หน้าที่ 1 จากทั้งหมด 3 หน้า 123 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 25

หัวข้อ: อาหารโต๊ะลาว (ไปกินลาบงัว)

  1. #1
    ดูแลตรวจสอบเนื้อหา สัญลักษณ์ของ หนุ่มลาวสาวขะแมร์
    วันที่สมัคร
    Aug 2012
    ที่อยู่
    รังสิต
    กระทู้
    486

    อาหารโต๊ะลาว (ไปกินลาบงัว)

    ผมกลับบ้านปีใหม่ไปสบงานบวชหลาน ลูกชายพี่น้อง กะเลยถ่ายรูป ลาบงัว อาหารงานเลี้ยงตามแบบอีสานบ้านเฮามาให้เบิ่งครับ



    อาหารโต๊ะลาว (ไปกินลาบงัว)


    อาหารโต๊ะลาว (ไปกินลาบงัว)


    โต๊ะลาวตามประเพณีดั้งเดิมและปัจจุบันทางบ้านผม ง่ายๆ บ่พิถีพิถัน เน้นลาบงัว และเมนูหลักๆ สองสามอย่าง

    ลาบดิบ ลาบสุก ก้อย ต้ม แล้วกะซอย (ซอยบ่เอาหย่ำบ่ไหว) แกงเนื้อใส่บักโต่น ผักกะยอดผักชินิน ยอดบักตูม ยอดบักกอกครับ

    ส่วนแกงบักเขือ แกงกะทิ ผัดๆ ทั้งหลายพึ่งมีมายุคหลังๆ ที่พ่อใหญ่แม่ใหญ่เริ่มมีสะไภ้ไทยนี่เอง เป็นเมนูประกอบเสิร์ฟพร้อมข้าวเจ้า

    แต่หลังๆ มานี่ บ้านพี่น้องผู้เพิ่นไคแน่ เอาซำบาย กะสิเป็นโตะจีนกลายๆ ไปละ มันจังบ่เปลืองเพิ่นว่าซั่น แล้วแต่เจ้าภาพครับ

    โฮมร้อยนึง เบิดลาบถ้วยนึง เบียร์สองขวด หรือสี่สิบขวดน้อย และห่อเมือบ้าน สรุปเจ้าภาพหลุบทุกรายครับ


  2. #2
    ดูแลตรวจสอบเนื้อหา สัญลักษณ์ของ pcalibration
    วันที่สมัคร
    Nov 2008
    ที่อยู่
    เมืองฉะเชิงเทรา(แปดริ้ว)
    กระทู้
    1,991
    บล็อก
    1
    ตามธรรมเนียมแต่ก่อนเป็นการส่อยบุญเนาะ บุญนิยมจึงเป็นที่ตั้ง
    เรื่องซองใส่น้อยใส่หลายกะบ่เป็นปัญหา..เรื่องกินกินหลายกินน้อยกะบ่เป็นปัญหา
    สิห่อพร้อมหรือตู๊ดจนส่งขาดกะบ่หว่ากัน...
    แต่สมัยปัจจุบัน..ทุนนิยมมีบทบาทเรื่องเงินเข้ามาแทนกำไรขาดทุนเป็นโตตั้ง
    เรื่องของน้ำใจการส่อยเหลือจึงมักสินำมาวัดกันด้วยจำนวนปัจจัยในซอง..555555
    สำหรับท่านผู้มีเกิบและท่านผู้มีเกียรติ์

  3. #3
    ร่วมถ่ายทอดความรู้สู่สังคม
    วันที่สมัคร
    Mar 2007
    กระทู้
    1,273
    ขาดอีกอย่างนึงเด้อคับ แกงหน่อไม้ นั่นแหมะ บ้านผมขาดบ่ได้เด้อ

    ในพาข้าวงานบุญ มีลาบ ก้อย ต้ม แกงหน่อไม้

    สมัยนี้ต้มงัวแถวบ้านผมมักเอาหนังใส่นำผมล่ะบ่มัก หนังแทนทีสิเอาไปขาย หรือ เอาไปตากเป็นหนังเค็ม บ่สมควรสิเอามาต้มปนหมู่

    เว่ามาแล้วกะอยากกินลาบงัว วันที่ 23 มีนา น้องชายผมสิแต่งงานสิได้กินลาบแบบบ้านเฮากะคราวนี่ล่ะ

  4. #4
    ศึกษาหาความรู้ สัญลักษณ์ของ คนจนผู้ยิ่งใหญ่
    วันที่สมัคร
    Apr 2012
    ที่อยู่
    สารคามคือหม่องอยู่
    กระทู้
    260
    งานบุญบ้านเฮาถ่าบ่มีลาบงัว มันกะบ่แมนบุญ ขอซอยจุุ๊แน:b-b

  5. #5
    Moderators สัญลักษณ์ของ สหายพง
    วันที่สมัคร
    Mar 2009
    ที่อยู่
    ผมมากับรถผ้าป่า
    กระทู้
    1,558
    เรื่องทำบุญเว้ากันบ่ได้ครับซ่อย 20 บาท กินจนงานแล้วกะมีครับมันเป็นฮีตครับผม

  6. #6
    แบ่งปันความรู้และประสบการณ์ สัญลักษณ์ของ หนุ่ย..บ่าววีโก้
    วันที่สมัคร
    Jan 2013
    กระทู้
    127
    ป้าดดดเป็นตาแซบบบเเท้น้อลาบงัวซอยห่างจิ้มเเจ้วเพี้ย:b-b:b-b

  7. #7
    แบ่งปันความรู้และประสบการณ์ สัญลักษณ์ของ ณัฐ ภูไท
    วันที่สมัคร
    Apr 2012
    กระทู้
    845
    เป็นต๋าแซ่บแท้ก้อยงัวได้เพี้ยใสนำเนาะน่ากินหลายที่เพิ้นขั่วสุขแล้วหนะคักยุกะแบบนี้แหล่วเนาะงานตามบ้านเฮากับข้าวกะคือกันยุมีก้อยเป็นกับข้าวหลักกะมีพวกแกงเผ็ดฮึยำ ทอดเป็นอาหารเสริมนำสุมื้อหนิ:b-b:b-b:*-:*-:*-

  8. #8
    ดูแลตรวจสอบเนื้อหา สัญลักษณ์ของ หนุ่มลาวสาวขะแมร์
    วันที่สมัคร
    Aug 2012
    ที่อยู่
    รังสิต
    กระทู้
    486
    ขอบคุณครับ

    แต่ทางบ้านผมยังบ่ทันเห็นดอกครับอ้ายเซียงฯ ที่เอาหนังมาต้มใส่นำ เอาเปรียบแขกผู้มาซ่อยงานโพ้ดดอกเห็นว่ากะดาย แกงผักขี้เหล็กว่าซั่นไคแน่

    เว้าเรื่องนี้กะเสียดายครับ แต่ก่อนยังบ่มีโต๊ะ ไปกินงานเฮียนได๋กะขึ้นเทิงบ้านเสิร์ฟซอยเพลี้ยลาบขมกันเดิ่นนอกซาน ให้ความรู้สึกอบอุ่นคือพี่คือน้อง

    เฮียนได๋มียุ้งแมงมุมอยู่แกได๋กะได้เอามาเว้าม่วนสู่กันฟังทีเพิ่นทีโต สู่มื้อนี่เฮียนเก่าม้างเฮ็ดใหม่เบิด บ้านราคาเป็นล้านกะบ่มีซานให้ขึ้น เต้นอย่างเดียว เฮียนอีแม่กะคือกัน

    ก่อนไปอีกพู้น ทางบ้านผมสิเป็บแบบส่งพาข้าว โฮมสิบบาทซาวบาท ถ้าบ่กินเพิ่นกะสิมีผู้สาวผู้บ่าวถือพาข้าวไปส่งฮอดเฮียนครับ(กรณีหมู่บ้านเดียวกัน)

    เว้าพื้นเรื่องเก่าที่หาเบิ่งบ่ได้แล้วเนาะ ได้แต่เสียดายนำก้น ไผมีรูปกะเอามาแบ่งกันเบิ่งเด้อ

  9. #9
    ร่วมถ่ายทอดความรู้สู่สังคม
    วันที่สมัคร
    Mar 2007
    กระทู้
    1,273
    แม่นยุคับ เอาเปรียบกันโพด เพิ่นหั่งพากันต้มใส่ ต้มแล่วกะบ่มีพุกิน มีตะพุจ่ม บาดฮอดงานจะของกะต้มใส่คือกัน

    เป็นจั่งซี่มาประมาณสิบปีแล้วคับ ตะกี้กะบ่เคยพ้อเคยเห็น มาเห็นบ้านจะของนี่ล่ะ
    หมู่เจ้าภาพล่ะวาอยากให้มันได้หลายพะนะ สุดท้ายแท่ได้เทถิ่มให้หมูกิน

    แต่งงานน้องชายผมเดือนหน้า ผมโทรไปสั่งเลยว่า ห้ามเอาหนังงัวมาต้มใส่ จักสิเป็นจั่งได๋บุ

  10. #10
    ไคตั่วบ่เพาะซาวบาท ห่อต้มกับลาบอย่างละถุง แถมเนื้ออีกจักต่อนไปเฮ็ดส้มนำ มันสิบ่หลุบทึนได้จั่งได๋ ขอขมา ต้มไก่ผ้าผืนผมหว่าหนะคือแล้ว (แนวควมคึดจะของดอกว้า)เอิ่กๆๆๆๆๆๆๆๆๆ

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •