดพี่น้องผองไทยอย่าได้ห่าง เฮาอย่าวางปล่อยไห่คนฮ้ายมาไล่หนี
    ซ่อยกันปกซ่อยกันป้อง แผ่นดินของผองไทยให่ทุกที่
    สามัคคีดีกันเข้า กีดคนเขลาเอาไห่ห่าง.. แหน่ถ่อน
    อย่ามัวนอนหย่อนใจเล่นเห็นภัยฮ้ายว่ไกลโตท่านเอ้ย



  8. #8
    peitai
    Guest

    Re: เซิญผญาสามัคคี

    มาส่างเป็นเวรได๋สั่ง สังมาเฮ็ดกันได้ทำลายสิ้นทุกอัน
    คนสร้างสรรค์ขยันสร้าง มลายม้างต่างดับสูญ
    คนมีคุณหนุนธรรมค้ำ หวังกับความสงบลบความขุ่น
    ท่านต้องมาดับสูญ สูญสิ้นบุญหมั่นอันได๋นี่ที่ดลใจ....ท่านเอ้ย

  9. #9
    ดูแลตรวจสอบเนื้อหา สัญลักษณ์ของ ตะวันนา
    วันที่สมัคร
    Aug 2006
    กระทู้
    1,598

    Re: เซิญผญาสามัคคี


    ....เพิ่นมาคือเคร่งเครียดแท้น๊อ ท่านpeitai นี่น๊อ ยิ้มๆ สู้ ไว้ค่ะ แล้วทุกอย่างจะดีเอง


    ประเทศไทยบ่ฮ่วมชาติ ขาดความฮักสามัคคี
    บ่ปรีดีปรองดองฮัก ชาติไทยเฮาสลายม้าง
    ต่างคนต่างคึดพ้อ เอาความสุขใส่เจ้าของ
    บ่ได้มองคนทางหลัง...บ่คิดพ้อคนทางหน้า.....ตัวข้านั้นสุขผู้เดียว.....ซ่างเป็นน๊อ
    :heart:~?*??*?~*... คื อ วั น ห นึ่ ง ที่ หั ว ใ จ....
    ................จ ะ ห อ บ รั ก ไ ป ซ บ อุ่ น ไ อ ดิ น... .....
    * ~?*??*?~:heart:

  10. #10
    peitai
    Guest

    Re: เซิญผญาสามัคคี

    โอเด้น้อบ่อยากปาก หากได้เว่า ในใจเศร้าเมื่อยมโน ท่านเอ้ย
    บ่อาจเฉยอยู่ได้ แนวเห็นไทยฆ่าไทยใจแห่งหม่น
    อยากซวนท่านทุกคน หาหนทางซ่วยแก้อย่าแวม่างห่างกัน
    ความสำคัญฉันพี่น้องผุอยู่ฮ้อนบ่ห่อนหาย... หากซาวไทยปล่อยไห่เพียงรัฐท่านจัดการ
    มาสัมพันธ์กันเข่าเอาน้ำซ่อยสาด หรือว่าอาจหักฟดไม้ตีทับเพื่อดับไฟท่านเอ้ย

หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •