แถ่น แืทน แท้น....นั่นก็คือ บ้านพระยาดุลย์ ค่ะ จากพัทยา ไปทางสัตหีบ ประมาณ 15 กม.
ตั้งอยู่ กม.161 เยื้องทางเข้าวัดญาณ ฯ
เป็นหยังคือเสนอหม่องหนี่
-ค่าเช่าถูก มีบ้านพักให้พร้อม พี่น้องมากะบ่ต้องไปหาเช่าโรงแรมให้ยุ่งยาก
มีสนามหญ้าให้จัดงานเลี้ยงสังสรรค์ กว้างขวาง ละครหลายเรื่องไปถ่ายหม่องหนี่
ล่าสุด เรื่องอุบัติเหตุจ้า
-เป็นสถานที่ส่วนตัว ซอดแจ้งได้ บ่รบกวนไผ...
งานพาแลงพึ่งเลิกราไป คือหาหม่องไว้ เร็วแท้..
-มันบ่ค่อยว่าง ต้องจองล่วงหน้าข้ามปีวาซ้าน ต้องมัดจำเงินไว้นำเด้อ
ปี 2554 หลานสาวเช่าสถานที่แต่งงาน ค่าเช่า หนึ่งหมื่นบาท จ้า
ตอนนี้อาจสิเพิ่มแต่คงสิบ่เกินหมื่นห้า มีบ้านสองชั้นอายุกะสิหลายปียุดอก
ชั้นบนมี 3 ห้องนอนพร้อมแอร์ ห้องน้ำในตัวทุกห้อง มี 1ห้องโถง
ชั้นล่างเป็นโถงโล่งแต่มีผนังตรงกลางห้อง มีห้องน้ำรวม 1ห้อง ชั้นบนกะให้ผุยาผุยิงนอน
รวมกัน ไป ชั้นล่างผู้ซายนอนเรียงกันคือหมอนรถไฟไปโลดได้เป็นร้อย โถงบนกะนอนได้จ้า
ตอนหลานแต่งงานญาติมาจากต่างจังหวัดกะนอนจั่งซี้
ภาพล่างนี้ขออนุญาตเจ้าของภาพหน่อยนะคะ จากในเน็ตค่ะ
ภาพต่อไปข้างล่างเป็นของไผ่หวานเองค่ะ บ่ได้ตั้งใจถ่ายสถานที่ปานได๋ อิิอิ
หาเบิ่งในเน็ตเอาเด้อจ้าพี่น้องหลายยุ บ่อยากเอาของเพิ่นมาลง
เดินลงมาเล่นน้ำทะเลได้จ้า
มีสะพานให้บ่าวจัยลงไปซิดเบ็ดได้ อิอิ
ลานข้างหลังหม่องจัดงาน ข้างขวาของภาพสิเป็นบ้านพักจ้า
ในบ้านประมาณนี้ หลังกำแพงด้านซ้าย เป็นโถงโล่งคือกันจ้า
ให้เบิ่งวิวเด้อ อย่าเบิ่งคน อิอิ
ภายในบ้าน มีรูปนี้จ้า เห็นภาพรวมหลายกว่าหมู่
เปิดโตลูกชายจักหน่อย
ใกล้สถานที่ท่องเที่ยวหลายหม่อง ถือโอกาสพาครอบครัวมาเที่ยวนำจ้า
ลองเปลี่ยนบรรยากาศ ฝากไว้พิจารณาอีกหม่องค่ะ
โอ้ย บางรูปกะใหญ่โพด ขอโทษหลาย ๆจ้า
ขอบคุณจ้า
Bookmarks