หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 20

หัวข้อ: อ่อมเอี่ยน สูตรทางยโสธร

  1. #1
    แบ่งปันความรู้และประสบการณ์ สัญลักษณ์ของ หยก ยโสธร
    วันที่สมัคร
    Jan 2013
    ที่อยู่
    ซ.ลาซาล บ้านเกิด อ.คำเขื่อนแก้ว
    กระทู้
    185

    อ่อมเอี่ยน สูตรทางยโสธร


    สืบเนื่องจากเมือยามบ้านเอาบุญเดือนสามหว่างหั่น พี่น้องทางบ้านเพินกะหาแนวกินบ้านเฮามาต้อน กะเลยได้ฮูปมาสู่พี่น้องบ้านมหาเฮาเบิ่งครับ

    หมู่หลายคนยุหม่องเฮ็ดงานเห็นรูปแล้วย่านวาซั่น ย่อนวาทางบ้านผมเพินอ่อมเบิดโตเลย แบบบ่ต้องหั่น อ่อมเอี่ยน สูตรทางยโสธร

    ได้เอี่ยนมาแล้วกะจัดการทำให้เสียชีวิตเลยครับ แล้วกะคัวเอาพุงมันออก จากนั้นกะทุปตามกระดูกสันหลัง ให้กระดูกมันหัก ยามอ่อมสุกแล้วมันจั่งสิเป็นตากิน
    แต่กะมีบางคนเพินบ่คัวพุงมันออกเด้ เพินว่าเลือดมันออกเบิด ยามอ่อมน้ำมันสิบ่ข้น พะนะ


    อ่อมเอี่ยน สูตรทางยโสธร

    แล้วๆกะล้างให้สะอาด เอาใส่หม้อ

    อ่อมเอี่ยน สูตรทางยโสธร

    ตำเครื่องอ่อมใส่ครับ พริกแห้ง กระเทียม หอมแดง หัวซิงไค ใบบักกรูด เกลือนำหน่อยนึง
    ให้เครื่องหลายๆไว้เป็นดีเด้อครับ จั่งสิบ่คาว
    ได้เครื่องแล้วกะตักใส่หม้อ ปรุงรสด้วยนำปลา ซูรส น้ำปลาแดกจักหน่อย ยกขึ้นตั้งไฟเลย ขั่วแบบยังบ่ต้องใส่น้ำ ระหว่างขั่วกะหยอดบัก 2 ซาวลงนำจักเป็กใหญ่ๆ แก้คาว


    อ่อมเอี่ยน สูตรทางยโสธร

    อ่อมเอี่ยน สูตรทางยโสธร

    เมื่อเนื้อเอี่ยนเริ่มพุ จั่งเติมน้ำลงไป เอาบักขามเปียกใส่นำ บ่ต้องหลาย พอส้มนิดๆกะพอ
    ต้มต่อไปจ่นว่าเปื่อยพุ่นล่ะ


    อ่อมเอี่ยน สูตรทางยโสธร

    อ่อมเอี่ยน สูตรทางยโสธร

    พอเอี่ยนเปื่อยดีแล้ว กะหั่นผักล้างใส่อ่อมเลยครับ ผักโหระพา ต้นหอม ถ้ามีผักใส่ (มะระขี้นก) นำแฮงสิคัก แต่ผมหาบ่ได้

    อ่อมเอี่ยน สูตรทางยโสธร

    อ่อมเอี่ยน สูตรทางยโสธร

    พอผักสุก กะซิมเบิ่ง ขาดหยังกะเติมเอา ถ้าแซบแล้วกะตักใส่ถ้วยเสริพได้เลยครับ
    เป็นกับแล้มกะดี กับข้าวกะแซบ


    อ่อมเอี่ยน สูตรทางยโสธร

    อ่อมเอี่ยน สูตรทางยโสธร

    บาดสุกแล้ว กะบ่เป็นตาย่านปานได๋ดอก สำหรับผุที่บ่เคยเห็นอ่อมแบบเบิดโตกะดาย อ่อมเอี่ยน สูตรทางยโสธร

    มาครับกินอ่อมเอี่ยนแซบๆนำกัน
    ขอบคุณบ้านมหา สำหรับพื้นที่นำเสนอ เล็กๆน้อยๆ จากทีมงานครับ :,1-
    แก้ไขครั้งสุดท้ายโดย หยก ยโสธร; 05-03-2013 at 23:12. เหตุผล: ภาพไม่ขึ้น

  2. #2
    แบ่งปันความรู้และประสบการณ์ สัญลักษณ์ของ ณัฐ ภูไท
    วันที่สมัคร
    Apr 2012
    กระทู้
    845
    เป็นตะแซ่บยุดอกบ่าวหยกออ่มเอี่ยนโตใหย่คักเนาะ สำหรับผุเพิ้นมักกินกะว่าสุดยอดเลยน้ออาหารชุดนี้แต่สว่นผมกะบ่เคยกินมาแต่นอ้ยกะเลยบ่จักความแซ่บของเอี่ยนน้อครับก็น่ากินยุครับ

  3. #3
    ผู้ช่วยผู้ใหญ่บ้านมหา
    Mr.Reception
    สัญลักษณ์ของ คนตระการ...
    วันที่สมัคร
    Feb 2008
    กระทู้
    4,728
    ป้าด คือหลายแท่ คือสิกินกันวงใหญ่เนาะ..

  4. #4
    ฝ่ายบริหารระดับสูง สัญลักษณ์ของ พล พระยาแล
    วันที่สมัคร
    Mar 2008
    กระทู้
    6,940
    ป๊าดดดดดดดดดดดด อยากเด้บาดเนี่ยบ่ได้กินดนแล้ว

    เคยกินแต่ต้มงูปลาครับ เมาเหล้าขาวนึกว่าเอี่ยนซั่นดอก...555

  5. #5
    แบ่งปันความรู้และประสบการณ์ สัญลักษณ์ของ บ่าวฮำแหล่
    วันที่สมัคร
    Feb 2013
    ที่อยู่
    ขอนแก่น..สะริน
    กระทู้
    48
    บล็อก
    1
    คักแท้.... กด Like คับ......:l-

  6. #6
    ร่วมกิจกรรมนำความรู้ สัญลักษณ์ของ เซียนเมา
    วันที่สมัคร
    Jun 2009
    ที่อยู่
    Suratthani
    กระทู้
    1,703
    บรึ๋ย!บ่ค่อยกล้าปานได๋ครับผุข้ากะดาย(นอกจากเมาคักๆก่อน)
    ถ้าผัดเผ็ดหือว่าแกงคั่วแบบแห้งๆสู้บ่ถอยเลยครับ(แต่ต้องฟาดจักสองโบกก่อนเป็นอย่างน้อยจั่งสิแซบ)
    :l-

  7. #7
    แบ่งปันความรู้และประสบการณ์ สัญลักษณ์ของ คนภูหลวง
    วันที่สมัคร
    Feb 2010
    ที่อยู่
    เมืองเลย
    กระทู้
    378
    โอ้ว...... สุดยอดเลยบ่าวหยก หาตะแนวแซบล่อน้ำลายเนาะ "ระหว่างขั่วกะหยอดบัก 2 ซาวลงนำจักเป็กใหญ่ๆ แก้คาว" อั่นนี้ยังบ่เคลียร์แม่นใส่หม้อหรือใส่ปากพ่อครัว

  8. #8
    ศึกษาหาความรู้ สัญลักษณ์ของ kamatep
    วันที่สมัคร
    May 2009
    กระทู้
    154
    สุดยอดซี้นแม่นหมา สุดยอดปลาแม่นเอี่ยน เด้อนางเดอๆตึ้งๆ

  9. #9
    Membership renewed สัญลักษณ์ของ siranee
    วันที่สมัคร
    Jul 2008
    ที่อยู่
    ลาดกระบัง54(วัดศรีวารีน้อย)
    กระทู้
    986
    ตอนสุกแล้วกะเป็นตาแซบอยู่ดอกคะแต่ตอนอ่อมคือเป็นตาย้านแท้ข่อยละขนคิงลุก
    เว้าแล้วกะขอชิมนำจักคำแน่เด้อคะซงสินัวอยู่ :l-

  10. #10
    ป้าดดดดเป็นตาซด ข้าวเหนียวตามเบิงเด้ อ่อมเป็นโต คักกั่วต้มเปรตเอาโลด

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •