บ่าวฮำแหล่กินข้าวผู้เดียว..(น่าเหลือโตน)
เลยไปซอกตู้เย็น..พ้อปลาส้มกับหมูติดมันอยู่หน่อยนึง
เอามานึ่งใส่กัน...คือสิแซ่บ
เลย..เฮ็ดนึ่งปลาส้มใส่หมูติดมัน หอมๆ มันๆ แซ่บๆ
มาฝากอ้ายน้องบ้านมหากันคับ...
ซอยติชมพ่อครัวมือใหม่แหน่เด้อค้าบ..:l-
เครื่องปรุงหลักๆ.. กะมีปลาส้มปลาจีนต่อนหนึ่ง หมูติดมันต่อนหนึ่ง
หั่นปลาส้มเป็นชิ้นใหญ่ๆ หน่อยเด้อ หั่นหมู่ติดมันให้พอคำ.....
ไข่หนึ่งฟอง...
เครื่องหอม..กะมีหอมแดงซอยหยาบๆ หัวสิงไค ใบบักกรูด บักเขือเทศ
พริกสดทุบ อย่างละนิดละหน่อย..บ่ ต้องหลาย ทุบๆ ซอยๆ ฉีกๆ ใส่ลงไป
ผักรองใต้เนื้อปลาหมู..เท่าที่หาได้เป็นต้นหอม (ในตู้เย็นมีแค่นั้น หุๆ)
เครื่องปรุงรส..ซีอิ้วขาว ผงนัว นิดเดียวพอ
คลุกๆ เคล้าๆ.....ปลาส้ม หมูติดมัน เครื่องปรุงให้เข้ากันดี
เอาต้นหอมใส่ลงถ้วยที่จะนึ่ง...เทปล้าส้มหมูติดมันลงไป..
ตอกไข่ลงไป...(บ่ ต้องคนเด้อคับ..) ยกไปนึ่ง 20 นาทีค้าบ..
สุกแล้ว...นึ่งปลาส้มหมูติดมัน มันๆ หอมๆ แซ่บๆ
สไตล์ บ่าวฮำแหล่ พ่อครัวมือใหม่....
มาเด้อ..มากินข้าวนำกันอ้ายน้องบ้านมหา
ขอบคุณเวปบ้านมหาหลายๆ นำค้าบผม..
อ้างข้อความนี้
กระทู้ต้นฉบับโดยคุณ สาวเมืองยศ
Bookmarks