-
Moderators
เลี้ยงลูกด้วยธรรม นำทางชีวิต
ลูกสาวสองคนของพวงพะยอมสิมักไปทำบุญ เข้าวัดเข้าวาคือแม่เล้ยจ้า แม่ก็มักคือแม่ใหญ่
สมดังสุภาษิตที่ว่า ดูช้างให้ดูหาง ดูนางให้ดูยายน้อจ้า ยามได้ไปวัดทำบุญทำทานสิมีควมสุข สงบใจหลายจ้า
หลายปีก่อนนางกับพ่อบ้านทำงานคนละเจ็ดมื้อบ่เคยหยุด พอนางได้งานไปรษณีย์มีสวัสดิการให้พนักงานลาพักแบบให้เก็บสะสมได้บ่เกิน 440 ชั่วโมง ทำงานมาได้ 5ปี 8 เดือน สะสมได้เกือบเต็มเพราะบ่ค่อยได้ใช้ ถ้าเกินเพินสิตัดท้ิงจ้า หัวหน้าว่าฟ่าวใช้ไปอยู่กับลูกและสามีแน้ก่อนสิถูกตัด ลาป่วยก็สะสมได้ 4เดือนแล้วเผื่อเฒ่าแม่ หรือสามีและลูก ป่วยสิได้ลาไปดูแลได้จ้า
ปีกลายนางพาพ่อบ้านกับลูกไปทำบุญครบทุกวันสำคัญทางศาสนานับได้ 13 ครั้ง ทดแทนที่แต่ก่อนบ่เคยได้มีโอกาสเล้ยเพราะเฮ็ดงานบ่มีมื้อหยุด นับว่าเป็นยังบุญยามเฒ่าชราน้อจ้า
อยู่ต่างแดนแสนไกลทงไกลนา มีแต่ฟ้ากับทะเลเพราะว่าเป็นเกาะ ถ่าบ่ไปทะเลก็ไปวัด พอใจกับชีวิตปัจจุบันเพราะว่าภาระยังบ่หมดสิ้น พ่อบ้านเพินว่าเดินหน้าแล้วถ่าบ่ประสบควมสำเร็จสิบ่ถอยหลัง เพินพาสู้ก็สู้นำกัน ลงเรือลำเดียวกันคอยซอยกันพายน้อจ้า สมัยอยู่บ้านเกิดก็ดีไปคนละแบบจ้า นางเป็นครู แต่ละมื้อหอบสมุดการบ้านเมือบ้านหลายร้อยเล่ม งานสอนและกิจกรรมก็หลายดีจ้า นอกจากงานราชการก็มีงานบุญสารพัด มวนดีคือกันจ้า วันหยุดเฮาพากันไปนา ไปบ้านย่า
ลงทงแฮงมวนคัก เวลาสาปลา ดำนา เกี่ยวข้าว
พาลูกเต้าไปเรียนรู้ชีวิตควมเป็นอยู่ของอีสานบ้านเฮามาตลอด นอกเหนือจากกิจกรรมของทางโรงเรียน โดยเฉพาะลูกสาวใหญ่นอกจากลงทงเลามักฟ้อนคือแม่เล้ยจ้า ตอนเป็นสาวแม่ก็ฟ้อนย้อนมักหลาย ตอนเป็นครูนอกจากสอนอังกฤษแล้วก็สอนฟ้อนรำ พาเด็กน้อยหัดฟ้อนยามมีงานเปิดกีฬาสี เป็นการสืบสานศิลปะด้านนาฏศิลป์ไทยน้อจ้า เสียดายที่บ่ได้เรียนเอกนาฏศิลป์ เพราะมีควมสุขกว่าสอนอังกฤษจ้า กับได้เป็นหัวหน้างานโภชนาการ หัวหน้างานห้องสมุดของโรงเรียนมัธยมตำบลหนึ่งในเขตจังหวัดร้อยเอ็ดจ้า
นางเลีิ้ยงลูกแบบเดินสายกลาง ให้เรียนรู้ชีวิตที่หลากหลาย บ่ยึดติดทางใดจนสุดโต่ง ปรับตัวให้เข้าได้กับทุกสถานการณ์ สิขึ้นเขาลงห้วย ลงทงนา ขี่จักรยาน ขี่เกวียน ขี่ช้าง นั่งรถสามล้อถีบ แท้กซี่ รถไฟ เครื่องบิน เว้าไทย ลาว อังกฤษ จะไปไสก็ให้เอาตัวรอด บ่ว่าสิกลางนาหรือบนเวทีนานาชาติ ด้วยหลักธรรมประจำใจ ด้วยศีลธรรมนำทางไป เพราะคนที่ขาดศีลบ่สามารถสิครองตนได้อย่างปกติสุข อาจสิบ่ได้ครบห้าข้อแต่ต้องมีบ้างน้อจ้า ตามธรรมภาษิตที่ว่า ปราชญ์พึงรักษาศีลน้อจ้า
แก้ไขครั้งสุดท้ายโดย พวงพยอม; 20-03-2013 at 07:18.
เหตุผล: แก้คำผิดจ้า
-
Moderators
อีกห้าปีทางการเพินให้มีสิทธิเออร์ลี่รีไทร์ได้หลังจากเฮ็ดครบสิบปีจ้า สิได้เมือบ้าน ไปเฮ็ดนานำกันน้อจ้าพี่น้อง ถ้าชีวิตนี้มีควมเห็นที่แตกต่างจากพี่น้อง
พวงพะยอมต้องกราบขออภัยเด้อจ้า การมองต่างมุมบางเทือก็มีประโยชน์บ่มากก็น้อยน้อจ้า เฮาคนอีสานคือกันบ่จำเป็นต้องแข่งขันกัน
คบกันด้วยน้ำใจไมตรี มีหยังก็แลกประสบการณ์นำมาเว่าสู่กันฟัง ทางชีวิตและควมคิดอาจแตกต่างแต่น้ำใจบ่เคยเหือดหายไปจากคนอีสาน บ่มีไผดีหรือเก่งกั่วกัน ทุกคนมีสิทธิเลือกทางเดินของตนเองน้่อจ้า
แต่ว่าแม่พวงพะยอมขอเลือกมาอยู่บ้านมหานำจั้กคนเด้อจ้า หน้าตาบ่งาม หุ่นบ่ให้
เฮ็ดแนวกินบ่เก่ง ขออาศัยพื้นที่ขีดเขียนตามประสานำแน้น้อจ้า แบบว่ามีควมสุขอีหลีจ้า
คงเป็นบุญนำพาให้ได้มาพบเว็บบ้านมหาอันแสนอบอุ่นน้อจ้า เฮ็ดหยังผิดพลาดไปต้องกราบขออภัยหลายๆเด้อจ้าพี่น้องทุกคน
แก้ไขครั้งสุดท้ายโดย พวงพยอม; 20-03-2013 at 07:23.
-
Moderators
-
ศึกษาหาความรู้
ทำบุญวัดวชิร นิวยอร์ค ตั้วนิ
-
Moderators
สวัสดีจ้าคุณsangaunchai
แมนอยู่จ้า วัดวชิรธรรมปทีป นิวยอร์ค อยู่ใกล้บ้าน ขับรถไป40นาทีจ้า
-
Moderators
ขอบคุณน้องดิ้งและคุณลุงใหญ่ที่เข้ามาอ่านเด้อจ้า
แก้ไขครั้งสุดท้ายโดย พวงพยอม; 20-03-2013 at 07:13.
-
ดูแลตรวจสอบเนื้อหา
ความงดงามในวิถีวัฒธรรม กำลังถูกเลือนหายไปกับกระแสโลกสมัยใหม่(โลกาภิวัฒน์)
-
Moderators
สวัสดีจ้าคุณpcalibration
ขอบคุณที่แวะมายามเด้อจ้า
แก้ไขครั้งสุดท้ายโดย พวงพยอม; 22-03-2013 at 21:53.
เหตุผล: แก้คำผิดจ้า
-
เจ้าหน้าที่ประชาสัมพันธ์
ถือว่าน้องพิม น้องฝน มีบุญ วาสนาดีเนาะครับ ที่ได้มาเกิดเป็นลูกของแม่พวงพยอม กับ พ่อเผิ่น ที่นอกจากจะให้วิชาความฮู้ ทางโลกอย่างดีเลิศ แล้ว ทางด้านจิตใจยังขัดเกลา ปลูกฝังศีลธรรมไปนำ ชีวิตข้างหน้า น้องสองคน กะน่าจะเป็น คนเก่ง คนดี ของสังคมเนาะครับ...
-
Moderators
สวัสดีจ้าน้องเซียงเหมี่ยง
บ่ปานนั้นดอกจ้า เอื้อยเป็นคนบ่ร่ำรวย แต่อยากให้ลูกได้ดีมีความสุขคือพ่อแม่ทุกคนน้อจ้า
กฎการส่งข้อความ
- You may not post new threads
- You may not post replies
- You may not post attachments
- You may not edit your posts
-
กฎฟอรั่ม
Bookmarks