หน้าที่ 1 จากทั้งหมด 2 หน้า 12 หน้าสุดท้ายหน้าสุดท้าย
กำลังแสดงผล 1 ถึง 10 จากทั้งหมด 14

หัวข้อ: พะแนงไก่..ในวันลูกเมือบ้าน

  1. #1

    พะแนงไก่..ในวันลูกเมือบ้าน


    มือนี้เฮาพากันไปรับน้องพิมอยู่สถานีรถไฟ Ronkonkoma จ้า
    แม่พวงพะยอมเลยไปจ่ายตลาดเตรียมแนวกินที่ลูกมัก โดนๆเทือลูกสิได้เมือบ้าน
    อยากกินหยังแม่เฮ็ดพอได้จ้า ปกติโพสต์แต่อาหารอีสาน มื้อนี้ลูกว่าอยากกินพะแนงไก่จ้า
    มาฮอดบ้านก็ค่ำมืดพอดี ลูกว่าบ่ต้องเฮ็ดหลายอย่าง มื้ออื่นลูกอยากกินก๋วยเตี๋ยวลาดหน้า ยามแลงแกงปลากับตำบักหุ่ง
    ของหวานลูกอยากกินขนมถั่วแปป บัวลอยเผือก โอ้ยอีหล่า ซังบ่ย่านอ้วนบ่ลูก แต่แม่อุตส่าห์ลาพักหนาวมาเฮ็ดแนวกินให่ลูกอีหลีจ้า แบบว่ามีควมสุขเวลาลูกได้เมือบ้าน

    เครื่องปรุงพะแนงไก่

    เนื้อไก่หั่นเป็นชิ้นๆพอคำ
    กะทิ
    พริกแกงพะแนง
    ใบมะกรูดหั่นฝอย
    พริกชี้ฟ้าแดงหั่นฝอย
    น้ำมันพืช
    น้ำปลา
    น้ำตาลปี้ป

    พะแนงไก่..ในวันลูกเมือบ้าน

    พะแนงไก่..ในวันลูกเมือบ้าน

    คำเตือน: แกงกะทิไม่ควรรับประทานบ่อยเด้อจ้า มีไขมัน มีคลอเรสเตอรอลสูงจ้า
    แก้ไขครั้งสุดท้ายโดย พวงพยอม; 14-03-2013 at 10:19. เหตุผล: เพิ่มรูปและคำเตือนจ้า

  2. #2
    น้องพิมได้เมือบ้านสองวันจ้า แม่เลยไปจ่ายตลาดเตรียมไว้จ้า ได้ไก่ปลา ผักสด เผือก ส้ม แคนตาลูป
    สิโตนลูกจ้า อยากกินหยังแม่ก่อพยายามเฮ็ดให่เป็นเกือบสุแนว บ่มีตลาดโต้รุ่งคืออยู่ร้อยเอ็ดน้อจ้า



    เครื่องปรุงพะแนงไก่



    เคี่ยวพริกแกงกับหัวกะทิจนแตกมัน





    ใส่เนื้อไก่ลงไป รอจนสุก ปรุงรสด้วยน้ำปลา น้ำตาลปี้ป ก่อนยกลงเติมกะทิที่เหลือไว้จ้า



    พักงานตอนกลางวันแม่ผัดผักใส่กุ้งกินที่บ้าน เลยเก็บไว้เผื่อ กว่าลูกจะถึงบ้านก็ดึก ได้กินกับพะแนงพอดีจ้า







    มีส้มกับแอ้ปเปิ้ลเป็นผลไม้ พรุ่งนี้ค่อยว่ากันใหม่เด้อจ้าพี่น้อง

    แก้ไขครั้งสุดท้ายโดย พวงพยอม; 14-03-2013 at 10:39.

  3. #3
    ศึกษาหาความรู้ สัญลักษณ์ของ suny
    วันที่สมัคร
    Nov 2008
    ที่อยู่
    ภูมิลำเนา มหาสารคาม ทำงาน ประจวบ
    กระทู้
    848
    แวะเข้ามาเบิ่งตอน 10.07 น. ใกล้ได้เวลาพักเที่ยงแล้ว เห็นแนวกินตอนเที่ยงละครับ พะแนงนี่ละเป็นตาแซบคัก

  4. #4
    สวัสดีจ้า

    น้องเซียงเหมี่ยงเมืองสุรินทร์ :) ดีใจน้อจ้าที่แวะมายาม มากินข้าวนำกันเด้อจ้า

    คุณ suny :) ทางพู้นเป็นมื้อเทียงวัน ทางพี้เป็นเที่ยงคืน บ่เป็นหยังน้อจ้า กินนำกันได่้หมดมื้อเด้อจ้า

  5. #5
    ศึกษาหาความรู้ สัญลักษณ์ของ lungyai1123
    วันที่สมัคร
    Oct 2008
    กระทู้
    381
    บล็อก
    63
    น่าตาอาหารน่ากินมากๆแต่กินกันแค่สองคนเองกลัวแกงจะเหลือ

  6. #6
    เจ้าหน้าที่ประชาสัมพันธ์ สัญลักษณ์ของ เซียงเหมี่ยงเมืองสุรินทร์
    วันที่สมัคร
    Dec 2008
    ที่อยู่
    สุรินทร์, ร้อยเอ็ด, และ สปป.ลาว
    กระทู้
    896
    เบิ่งเมนู น้อง ๆ สั่งแต่ละอย่าง มีแต่เมนูเด็ด ๆ ทั้งนั้นเลยครับ...
    น้อง ๆ กะโชคดี แม่เฮ็ดกับข้าวเก่งเนาะครับ ได้ยินว่าอยู่ทางเมกา หรือ ทางเมืองฝรั่ง สำหรับอาหารไทย นี่ถ้าบ่แม่นคนมีเงินอีหลี บ่ได้กินแม่นบ่ครับเอื้อย ราคาอาหารไทยในร้านอาหารเผิ่นว่าแพงคัก...

  7. #7
    แบ่งปันความรู้และประสบการณ์ สัญลักษณ์ของ commo
    วันที่สมัคร
    Aug 2007
    ที่อยู่
    สระแก้ว
    กระทู้
    447
    คึดฮอดบรรยากาศความอบอุ่นของครอบครัว กับข้าวบ่ะว่าสิเป็นอิหยังถ่าเป็นฝีมืออีแม่ เป็นอาหารที่แซ่บสุดยอด สู่มื่อหนี่อีแม่เหมิดบุญทางโลกแล้ว คึดฮอดแกงหน่อไม้ส้มใส่ซิ้น หากินหม่องได๋กะบ่แซ่บ ต่ะก่อนอีแม่เฮ็ดให่กินจ่ะแม่นมันแซ่บคัก ดึงหูบ่ออกจากหัวพุ่นแหล๋ว อิอิอิ... อาหารที่แม่เฮ็ดมันบ่ได้แซ่บเพราะรสซาติของอาหาร แต่มันแซ่บเพราะความฮักที่อีแม่ใส่เข้าไปในอาหารที่เฮ็ดนำ ความฮักความอบอุ่นที่บ่สามารถหาหม่องได๋ได้อีกในโลกนี้ แต่หาได้ในถ้วยแจ่วถ้วยน้อยๆ จากฝีมือของอีแม่ถ่อนั้น ฮักและดูแลอีแม่ให่หลายๆ สำหรับผู่ที่ยังมีแม่เด้อครับ...

  8. #8
    ผู้ช่วยผู้ใหญ่บ้านมหา สัญลักษณ์ของ sompoi
    วันที่สมัคร
    Mar 2007
    ที่อยู่
    japan
    กระทู้
    6,363
    บล็อก
    23
    โอ้ว กำลังคึดอยากกินพะแนงหมูอยู่พอดีค่ะพี่ มาเปิดเจอพอดี
    ขอบคุณสำหรับสูตรค่ะ
    ปล. นางหล้ากินเป็นตาแซบเนาะจ้า คือสิชื่นใจดนๆได้กินอาหารไทยฝีมือแม่

  9. #9
    สวัสดีจ้า

    คุณลุงใหญ่ :) ที่จริงมีน้องพิมกินคนเดียว แม่ตักมานั่งเป็นหมู่ย่านลูกเหงา พ่อกับน้องกินกันแล้วแต่ห้าโมงแลงจ้า

    น้องเซียงเหมี่ยงเมืองสุรินทร์ :) ที่จริงอาหารไทยตามร้านก็แพงเป็นบางร้านจ้าแล้วแต่ทำเลที่ตั้งนำ
    เมืองที่เอื้อยอยู่บ่มีเลยจ้า บ่คืออาหารจีนที่มีทุกแห่งทุกตำบล คนมีเงินสดเมืองนี้หายากจ้าเพราะเขาใช้บัตรเครดิตกันส่วนมาก บ่คอยพกเงินสด หรือใช้บัตรเดบิตแทนเงินสด คนรวยอีหลีก่อเบิ่งยากเห็นมีแต่ผ่อนบ้านผ่อนรถคือบ้านเฮา คนรวยแท้ต้องบ่มีหนี้สินเลย มีมูลค่าทรัพย์สิน มีเงินสดในธนาคาร นักธุรกิจบางคนก่อเป็นหนี้ธนาคารเอาเงินมาหมุน ต้องจ่ายดอกเบี้ย คนที่ไปกินอาหารนอกบ้านได้หรูหราราคาแพง บางเทือก่อมานั่งจ่ายผ่อนกับบัตรเครดิตทีหลัง วัดยากว่าไผรวยไผมีเงิน เอื้อยก็บ่รวยจักเทือถ่าถึกล้อตเตอรี่อยู่จ้า

    น้องcommo :) เว่าได้โดนใจอีหลีจ้า อาหารที่แมเฮ็ดให่กิน บ่ว่าสิเป็นอีหยังก่อแซบเสมอจ้า
    เพราะมีความฮักอยู่หลายจนสัมผัสได้น้อจ้า

    น้องsompoi :) สูตรเอื้อยเฮ็ดอาจบ่ถูกต้องตามตำราของแท้เด้อจ้าแบบว่าเฮ็ดไปตามประสาจ้า
    มีพี่น้องเพินแนะนำมาหลังไมค์ว่าให่เอาเนื้อไก่ไปรวนก่อนจ้า บ่จั่งซั้นมันสิคือแกงเผ็ด ขอบพระคุณหลายๆเด้อจ้า พวงพะยอมสิเอาไปปรับปรุงพัฒนาต่อไปให้ถูกต้องตามตำรา มีอิหยังที่เฮ็ดบ่ถูกต้องพวงพะยอมยินดีน้อมรับมาแก้ไขด้วยความขอบคุณเด้อจ้า
    แก้ไขครั้งสุดท้ายโดย พวงพยอม; 14-03-2013 at 18:57. เหตุผล: แก้ไขคำผิดจ้า

  10. #10
    เมนูฝีมือแม่ แซบทุกเมนู อิ่มท้อง อิ่มใจ เห็นข้าวของแม่ซื้อมาเตรียมกับข้าวให้ลูกแล้วคิดถึงแม่ค่ะ
    สงกรานต์นี้จะได้กลับมั้ยน้อ T T

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •