กำลังแสดงผล 1 ถึง 9 จากทั้งหมด 9

หัวข้อ: ยางเลาะบ้าน เบิ่งช่างสานกระติ๊บ

  1. #1
    ดูแลตรวจสอบเนื้อหา สัญลักษณ์ของ หนุ่มลาวสาวขะแมร์
    วันที่สมัคร
    Aug 2012
    ที่อยู่
    รังสิต
    กระทู้
    486

    ยางเลาะบ้าน เบิ่งช่างสานกระติ๊บ


    กลับบ้านปีใหม่ ได้ย่างเลาะบ้านครับ

    ได้พ้อกับช่างสานกระติบข้าวประจำหมู่บ้านสองท่าน

    นำรูปและบรรยากาศและเรื่องราวเล็กๆ น้อยๆ มาให้พี่น้องเบิ่ง



    ยางเลาะบ้าน เบิ่งช่างสานกระติ๊บ

    ช่างสานกระติ๊บประจำหมู่บ้าน



    ยางเลาะบ้าน เบิ่งช่างสานกระติ๊บ

    แสดงให้เห็นส่วนประกอบต่างๆ ก่อนจะมาเป็นกระติ๊บข้าวเหนียว เครื่องมือกะมีมีดโต้ มีดตอก เหล็ก(ซี)



    ยางเลาะบ้าน เบิ่งช่างสานกระติ๊บ

    ขดก้านตาล เตรียมส่วนที่เป็นตีนของกระติ๊บ



    ยางเลาะบ้าน เบิ่งช่างสานกระติ๊บ

    ช่างอีกคนครับ ฝือมือระดับแชมป์งานพระธาตุนาดูน(แชมป์เฮ็ดเร็ว)) กับผลงาน



    ยางเลาะบ้าน เบิ่งช่างสานกระติ๊บ

    ผมสอบถามได้ความว่า ตั้งแต่เช้าเริ่มจากจัก(เหลา)ตอก ฮอดแลงแล้วเสร็จพอดีหนึ่งหน่วย หรือ 1 กระติ๊บ

    กระติ๊บใหญ่ขายราคา 150 บาท

    เฮ็ดเบิดมื้อขายได้ 150 บาท ครับ (นี่สำหรับช่างที่ว่าเฮ็ดได้เร็วคักแล้ว)

    หักต้นทุนประมาณสิบบาทคือค่าไม้ไผ่ หวาย ค่ารถไปซื้อหวาย เชือกไนล่อนและถ่านวิทยุ เหลือร้อยสี่สิบคือค่าแรงเบิดมื้อ

    ถ้าสิเอา ผม คนบ้านเดียวกัน เพิ่นว่าเอาไปร้อยสี่สิบ แต่กะบ่ได้ซื้อเพราะมีหลายแล้ว

    มาอ่านพ้อในกระทู้ของเอื้อยปุ้ย เพิ่นว่าเฮ็ดแจกัน เฮ็ดออมสิน ค่อยเสียดายนำก้น เที่ยวหน้าสิซื้อมาเฮ็ดเป็นออมสินครับ



    ยางเลาะบ้าน เบิ่งช่างสานกระติ๊บ

    ที่บ้านผมกะเลือกใช้มาตลอดทั้งน้อยและใหญ่ ซื้อมาแล้วใช้จนลืม ทนเกินห้าปี

    ฝากถึงพี่น้องให้ช่วยหรือซ่อยกันอุดหนุนสินค้าของซ่างบ้านเฮาแน่เด้อครับ ให้ช่างเพิ่นอยู่ได้ ได้อยู่คู่กับอีสานเฮาตลอดไป

    (เบิดมื้อร้อยห้าสิบ ต่อไปสิมีผู้เฮ็ดบ่น้อ)



    ยางเลาะบ้าน เบิ่งช่างสานกระติ๊บ

    กอไม้ไผ่บ้าน แหล่งอุปกรณ์ วัตถุดิบหลัก


    ขอบคุณช่างทั้งสองที่ได้ยึดอาชีพนี่ อาชีพที่เป็นมรดกเป็นตำนานของหมู่บ้านและของชาวอีสานสืบไป



    ขอบคุณพี่น้อง ขอบคุณบ้านมหา
    แก้ไขครั้งสุดท้ายโดย หนุ่มลาวสาวขะแมร์; 21-02-2013 at 09:30.

  2. #2
    ร่วมถ่ายทอดความรู้สู่สังคม สัญลักษณ์ของ ไผ่หวาน
    วันที่สมัคร
    Jun 2009
    ที่อยู่
    PATTAYA CITY
    กระทู้
    770
    บล็อก
    14
    ดีใจเนาะจ้า ที่ยังมีคนสืบสาน ไว้ ยุบ้านตอนนี้ เท่าที่ฮู้ บ่มีไผเฮ็แล้ว มีตะซื้อเอา
    กอไผ่บ้านกะม้างลงเหมิด บ่มีให้เห็นแล้ว

    สมัยก่อนพ่อเอิ้อยกะเป็นช่างสานสารพัด ก่องข้าว กะต้า กะโหลก หวด ..แล้วแต่ไผสิมาจ้าง



  3. #3
    แบ่งปันความรู้และประสบการณ์ สัญลักษณ์ของ ณัฐ ภูไท
    วันที่สมัคร
    Apr 2012
    กระทู้
    845
    งามๆๆๆกะติ๊บใส่ข้าวบ้านเฮาเป็นตะทนอยู่เบิ่งแล้วคิดว่าคือสิหนาแล้วกะเก็บความฮอ้นได้นานยุเห็นกะติ๊บหมู่เพิ้นซื้อมาฝากจากเมืองไทยจักซื้อมาจากทางได๋ลูกหนึ่งเก็บความฮอ้นกะบ่ได้นานฮึมันบางกะบ่ฮู้เนาะครับ

  4. #4
    แบ่งปันความรู้และประสบการณ์ สัญลักษณ์ของ หนอนน้อย หนองกี่
    วันที่สมัคร
    Jan 2013
    ที่อยู่
    Nongki / Burirum
    กระทู้
    46




    เบิ่งแล้วมันคร้ายๆกะติบ ไฮโลตัวซำพออยู่แถวบ้านหายดุ

  5. #5
    ศึกษาหาความรู้ สัญลักษณ์ของ lungyai1123
    วันที่สมัคร
    Oct 2008
    กระทู้
    381
    บล็อก
    63
    ครับเป็นตาแน่นดีแท่เน๊าะแบบนี่ใช้ได้เป็นห้าปีลืมเลยครับฝีมืองามแล่วดีคักสองชั้น

  6. #6
    ท่องเวบ สัญลักษณ์ของ pui.lab
    วันที่สมัคร
    Jul 2006
    ที่อยู่
    โสดไม่มีใครเอา หรือว่าเราไม่เอาใคร
    กระทู้
    10,172
    บล็อก
    9
    บ่มีโรงเรียนให้เรียนสอนการสานกระติ๊บ เกิดความความคิด ความฉลาดของคนสมัยก่อน
    สุดยอดจ้า

  7. #7
    แบ่งปันความรู้และประสบการณ์ สัญลักษณ์ของ หนุ่ย..บ่าววีโก้
    วันที่สมัคร
    Jan 2013
    กระทู้
    127
    เป็นภูปัญญาท้องถิ่นของชาวบ้านสมัยก่อนครับ..สมัยนี้หายากครับ

  8. #8
    ร่วมถ่ายทอดความรู้สู่สังคม
    วันที่สมัคร
    Mar 2007
    กระทู้
    1,273
    สานติ๊บข้าวได้มื่อละหน่วยนี่สุดยอดคับ

  9. #9
    เจ้าหน้าที่ประชาสัมพันธ์ สัญลักษณ์ของ บ่าวจัย
    วันที่สมัคร
    Jun 2008
    กระทู้
    3,075
    แต่สมัยก่อนเป็นเด็กน้อยเรยไปนั่งเบิ่งปู่สานยุครับ แต่ว่าหลานชายจักตอกบ่เป็น คร้าน เลยบ่เป็นจักแนว

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •