หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 19

หัวข้อ: เฮ็ดบุญบ้าน

  1. #1

    เฮ็ดบุญบ้าน


    พ่อของนางเพินเป็นครูจ้า พ่อเว้าให้ฟังว่าพ่อขี่ม้าไปโรงเรียนสอนหนังสือ แม่เป็นแม่บ้านเปิดร้านทำผมและขายของที่บ้าน พ่อใหญ่แม่ใหญ่มีลูก8คน ยังมีแม่ผู้เดียวที่อายุยืนมา 84ปีในหมู่บ้านแม่เลยมีหลานเต็มหมู่บ้าน เดินไปทางไหนก็มีแต่ญาติพี่น้อง บ้านหลังนั้นก็ลูกป้าทอง หลังโน้นก็ลูกน้ามี ลูกลุงทิดนนท์
    นางเป็นลูกสาวหล่ามักไปนานำพ่อแม่ นางสิมีวิทยุทรานซิสเตอร์หิ้วไปนำ มีกะต้าใส่กระติบข้าวเหนียว บักหุ่ง กระเทียม พริกขี่หนู กระปุกส่มปลาน้อย บักกอก บักเขือเทศ ผักกาดเขียวที่พ่อแม่ปลูกไว้ในสวน นางมักยางเล่นบนคันแท๊กลางนา ยามดอกพะยอมบานเต็มต้น พ่อจะสอยใส่กะต๊าให่
    หอมชื่นใจอีหลีจ้า มีต้นอีหยังน้อจำซื่อบ่ได้ เวลาลมพัดใบจะหมุนติ้วๆตกลงพื้นเป็นสีน้ำตาลมีสองใบ
    ยามเที่ยงตะเว็นตรงหัว พ่อแม่จะพาไปนั่งกินข้าวเทิงเถียงนาน้อย บนเถียงนาสิมีครกไม้กับสากไม้เอาไว้ตำบักหุ่ง แม่เพินห่อปลาคอแห่งย่างหอมๆมานำ นางซอยแม่ฝานบักหุ่ง แม่ตำบักหุ่งใส่ส่มปลาน้อยแซบขนาดเด้อจ้า ลมเย็นโชยมาอ่อนๆ ฟังเพลงลูกทุ่งมวนๆจากวิทยุทรานซิสเตอร์ จนค่ำแล้วงานจากทงนา เฮาพากันยางเมือบ้าน บางคนเพินสิจูงวัวควายไปนำ บางคนก็ขี่เกียน พ่อเพินจะหาฟืนน้อยเอาไปดังไฟนึ่งเข่า แม่สิเก็บผักขี่เหล็กเอาไปแกงเป็นมื้อแลง
    พ่อเพินเสียชีวิตตอนที่นางทำงานอยู่กสท. เป็นควมสูญเสียครั้งใหญ่ที่สุดในชีวิต พ่อบ้านเพินทำงานอยู่บางพลี พ่อปู่โทรมาบอกเพิน ตอนนั้นเฮา เพิ่งแต่งงานกันใหม่่ๆ ครั้งสุดท้ายที่ได้เห็นพ่อ เพินมายามเฮาอยู่กรุงเทพๆ นางกับพ่อบ้านไปส่งพ่อกับแม่อยู่หน้าวัดลาดพร้าวเพราะมีรถบัสไปส่งฮอดบ้านที่สุวรรณภูมิ ร้อยเอ็ด พ่อว่าวเป็นลางสังหรณ์ว่าวัดนี่งามเป็นตาอยู่ บ่กี่มื้อพ่อก็เสียชีวิตลง
    พระคุณพ่อนางขอเทิดทูนไว้ในหัวใจตลอดไป
    เมือบ้านเถี่ยวก่อน3ปีมาแล้ว นางกับอ้ายได้ทำบุญขึ้นบ้านใหม่ให้แม่ ตอนนั้นยังบ่ได้เอาป้ายชื่อพวงพะยอมมาติด แม่ฝันว่าพ่อมาบอกให้เอาป้ายติดแน้เพราะพ่อหาบ้านบ่เห็น
    ปีนี้แม่ไปเลือกธาตุให่พ่อจากร้านในสุวรรณภูมิ มีหลานชายเป็นคนก่อฐานให่ แม่ขอบูชาค่าที่ดินสร้างธาตุถวายวัด เฮ็ดพิธีกันเมื่อวันที่ 6 มกราคม 2556 จ้า แล้วเฮาก็พากันนำอาหารไปตักบาตรถวายภัตตาหารเทิงศาลาวัด ได้กรวดน้ำให้ปู่ย่าตายาย พ่อและญาติพี่น้องที่ล่วงลับไปแล้ว
    นับว่าเป็นประเพณีอีสานที่ลูกหลานควรพากันรักษาสืบทอดต่อไปเด้อจ้า

    เฮ็ดบุญบ้าน


    เฮ็ดบุญบ้าน


    เฮ็ดบุญบ้าน






















    แก้ไขครั้งสุดท้ายโดย พวงพยอม; 13-02-2013 at 18:15.

  2. #2



    แก้ไขครั้งสุดท้ายโดย พวงพยอม; 13-02-2013 at 18:16.

  3. #3
    วันที่ 6 มกราคม 2556 เฮ็ดบุญสร้างธาตุให่พ่อจ้า

    แก้ไขครั้งสุดท้ายโดย พวงพยอม; 12-02-2013 at 19:18.

  4. #4
    ศึกษาหาความรู้ สัญลักษณ์ของ คนจนผู้ยิ่งใหญ่
    วันที่สมัคร
    Apr 2012
    ที่อยู่
    สารคามคือหม่องอยู่
    กระทู้
    260
    เป็นตะอบอุ่น พี่น้องมาตุ้มมาโฮม

  5. #5
    Moderators สัญลักษณ์ของ สหายพง
    วันที่สมัคร
    Mar 2009
    ที่อยู่
    ผมมากับรถผ้าป่า
    กระทู้
    1,555
    ดีครับการกตัญญูบุพการีเป็นสิ่งที่ดีเป็นสิ่งควรทำครับผม

  6. #6
    แบ่งปันความรู้และประสบการณ์ สัญลักษณ์ของ ณัฐ ภูไท
    วันที่สมัคร
    Apr 2012
    กระทู้
    845
    เบิ่งๆๆแล้วกะมีความสุขนำเพิ้นเนาะผุเฒ่าหลายๆๆน้อครับทางรอ้ยเอ็ดแม้นบ่ครับเห็นแล้วกะเป็นต๋าสะออนนำเพิ้นพากันอยู่ดีแข็งแรงเนาะครับเห็นนั่งห่อข้าวต้มคักยุครับ

  7. #7
    สวัสดีจ้าคุณคนจนผู้ยิ่งใหญ่

    เมือบ้านยามใด๋สิอบอุ่นหลายจ้า พี่น้องมาตุ้มโฮมกันเป็นประเพณีดีงามของชาวอีสานบ้านเฮาเด้อจ้า

  8. #8
    สวัสดีจ้าคุณสหายพง

    ความกตัญญูต่อพ่อแม่เฮ็ดให้ชีวิตมีแต่ควมเจริญอีหลีจ้า

  9. #9
    สวัสดีจ้าคุณณัฐ ภูไท

    ทางบ้านมีผู้เฒ่าหลายจ้า เพินอายุยืน ใช้ชีวิตเพียงพอตามธรรมชาติบ้านเฮา
    ตื่นเช้าพากันยางเอาอาหารไปใส่บาตร สวดมนต์ปฏิบัติธรรม กินข้าวก้นบาตรพระนำกัน
    ซอยกันล้างถ้วยชาม ยามเที่ยงก็สอยบักหุ่งอยู่ต้นมาตำกินกัน กินอยู่ง่ายๆมีผักปลอดสารพิษ
    ตลาดในหมู่บ้านก็มีแนวอยู่แนวกินขายอยู่หน้าโรงพัก ทุกมื้อนี้บ่ต้องเข้าไปในเมืองซื้อกับข้าว
    เพราะชาวบ้านซื้อขายกันเอง สำคัญที่จิตใจที่สงบสุขตามอัตภาพจ้า

  10. #10
    ท่องเวบ สัญลักษณ์ของ pui.lab
    วันที่สมัคร
    Jul 2006
    ที่อยู่
    โสดไม่มีใครเอา หรือว่าเราไม่เอาใคร
    กระทู้
    10,172
    บล็อก
    9
    สร้างบ้านให้พ่อแม่ได้อยู่อาศัย ปุ้ยก็ฝันไว้จ้าพี่นาง ตอนนี้ก็อยู่บ้านฮ่่างๆไปก่อน (ถ้าสร้างใหม่หลานมันคงจิมาเผาบ้านตอนเมายาบ้า เหอๆ)
    เห็นภาพแล้วก็อบอุ่นดีใจนำจ้าพี่

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •