อีสานเป็นลาบเป็ด

[พวงพยอม]

สวัสดีค่ะคุณป้าแดง

ขอกราบขอบพระคุณหลายๆที่แวะมายามพวงพะยอม
ตอนนี้กำลังดำน้ำศึกษาระบบและการใช้งานอยู่จ้า แบบว่านางบ่เก่งพวกเทคโนโลยี่
เป็นแต่จิ้มๆenter อยู่ที่ทำงานเป็นสาวไปรษณีย์ มีโปรแกรมสำเร็จรูปใช้เวลาทำงานหน้าร้าน
ให้บริการที่หน้าต่างคล้ายๆบ้านเฮาจ้า ให้เข้าครัวเฮ็ดแนวกินยังง่ายกว่าน้อ อาจต้องใช้เวลาโดนกว่าปกติเด้อจ้า
เพราะว่าแก่ชราลง แป้นภาษาไทยก็บ่มี ใช้วิธีพิมพ์ไทยจากไอโฟน เวลาจะลงรูปก็ใช้laptop
ยังหาโปรแกรมพิมพ์ไทยไม่เจอจ้า ขออภัยหลายๆน้อ อยากทำบล้อคก็ยังบ่เป็น พี่น้องซอยจูงมือผู้เฒ่าไปแน้แต่ว่าไปซ้าๆน้อ

[บ่าวจัย]

ผมว่าขยายขนาดภาพอีกนิดกะได้เด้อครับ มันน้อยโพด ตามที่บ้านเพิ่นกำหนดนั้นละเอื้อย

แนวกินเป็นตาแซบยุครับ ลาบเป็ดผมมักกินยุขอน้องคุ้ยนำแนฮ่าๆๆๆ

[พวงพยอม]

สวัสดีจ้าน้องบ่าวจัย

เอื้อยดีใจหลายที่น้องมายามมาถามกัน มาม่วนนำกันน้อน้องบ่าวจัย
ให้เอื้อยไปแหย่ฮังมดแดงยังงายกว่าให้เล่นกับคอมพ์เด้อน้อง
มันเป็นอิหยังที่ต้องคลานบนบกต้องดำในน้ำอีหลีเด้อพี่น้อง
แต่ว่าผู้เฒ่ายังอยากเรียนรู้คือกันเนาะ ขอบคุณหลายๆจ้า

[สาวหนองคาย]

มาให้จํ้มนำจักคำแนจ้า คือสิแซ่บคักลาบเป็ด

[หนุ่มเมืองชล คนอีสาน]

โอ้ยน้อคนบ้านเฮา.............ลาบเป็ดเป็นตาแซบน้อพี่น้อง

[ฅนภูค่าว]

ลาบเป็ดเป็นตาแซบแท่แนวมักตั๊วะนี่ ไสหละหัวทาบี(ถามกินแบบฅนซวดลวด)หรือว่าพ่อบ้านเอาไปแกล้มกับบักสองซาวแล้ว.... :*-

เก่งครับเก่งคุณแม่คนเก่งคุณลูกๆกะเก่ง กลับมาบ้านเฮาแล้วสิไปยามถามข่าวดอกเมืองกะสินธุ์กับร้อยเอ็ดกะบ่ไกลกันติ๊ดกันแอดแปด

[พวงพยอม]

ลาบเป็ดกับข้าวเหนียวฮ้อนๆแซ่บอีหลีเด้อจ้าคุณสาวหนองคาย มากินนำกันน้อจ้า

[พวงพยอม]

ขอเชิญมากินลาบเป็ดนำกันเด้อจ้าคุณหนุ่มเมืองชล

[mrs.iran]

ตอนอ่านอยู่นี่กะน้ำลายไหลเด้อค่ะ

[พวงพยอม]

พี่สาวของพ่อบ้านเพินก็แต่งงานกับคนสมเด็จ กะสินธุ์จ้า มีโอกาสก็มายามกันเด้ออยู่ร้อยเอ็ดยินดีต้อนรับเสมอจ้า
หัวบีทาบ่มีดอกจ้าเพราะเป็ดเมืองนี้เขาบ่ใส่มาให้นำ มีแต่เครื่องในใส่ในท้องเป็ดที่เขาห่อเป็นถุงขายจ้า