ปลาแห้งแดดเดียวกับแจ่วปลาย่าง
ช่วงเข้าหน้าฝน เป็นช่วงข้าวในนา ปลาในน้ำ ช่วงนี้มีปลาหลายจนเกินความต้องการ จึงมีวิธีการถนอมอาหารตามภูมิปัญญาของชาวอิสาน คือ ทำปลาร้า ปลาตากแห้ง ปลารมควัน เพื่อสิได้เก็บปลาไว้กินได้นานขึ้นค่ะ
ไปร้านเอเชีย เห็นปลาคล้ายๆปลาบ้านเฮา ทางอเมริกาเอิ้นว่า White Base รสคือปลาขาวสร้อยทางบ้านเฮาค่ะ กะจะเอามาทำปลาส้มคือน้องสาวหนองคายแนะนำ แต่บ่ทันทิ้งปลาข้ามคืนในตู้เย็นบ่สด เลยเอามาทำปลาแห้งแทนค่ะ พอดีช่วงนี้ทางบ้านขะน้อยอากาศเริ่มอุ่น เหมาะแก่การตากแห้ง เพราะบ่มีแมลงใดๆมารบกวนอาหารค่ะ
ส่วนประกอบ
ก็บ่มีหยังหลายค่ะ มีแค่ปลา กับเกลือ
วิธีการ
ทำความสะอาด ขอดเกล็ดปลา
ผ่าหลังไปจนถึงหาง เอาใส้ออก ล้างให้สะอาด หมักเกลืออย่างน้อย 1 ช.ม. ก็ค่อยเอามาตากแดด แดด 1 วัน ก็เป็นปลาแดดเดียวค่ะ
ส่วนถ้าอยากเก็บให้นานต้องตากจนแห้งสนิท เก็บไว้จะได้บ่ขึ้นราค่ะ ส่วนขะน้อยมักแบบปลาแดดเดียวคือปลาบ่แห้งหลายความนุ่มของเนื้อปลายังมี ทอดกินกับแจ่วปลาย่าง ผักลวก แซบหลายเอาสเต็กมาแลกก็บ่เอา ฮ่าๆๆ
Bookmarks