หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 11

หัวข้อ: จดหมายรัก(พากษ์ผญา)

  1. #1
    ดูแลตรวจสอบเนื้อหา สัญลักษณ์ของ pcalibration
    วันที่สมัคร
    Nov 2008
    ที่อยู่
    เมืองฉะเชิงเทรา(แปดริ้ว)
    กระทู้
    1,991
    บล็อก
    1

    จดหมายรัก(พากษ์ผญา)

    จดหมายรัก(พากษ์ผญา)
    ห่างซ้อนนอนไห่ห่วงหา
    เถิงแม่จันทนาเนื้อ หน้ามลคนคิดฮอด
    สาส์นนี่ชื่อว่าอักษรใช้ลายเซ็นต์นำส่ง
    เพื่อประสงค์ข่าวข้อขอซ้อนฮ่วมพระมัย
    จึงได้แปลงสารใช้เขียนผญาแต้มแต่ง
    มาแสดงต่อน้อง ยามแค้นคลั่งกระหาย โอน้อ…เจ้าผู้จันทนาเนื้อ
    แก้มอ่อนๆ ละมัยผิว เฮียมเอ้ย ขอให้แยงผญาเถิง
    บ่าวพี่ชายปางนี้ เจ้าผู้จันทจรแจ้ง พี่จงใจสมสวาท
    นับแต่พ้อพบน้อง บ่มีมื้อสิหล่ายลืม ได้แหล่ว อันแต่ในมโนอ้าย
    ทลายลงล้มล่าว แสนสาวมานั่งล้อม บ่ปานน้องผู้อยู่ไกล
    เทื่อนี้ พี่จึงลิขิตข้อ ขอขอดพระทัยฮัก ขอให้กูณาผาย
    โผดเฮียมยามแค้น คันสิขังมโนไว้ อกสิเพพังมุ่น เอาแหล่ว
    พี่จึงปูนแต่งแต้ม กลอนแก้ข่าวสาร ขอให้นางคราญน้อง
    ยอฉลองเทียมเนตร หลิงหล่ำสารสอดฮู้ ประสงค์แจ้งฮอดชาย แด่ท่อน
    พี่พ่องกลัด พ่องกลุ้ม หลงฮูปละเมอเถิง ว่าสิปองเอาอวน
    ยอดนางมานอนซ้อน ขอให้ดวงสมรแก้ว กลมเกลียว ฮักห่อ พี่ถ่อน
    ผายโผดอ้าย ผู้โทนโท่อยู่เดียว พี่นี่ หวังกอดเกี้ยว ผกายกอด กรกวม
    ผิว่าสมควมหมาย สิชื่นชมสมเยื้อน พี่สิเพียรสมสร้าง
    สะพานทองเที่ยวไต่ สองฝ่ายก้ำ ให้เป็นแป้นแผ่นเดียว
    เจ้าผู้ศรีเสลียวสร้อย ยอยผมดำให้นำเลี่ยม เฮียมแม้
    พี่กะตั้งต่อน้อง หมายหมั่นชั่วชีวัง พี่นี้ ขันอาสาตั้ง
    ถวายดอมเด็ดเดี่ยว มักเพื่อสมสู่สร้าง สินสร้อยซ่อยปอง
    พี่นี่ฮักฮูปน้อง นมนานสุดซั่ว จริงแหล้ว
    หาสังปูนเปรียบด้าม เสมอเผี้ยงบ่มี พี่แหล่ว
    ผัดแต่ลงโลกหล้า เอากำเนิดในมนุษย์ มานี้
    พี่บ่ทันเคยฮัก ผู้ได๋ปานน้อง ผัดแต่ครองตนสร้าง
    พสุธาเมืองลุ่ม บ่เคยฝักไฝ่ฝั่น กระสันดิ้นต่อไผ
    เทื่อนี้ พบภาพน้อง ละเมอป่วงหลงใหล ขอแก่สายใจอวน
    ฮ่ำคะนิงหวนฮู้ เจ้าผู้ตู๋หลูต้น ทองไทยพิฑูรเทศ เฮียมเอย
    อดเจ้าผายผ่อเยี่ยม กระแสสิ่งสอดสาร พี่ท่อน
    พี่นี่ ฮักนาถน้อง หลงฮูปละเมอหา ผิว์บ่สมเจตนา
    สิมิ่งมรณาเมี้ยน อดให้สงสารถ่อน สายสมรเทียมเนตร เฮียมเอ้ย
    สงสารชายกำพร้า มาเว้าเหนี่ยววอน พี่นี่ จรจวบน้อง
    มาพานพบจอมขวัญ คือจั่ง กาดำพบ จวบนางลุนน้อย
    อันว่า สมเสลาสร้อย นางลุนผัดฮักห่อ กาดำ นั่น แหล๊ว
    ยังได้เกาะกอดเกี้ยว ผสมฝั่นฮ่วมกัน คึดเบิ่ง เงาะฮูปฮ้าย
    ใบ้บ้ากะทาชาย ยังได้ชมแซมสอง รจนานางน้อย
    ขอให้ สมเสลาสร้อย พิจารณ์ใจแจ้งแจบ ดูถ่อน อย่าให้ ฮักพี่นั้น
    ฮามฮ้างเคิ่งทาง โอน้อ.. ขอให้กก กอดเกี้ยว
    ก้านก่าย กร-กวัด ยามเมื่อ สองเฮาพลัด พรากแฮมฮามซ้อน
    พี่ขอวอนเถิงไท้ พระอินทราปองซ่อย แน่แหม๋
    ขอให้ ชักจ่องน่าว สองเฮาให้ฮ่วมกัน พี่นี้หากตั้งต่อน้อง
    ตรงเที่ยงเป็นสัตย์ ขอให้ สายแนนฮัด ฮ่วมสองเสนห์ซ้อน
    พี่จัก วอนเอาน้อง นางแพงเทียมผ่าง ปฏิบัติแนบข้าง
    เตียงมุ้งม่านเดียว เจ้าผู้ศรีเสลียวสร้อย เสมอพรพรหมแต่ง พี่เอย
    อ้ายมักใคร่ขอขอดหมั้น นำน้องชั่วชีวัง พี่นี่ หวังสมสร้าง
    เสน่หาปองปลูก ทุกข์คอบว่ามาบ่ได้ กลัวน้องบ่ปากนำ
    พี่นี้ ฮักยิ่งล้ำ เสมอหินถมแผ่น คันบ่สมเพชอ้าย
    อิดูหน้าหุ่นพลอย ย้านแต่ เหลือแฮงห้าม หัวใจม้างมุ่นทะลาย แหล่ว
    ขอให้ ใจน้องหล่า นางน้องซ่อยปอง แน่ถ่อน โอน้อ..ให้ซ่อยปักซ่อยป้อง
    ดับโศกละลายทุกข์ พี่นี่ อย่าได้ เมินตาเฉย บ่คะนิงหวนฮู้
    พี่ เทียมดังนาวาน้อย ลอยนทีกลางแก่ง
    มีแต่ ฟองฟาดเบื้อง สิจมหมิ่งแค่วัง
    ขอให้ นงนางน้อย หลิงดูยามยาก ต้านตอบถ้อย
    ผอวนอ้ายผู้อยู่คอย แด่ถ้อน พี่ กะหวังทราบข้อ
    ไขต่อกระแสสาร ขอให้ ภิญโญญาณ สอดแสวงเถิงอ้าย
    พี่หมาย มาเป็นข้า ทาสาแสนชาติ ให้นาง ไขวาทเบื้อง ผญาฮู้ส่องญาณ แม่เด้อ
    แยงไป ก้ำฝ่ายบ้าน ภูมิถิ่นดินสถิต อดให้ ยอแยงคิด
    ใคร่กระแสสารอ้าย อย่าให้ เสียสูญฮ้าง ฮามชมสารสวาท
    พี่สิ คอยอ่านเอื้อม แยงสิ่งหล่ำสาร เจ้าผู้ จันทร์เพ็ญแจ้ง
    ปุณณมีเพ็งภาคย์ แม่นสิ ลำบากบ้าง อย่าลืมโต้ตอบสาร พี่เดอ
    ปล.อ่านแล้วหม่วนดี กะเลยเอามาฝากพี่น้องบ้านมหาฯ(บอร์ดผญา)
    ลองเบิ่งสังวาสสำบัดสำนวนชวนอุปมาอุปไมยใสแจ้งสว่างตา(ตีความ)
    นักผญาหลายๆท่านกะหายหน้าหายตากันไป..แม้แต่.จขกท.เองอารมณ์ศิลปินกะบ่ค่อยเกิดปานได๋ครับช่วงนี้

    เครดิต:http://www.luangpee.net
    http://www.isan.clubs.chula.ac.th
    ที่มา จุฬาคลับ



  2. #2
    Moderators สัญลักษณ์ของ สหายพง
    วันที่สมัคร
    Mar 2009
    ที่อยู่
    ผมมากับรถผ้าป่า
    กระทู้
    1,558
    ปราดๆๆๆๆๆๆๆๆมายาวแท้อ้ายเข้ามาอ่านอิ่มไปสองสามรอบแล้วยิ่งอ่านยิ่งเพราะ

  3. #3
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    6,363
    บล็อก
    23
    ม่วนดีค่ะ อ่านยามได๋กะยังม่วนจับใจ
    ภูมิปราชญ์บ้านเฮาเนาะคะ ..ซวดๆๆ

  4. #4
    ถึงอ่านแล้วต้องใช้เวลาทำความเข้าใจนานหน่อยแต่พอเริ่มรู้เรื่องแล้ว คือมาม่วนคักใจแท้เด้...อ้ายน้องเอ้ย

  5. #5
    ร่วมถ่ายทอดความรู้สู่สังคม สัญลักษณ์ของ หนุ่มหน้าลาว
    วันที่สมัคร
    Jan 2010
    ที่อยู่
    สระบุรี
    กระทู้
    449

    ฝึกแต่งผญาตอบจดหมายรัก

    ขอบคุณอ้ายพี ที่นำเอาผญาม่วน ๆ มาให้ได้อ่าน
    ใจฮักผญากะเลยอยากหัดแต่งโต้ตอบจดหมายฮักเพิ่นเป็นการฝึกเจ้าของไปนำ
    ขอคารวะนักปราชญ์ผู้ฮู้สุคนเด้อครับ เฒ่ายาวกับหนุ่มหน้าลาว เป็นคนรุ่นใหม่
    สำนวนอาจสิบ่คมลึกกินใจเท่ากับท่านอื่น ๆ กะขออภัยทุกท่านเด้อครับ


    ฟังรำพันขอดเกี้ยว ผอวนพี่ แปลงสาส์น พี่เอ๋ย
    ประจงหวานไขคำ ส่งถึง เฮียมน้อง
    ว่าอยากปองเสมอมั่น นำกัน พันผูก
    อยากปลูกฮักฮ่วมต้น อยากกินข้าว ฮ่วมภาชน์
    นับตั้งแต่พ้อหน้า กะหลงรูป ละเมอพักตร์... ว่าซ้าน
    ในมโนกะสันต์แด ขอดพระทัย บ่คลายกลุ้ม
    อยากมากุมมาคั้น ประทุมถัน เชยสวาท
    เทียมสังวาสคู่น้อง ปองส้วม ฮ่วมเตียง
    เจ้าผู้ศรีเสลียงเศร้า เนาทางใด๋ น้อบ้านบ่อน
    จรมาเห็น เฮียมแล้วแสร้ง เถลยเว้า ล่วงเลย แท้น้อ
    ให้เฉลยบ่อนบ้าน อ้ายนั้นอยู่ ทางใด๋
    ไผผุพาผอวนซาย มาหล่ำแนม เฮียมน้อง
    ผองพงศ์เซื้อ ซุมแซง ให้บนบอก พี่เอ้ย
    พ่อแม่พร้อม หรือใด๋อ้าย จั่งด่วนมา
    หรือมาตามประสาอ้าย ซายคะนอง ข้ามข่วง
    มาพ้อดวง นารถน้อย เลยหวังเล่น หลอกซิม ซั่นบ้อ
    พี่เอ้ย...ได้ยินคำเฉลยเว้า ซ่างมาหวาน เกินตาลปีบ แท้น้อ
    คารมจีบ บักอ้าย มัดใจน้อง อ่อนระทวย
    งงงวยนำลมลิ้น ไหลริน ปานน้ำแก่ง น้อพี่เอ้ย
    ติแถลงหลอกเย้ย เขยคำเว้า หว่านวจี
    ดารณีน้อย นางใด๋ หลงเซื่อ
    คงกรรแสงโศกเศร้า บาดยามเจ้า หล่ายลา
    บทเบื้องหน้า จักสิเที่ยง หรือหงวย
    จักสิดวน หรือหงายหลัง บ่อาจฝัง ใจได้
    เว้ากับซาย บ่เห็นหน้า ให้เซื่อเพียงวาจา ของอ้าย มาวอนเหนี่ยว ได้ฤๅ
    ใจคนคดหมื่นเคี้ยว เล็งญานจ้อง ส่องบ่เห็น ดอกพี่เอ้ย
    อันแนวเป็นญิงนี่ โบราณเพิ่น สอนสั่ง
    หน้าหรือหลัง ให้ถี่ถ้วน สมควรแล้ว กะจั่งไข
    คารมชาย มันหลายเล่ห์ เฉไฉ ซอกแซก
    ไผเซื่อไว ใจแตกร้าว เหม็นคาวกุ้ม สนั่นบาง
    เลยกลายเป็นแม่ฮ้าง ชาวเมืองเหยียด หยามหยัน
    คนบ่ทันเคยเห็นกัน บ่อาจวาง ใจได้
    ขอยืดไปให้มันเนิ่น เวลาให้ตรองใตร่ ก่อนเด้อ
    ตอบไวไวว่าฮักอ้าย ตอนนี้ หากบ่ควร พี่เอ้ย
    ธุจ้าธุจ้าธุจ้า

  6. #6
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    6,363
    บล็อก
    23
    สุดยอดค่ะ ตอบได่ม่วนคือกันค่ะ
    คนรุ่นใหม่แต่ว่าแต่งได่ขั้นเทพอยู่เด้อจ้า

  7. #7
    ดูแลตรวจสอบเนื้อหา สัญลักษณ์ของ pcalibration
    วันที่สมัคร
    Nov 2008
    ที่อยู่
    เมืองฉะเชิงเทรา(แปดริ้ว)
    กระทู้
    1,991
    บล็อก
    1
    สุดยอดสุดยอดครับ..หนุ่มหน้าลาวกับเฒ่ายาว
    ภาษาย่อมเป็นวรรณศิลป์เมื่อศิลปินรังสรรค์
    :l-:l-:l-:l-:l-:l-:l-:l-:l-:l-:l-:l-:l-

  8. #8
    อ๊ะป๊าด คือมวนแท้จ้า อยากเว่านำเผิ่นเด้เนาะ คือเว่าบ่อเป็นน้อผญานิ

  9. #9
    ร่วมถ่ายทอดความรู้สู่สังคม สัญลักษณ์ของ ทิดจ่อย
    วันที่สมัคร
    Apr 2009
    กระทู้
    773
    สานอันนี้ ซื่อว่าสานไซไว้ ถ่าใส่ปลาเข็งน้อย ยามฝนมาน้ำท่วมท่ง
    พร้อมทังสานกระด้ง เอาไว้ถ้าตากปลา อิ อิ อิ โอ้ย! บ่อมีหยังเว้ากะให้แจม
    นำแหน่เดออ้ายพีกะดาย

  10. #10
    พี่เอ๊ย สาร์นอันนี้ สารจากคนไกล
    ใจประสงค์ อวนชาย จั่งมายมาหาอ้าย
    คิดเบิ่งดู๋ ทางที่ไกลแสนเยิ้น เดินทางบ่ดั้นฮอด
    นางกะขอด ผ้าป้อม จดหมายก้อม ส่งพี่ชาย
    คึดฮอดตาข้างซ้าย ชายวาดไวหลิง
    คึดฮอดคิง แพงฮัก ห่อคำเกินเบ้า
    คึดฮอดคำชายเว้า หลงละไมในฮูป
    แสนสิจูบ ฮูปเจ้าบ่คือก้ำ ฝ่ายคิง
    ญิงนี้เกิดมาได้ ในสกล กายทีป
    บ่มีหลีบ บ่อนกอ บ่มีข้อบ่อนต้น แต่หวังซ้น อ้ายผุเดียว..นี่แหล่ว
    ยามใด๋คึดฮอดอ้าย ตาสอดแลหา
    แต่บ่สมไอรัก สาวอุบล กะรอเก้อ
    หวังสิเจอหน้าอ้าย จดหมายมา ย้านเป็นอื่น
    สาวได้บืน ข้ามบ้าน ส่งสารให้ อีพ่อคุณ..............ลองม่วนๆนำจักบทเด้อจร้า

Tags for this Thread

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •