-
Moderators
สวัสดีจ้าคุณคนจนผู้ยิ่งใหญ่
ดีใจที่มาอ่านมาเบิ่งนำกันเด้อจ้า
-
Moderators
สวัสดีจ้าคุณณัฐ ภูไท
แม่นอีหลีจ้า อยู่ไสก็บ่สุขใจคือบ้านเฮาน้อจ้า
-
ร่วมถ่ายทอดความรู้สู่สังคม
เอาใจยู่ซ่วย เด้อครับคนอีสานบ้านเฮา คนร้อยเอ็ดคือกันผมเกษตรวิสัยครับ
ผมกะได้แต่หวัง สักวันนึงผมสิได้เมียบ้านคือกันคับ
-
Moderators
สวัสดีจ้าคุณหนุ่มลาวสาวขะแมร์
ขอบคุณหลายๆที่ให้กำลังใจกันน้อจ้า สิเอิิ้นว่าจั้งใด๋ก็ได้จ้า
รู้จักฮักกันไว้ดีกั่วซังกัน เพราะเฮาคือลูกอีสานมีน้ำใจกับควมจริงใจต่อกันน้อจ้า
เป็นกำลังใจให้ได้เมือบ้านไปอยู่กับพ่อแม่ไวๆเด้อจ้า
-
Moderators
สวัสดีจ้าคุณsuny
ขอบคุณเด้อจ้าที่แวะมาทักทายกัน ขอให้่่่ประสบควมสำเร็จทุกอย่างที่ตั้งใจไว้เด้อจ้า
-
Moderators
สวัสดีจ้าอ้ายฅนภูค่าว
ขออนุญาตเอ้ินอ้ายเด้อจ้า เพราะว่าอายุนางน้อยกั่วขอคารวะเป็นอ้ายน้อจ้า
ขอบคุณที่อ้ายสอนการใช้คอมพ์ให้น้องนุงเด้อจ้า
เมือบ้านยามใด๋ บ่อยากจากไปแต่ภาระหน้าที่มีหลาย ได้แต่คิดฮอดบ้านทุกมื้อเลยจ้า
แก้ไขครั้งสุดท้ายโดย พวงพยอม; 08-02-2013 at 18:02.
-
Moderators
สวัสดีจ้าน้องสาวหนองคาย
ปลาแดกที่แม่เฮ็ดแซ่บอีหลีจ้า ส่มปลาน้อย หม่ำปลา เอื้อยก็มักหลายเด้อจ้า
สอยบักหุ่งอยู่ต้นมาตำใส่บักกอกกับส่มปลาน้อย มีข้าวเหนียวข้าวใหม่จากนา
ปีกลายบ้านเอื้อยเฮ็ดนาข้าวเหนียวกับข้าวเจ้าหอมมะลิ เมือบ้านเลยได้กินข้าวใหม่
หอมอีหลีจ้า ขอบคุณที่แวะมายามมาคุยกันน้อน้องสาวหนองคาย
-
Moderators
สวัสดีจ้าคุณณัฐ ภูไท
บ้านน้อยหลังนี้นางกับอ้ายซอยกันปลูกให้แม่อยู่เมื่อสามปีก่อนจ้า บ้านของนางกับพ่อบ้านพากันปลูกไว้เมือ
15ปีก่อนอยู่ในอำเภอเมืองร้อยเอ็ดจ้า ชื่อบ้านพิม-ฝน ปลูกไว้ให้ลูกสาวสองคน
อนาคตก็สิพากันไปอยู่ทั้งสองหลังจ้า ห่างกัน 62 กม. ขับรถบ่โดนดอกจ้าเพราะมีทางลัด
บ้านหลังน้อยใหญ่บ่สำคัญถ่าคนในบ้านฮักกัน ดูแลกันน้อจ้า ขอบคุณหลายๆที่เข้ามาถามมาคุยกันได้อบอุ่นเป็นกำลังใจให่กันน้อจ้า
-
Moderators
สวัสดีจ้าคุณเซียงสีผีเป้า
ดีใจเด้อจ้าทีได้ฮู้จักคนร้อยเอ็ดคือกัน มีหยั่งก็ซอยแนะนำน้องใหม่แน้เด้อจ้า
เกษตรวิสัยกับสุวรรณภูมิก็บ่ไกลกันน้อ นางเคยเป็นครูอยู่ตำบลหนึ่งในยางตลาด
กาฬสินธุ์ ได้สองปีก็ขอย้ายกลับภูมิลำเนาเดิมได้ไปสอนอยู่โรงเรียนมัธยมตำบลในเขตจตุรพักตรพิมาน
พ่อบ้านเป็นปลัดอบต. พอลูกอยู่ม.สองก็พากันลาออกมาเมกาจ้า มีอ้ายแท้ๆของนางเพินอยู่นิวยอร์คมาโดน30ปี
เพินซอยเหลือพวกเฮาจ้า ขอบคุณที่แวะมายามกันน้อจ้า
กฎการส่งข้อความ
- You may not post new threads
- You may not post replies
- You may not post attachments
- You may not edit your posts
-
กฎฟอรั่ม
Bookmarks