จาระนัยมาถึงขั้น เวลาผันใหญ่เป็นบ่าว
อรรถพลท่อนท้าว สิจาเว้าต่อผญา
แนะนำโตก่อนละป้า บ่าว”อั๋นจ่อย”ฉายา หลานหล้าผู้มาใหม่
บ้านมหาผู้ใจใส น้ำพระทัยอั้งล้น ให้หลานหม่นซ้นอยู่นำ
ทาง101ดอกฝ้ายก้ำ พลาญหนองพระสูงใหญ่
เมืองโพนทองกะแฮงได้ อาศัยยั้งอยู่แต่โดน
วนมาถึงเพลานี้ 25 ปีเบญจเพศ
มาเว้าประวัติพอสังเขป หลานสิได้น้อ...อ่วยลง
บ้านมหาเพิ่นเฮ็ดให้เห็นอยู่จ้งๆ เทิ้งเสริมส่งความดี
มูลมั้งอีสานประเพณี ให้ซ่อยกันสืบไว้
..ลงจั๋งใด๋น้อบาดนี้ น้อง พี่ อาว อา
มาซ่อยผมแน..น๊า..ต่อผญาให้มันแล้ว
แนวหัวกะหัดเว้า หัดลำยังบ่คลอง
อภัยเด้อพี่น้อง ลุง ป้า คูซุคน...เด้น้อ..ออ..พี่น้องเอ้ย....แนะนำโต..จักหน่อย