บ่าวฮำแหล่ กลับบ้านปีใหม่...
ไปซ่องเบิ่งเฮือนไม้หลังเก่า
ปลวกกินเิบิ่ดทั้งหลัง...จนเฮือนเพแล้ว
กะเลยอยากเฮ็ดเฮือน..แบบบ้านปูน หลังน้อยๆ..
จั๊กหลัง ให้เฒ่าแม่อยู่... เพิ่นอยู่ผู้เีดียวเฒ่าพ่อเสียโดนแล้ว
แต่...กะมีหลานๆ มานอนเป็นหมู่.. กินข้าวกินน้ำกับน้าๆ หลาน
พี่น้องหลายอยู่....
ผมชวนเฒ่าแม่มาอยู่ ขอนแก่นนำ เพิ่นกะบ่ ยอมมา...
คั่นเพิ่นมา..ผมสิซื้อบ้านหลังใหม่ เืผื่อเพิ่น ...
ในเมื่อเพิ่นบ่ มา เฮือนเก่ากะปลวกเจาะจนเพ...
ผมกะเลยอยากเฮ็ดเฮือนให้ใหม่....
อยากได้เป็นเฮือนปูน หลังน้อยๆ โล่งๆ อยู่สบายๆ
จัก 2 ห้องนอน (ครัว ห้องน้ำ แยก นอกโตบ้านแบบคนอีสาน)
งบจัก 3-4แสน หน้าบ้านกะของามๆ เป็นตาเบิ่งแหน่จักหน่อย..
ข้างใน เน้นโล่งๆ อยู่สบายๆ....วัสดุ ก็บ่ ต้องเกรดเอกะได่ เอาพออยู่พอเซากะพอ..
อ้ายเอื้อย ไผ๋เคยเฮ็ดเฮือน...
ซ่อยชี้แนะ ให้ความเห็นแหน่..ว่าผมควรสิเฮ็ดแบบได๋ คับ...
ขอบคุณหลายๆ เด้อคับ..
ขอบคุณเวปบ้านมหานำพร้อม..:*-
Bookmarks