กำลังแสดงผล 1 ถึง 9 จากทั้งหมด 9

หัวข้อ: บันทึกการเดินทาง "บ้านเหียง สปป.ลาว"

  1. #1
    แบ่งปันความรู้และประสบการณ์ สัญลักษณ์ของ หลอดปอดป่อง
    วันที่สมัคร
    Jun 2012
    ที่อยู่
    สุดเขตชายแดน
    กระทู้
    209

    บันทึกการเดินทาง "บ้านเหียง สปป.ลาว"


    ก่อนอื่นต้องสวัสดีชาวบ้านมหาก่อนน้อครับ เนื่องจากว่า วันที่ 29 ที่ผ่านมา ผมได้มีโอกาสไปเยี่ยมประเทศเพื่อนบ้านของเฮาครับ

    นั่นกะคือ "บ้านเหียง ประเทศลาว" พอดีว่าบ้านเหียง ได้จัดบุญเดือน ๔ ขึ้นครับ พี่น้องชาวไทยเฮาที่อยู่ใกล้ๆกับชายแดน เผิ่นกะลงไปทุกปี

    ในปีนี้ ผมกะเลยถือโอกาสไปเยี่ยมชมเบิ่งครับ สำหรับการเดินทางกะออกจาก"ช่องตาอู" (ติดเขต อําเภอบุณฑริก จังหวัดอุบลราชธานี ) เดินมาขึ้นรถโดยสาร ระยะทางจากช่องตาอู - บ้านเหียง

    กะประมาณ 10 กิโล กว่าๆ ผมกะเอา 55 ค่าเฮ็ด passport แม่นบ่ครับ ผมกะบ่มั่นใจ กะคนละ 100 บาท

    คนที่เคยไปปีที่แล้ว เขาบอกว่าแค่ 20 บาท ค่ารถกะ 20 บาทคือกัน เอาเป็นว่าผมเล่าด้วยภาพเลยน้อครับ กล้องบ่ได้เอาไปนำครับ เนื่องจากอยู่ช่องตาอู จนท เผิ่นบ่ให้ถ่ายรูป

    กะเลยบ่มั่นใจว่า ถ้าเอาไปบ้านเหียงนำ สิถ่ายได้บ่ กฎหมายบ้านเมืองทางพู้นกะจักเป็นแนวได๋น้อครับ เกิดว่าไปถ่ายรูป สุ่มสี่สุ่มห้า ละถืกจับ ถืกยึดกล้องขึ้นมา

    มันกะบ่คุ้มกัน ภาพจากกล้องเด็กมือถือเด็กน้อยล่ะครับ ชัดบ่ชัดกะทนเบิ่งเอาเด้อครับ

    แผนที่พอคร่าวๆครับ
    บันทึกการเดินทาง "บ้านเหียง สปป.ลาว"

    -เริ่มจากขึ้นรถอยู่ที่ช่องตาอูครับ รถกะสภาพอย่างที่เห็น เป็นรถคันน้อยๆครับ ผมนั่งหลังคา ช่วงแรกลงเขาล้วนๆครับ ย่านกะย่าน
    แต่พอลงจากเขาแล้วกะขำอย่างแฮงครับ แบบว่านั่งรถคันน้อยๆ เก่าๆ ได้นั่งหลังคา ทางกะทางแดง ไง่กู่นๆๆ ฟังหมอลำลาวไปนำ ได้อารมณ์สุดๆครับ อิๆๆ

    บันทึกการเดินทาง "บ้านเหียง สปป.ลาว"

    บันทึกการเดินทาง "บ้านเหียง สปป.ลาว"

    หลังจากนั้นอีกบ่โดน กะมาฮอดแล้วครับ บ้านเหียง ลักษณะของเฮือน กะยังเป็นเฮือนไม้อยู่ครับ ทางเป็นทางลูกรังครับ

    บันทึกการเดินทาง "บ้านเหียง สปป.ลาว"

    ซักฮูปแหน่

    บันทึกการเดินทาง "บ้านเหียง สปป.ลาว"

    ทางเจ้าภาพเผิ่นกะต้อนรับด้วย ลาบเนื้อ ต้มเนื้อ ครับ แต่ผมบ่กล้ากิน ถ้าว่ารังเกียจกะบ่แม่นครับ คือบ่ค่อยสะอาด แมงวันเขียวกะตอมคั้กคัก แค่เป็นห่วงสุขภาพจะของครับ กะเลยไปหากิน "เฝ๋อ" ครับ (เฝ๋อ คือ ก๋วยเตี๋ยว บ้านเฮาครับเผื่อมีคนยังบ่ฮู้)
    ถามร้านแรกถ้วยละ 40 โอ้วว แพงแฮง ร้านที่ 2 พอฟัง ถ้วยละ 30 แต่กะผิดหวังหลายๆ เฝ๋อใส่ปลาหมึกครับ ถั่วกะบ่มี
    อีกเรื่องหนึ่งที่ผมอยากเว่าให้ฟังกะคือ น้ำแพงแฮงครับ เนื่องจากว่า ร้านค้าแถวนั้น ต้องข้ามฝั่งมาซื้อของจากฝั่งไทย ละเอาไปขายอยู่หั่นอีก

    โออิชิ ขวดละ 35 บาท
    สปอนเซอร์ 20 บาท
    Big Cola 25 บาท

    แพงบ่ครับ แต่น้ำผมเบิดเกือบ 200

    พอตกกลางคืนกะเลาะเที่ยวงานครับ มีหมอลำคณะใหญ่ พร้อมด้วยลำวง แต่ผมยอมรับว่า งานเขาใหญ่กว่าบุญบ้านแถวๆบ้านผมอีหลี มีของขายทั่วๆไป

    เสื้อผ้าแพงกว่าบ้านเฮาหลายๆครับ การละเล่นไฮโล กุ้งไก่ เต็มทีบครับ

    บันทึกการเดินทาง "บ้านเหียง สปป.ลาว"

    บันทึกการเดินทาง "บ้านเหียง สปป.ลาว"

    -ฮ้านหมอลำครับ นั่งเบิ่งคาวนึง เริ่มอยากนอนครับ เป็นลำเรื่อง ต่อกลอน

    บันทึกการเดินทาง "บ้านเหียง สปป.ลาว"

    บันทึกการเดินทาง "บ้านเหียง สปป.ลาว"

    กะเลยมาเบิ่งรำวงต่อ ซื้อโต๊ะนั่งกินเบย โต๊ะละ 700 บาท ได้เบยลังนึง กะน้ำแข็งถุงนึง เก้าอี้โตละ 15 บาท แก้วน้ำ แก้วละ 10 บาท :b-b
    เป็นได๋ครับราคา เพลงที่เขาเล่นกะมีแต่เพลงลูกทุ่งบ้านเฮานี่ล่ะครับ ส่วนเรื่องตีกัน กะบ่ค่อยมีให้เห็น แต่ผมกะเกือบโดน พอดีนั่งเฝ้ากระเป๋าให้หลานๆ
    โต๊ะข้างหลังผม ถืกขวดฟาดหัวแตก ผมกะเลยเซาม่วน แต่ตามคำเว่าของคนแถวนั่น ส่วนมากการทะเลาะวิวาท สิมีแต่คนไทยครับ ไทยมาตีคนลาว ละกะไทยตีกับไทย
    สรุปแล้วเบิดคืน มีแค่เหตุการณ์เดียวครับ นอกนั้นกะเต้นกันจนซอดแจ้งพู้นล่ะครับ ผมเยาเลย 55

    -รำวงครับ

    บันทึกการเดินทาง "บ้านเหียง สปป.ลาว"

    บันทึกการเดินทาง "บ้านเหียง สปป.ลาว"

    -จากนั้นกะเดินทางกลับบ้านครับกันครับ บ่ได้นอนเลย 6 โ มงมาถ่ารถอยู่ทางเข้าบ้าน ถ่าบ่โดนรถกะมาครับ สถาพรถตามรูปครับ อิๆ โดนใจผมหลาย

    บันทึกการเดินทาง "บ้านเหียง สปป.ลาว"

    -พอใกล้ฮอดช่องตาอู กะเป็นทางขึ้นเขาล่ะครับ ด้วยสภาำำพรถที่บ่เอื้ออำนวย สุดท้ายกะได้ซุกตามระเบียบครับ

    บันทึกการเดินทาง "บ้านเหียง สปป.ลาว"

    ไง่ขนาด มาฮอดบ้าน หัวแดงเบิด 55 บันทึกการเดินทาง "บ้านเหียง สปป.ลาว"

    บันทึกการเดินทาง "บ้านเหียง สปป.ลาว"

    ในที่สุดกะมาฮอดประเทศไทยแล้วครับ มีแฮงหลาย ปีหน้าฟ้าใหม่ ค่อยว่ากันอีกเทื่อนึง หลายๆคนกะสิหลาบยุว่าจัก

    บันทึกการเดินทาง "บ้านเหียง สปป.ลาว"


    สิ่งที่ผมเห็นได้ชัดเจนที่สุดกะคือ อาหารการกินของเขา ยังหล้าหลังยุหลาย รวมไปถึงคุณภาพชีวิต บางสิ่งบางอย่างยังบ่ถูกสุขลักษณะยุ

    เด็ด !! แต่พวงมาลัยรถนี่ล่ะครับ เฮ็ดผมขนลุกเลย เห็นรถที่แล่นผ่าน

    แนมไปบ่เห็นคนขับ ผมตกใจ นึกว่าผีหลอก ที่ไหนได้ คนขับนั่งยุข้างซ้ายพู้นๆ

    สุดท้ายผมกะต้องขออภัย หากอ่านแล้วสับสนแหน่ หรือเนื้อหาอาจจะยาว รูปกะบ่หลาย แต่กะต้องขอขอบคุณเด้อครับ ที่หลงเข้ามาอ่าน 55 :*-
    แก้ไขครั้งสุดท้ายโดย หลอดปอดป่อง; 01-04-2013 at 11:17.

  2. #2
    ผู้ช่วยผู้ใหญ่บ้านมหา
    Mr.Reception
    สัญลักษณ์ของ คนตระการ...
    วันที่สมัคร
    Feb 2008
    กระทู้
    4,728
    อ้างถึง
    เป็นได๋ครับราคา เพลงที่เขาเล่นกะมีแต่เพลงลูกทุ่งบ้านเฮานี่ล่ะครับ ส่วนเรื่องตีกัน กะบ่ค่อยมีให้เห็น แต่ผมกะเกือบโดน พอดีนั่งเฝ้ากระเป๋าให้หลานๆ
    โต๊ะข้างหลังผม ถืกขวดฟาดหัวแตก ผมกะเลยเซาม่วน แต่ตามคำเว่าของคนแถวนั่น ส่วนมากการทะเลาะวิวาท สิมีแต่คนไทยครับ ไทยมาตีคนลาว ละกะไทยตีกับไทย
    สรุปแล้วเบิดคืน มีแค่เหตุการณ์เดียวครับ นอกนั้นกะเต้นกันจนซอดแจ้งพู้นล่ะครับ ผมเยาเลย 55


    คนไทยเนาะ ..หรือว่าเพิ่นสิไปเผยแพร่ศิลปะมวยไทย ไห่ทั่วอาเซี่ยน 5555

    ช่องตาอู ตอนนี้การทำมาค้าขาย เศษฐกิจกำลังดี เพิ่นว่า คนบ้านผมกะไปค้าขาย แยกไปจากที่เดิมช่องเม็ก ผมกะอย่าไปสัมผัสอยู่คือกัน ..

  3. #3
    ท่องเวบ สัญลักษณ์ของ pui.lab
    วันที่สมัคร
    Jul 2006
    ที่อยู่
    โสดไม่มีใครเอา หรือว่าเราไม่เอาใคร
    กระทู้
    10,172
    บล็อก
    9
    อ่านไป เหมือนอยู่ในเหตุการณ์นำน้อง ม่วนๆ 55555555

  4. #4
    แบ่งปันความรู้และประสบการณ์ สัญลักษณ์ของ ณัฐ ภูไท
    วันที่สมัคร
    Apr 2012
    กระทู้
    845
    ทรรมดาหละเนาะไปทางที่ยังกันดานยุบ่ขึ้นไปเที่ยวทางที่หลวงพระบาง วังเวียงพุ้นทางพุ้นน่าเที่ยวหลายอันนี้เจ้าไปงานบุญเนาะกะสิมีการตีกันให่เห็นตามงานบุญบ่ว่าอยู่ใสฝั่งไทยกะมีให่ได้เห็นสุงานถ้าหากมีหมอลำกะเป็นเรื่องแถวบ้านกะมีคือกันยุ

  5. #5
    แบ่งปันความรู้และประสบการณ์ สัญลักษณ์ของ กะทิสด
    วันที่สมัคร
    Mar 2010
    กระทู้
    432
    ...อ่านแร่วปานตะของได่ไปยุในเหตูการณ์ แมะ ขอบคุณครับบบ

  6. #6
    ศึกษาหาความรู้ สัญลักษณ์ของ คนจนผู้ยิ่งใหญ่
    วันที่สมัคร
    Apr 2012
    ที่อยู่
    สารคามคือหม่องอยู่
    กระทู้
    260
    ไหง่เข้าปากเบิ่ดแล้ว เป็นตะม่วนยุ

  7. #7
    ร่วมถ่ายทอดความรู้สู่สังคม สัญลักษณ์ของ ไผ่หวาน
    วันที่สมัคร
    Jun 2009
    ที่อยู่
    PATTAYA CITY
    กระทู้
    770
    บล็อก
    14
    อ่านไป กะนั่งหัวไปนำ พากันไปเที่ยว ปานไปผจญภัยเนาะค่ะ..

  8. #8
    55555 นี่ละเมืองนอกของกินสั่งนำเข้า..แต่กะเป้นแบบบ้านๆสมัยบ้านเฮายังบ่เจริญกะคือกันนี่ละ..เทื่อหน้าไปยามฝนเด้อวิวจั่งงาม..

  9. #9
    ศึกษาหาความรู้ สัญลักษณ์ของ teerapat
    วันที่สมัคร
    May 2010
    กระทู้
    177
    อยากไปเด้เนาะคือสิม่วนหลาย ทางนั้นคือสิผู้สาวหลาย

กฎการส่งข้อความ

  • You may not post new threads
  • You may not post replies
  • You may not post attachments
  • You may not edit your posts
  •