สวัสดีครับ กลับบ้านสารคามไปทอดผ้าป่าสงกรานต์หลายมื้อเลยบ่ได้พ้อหน้าพี่หน้าอ้ายชาวบ้านมหา

มื้อนี่เอาเมนูแซบต้มไก่ใส่ใบเค็งมาฝากครับ

ต้มไก่ตามแบบฉบับอีสานบ้านเฮากะมีหลายสูตร ต้มไก่โจ้นโตใหญ่ๆ ซิ้นหยาบๆ

ต้มไก่ใส่ใบขามอ่อน ใส่ใบซา ใบมอน ใบส้มลม ส้มเสี่ยว กระเจี๊ยบ หรือสิไปลักไก่มาต้ม โอ้ยสารพัด


ต้มไก่บ้านใส่ใบเค็ง

ต้นเค็ง หมากเค็ง (ลูกหยีเล็ก)


ต้มไก่บ้านใส่ใบเค็ง

ต้นเค็งผลิใบ ป่งใบ ยามสงกรานต์เดือนห้า


ต้มไก่บ้านใส่ใบเค็ง

ต้มยำไก่บ้านตามปกติครับ ใส่น้ำหลายๆ ต้องต้มโดนจักหน่อย
ไก่โจ้นแล้งบ่มีข้าวกิน อีพ่อคัวให้สามสี่โตอัดน้ำแข็งมามาจากบ้าน


ต้มไก่บ้านใส่ใบเค็ง

ใบเค็งกะเก็บมานำ เลือกใบแก่ออก ล้างน้ำ มัดเป็นปุ้ม


ต้มไก่บ้านใส่ใบเค็ง

หลบไปหลบมาน้ำกะสิแห้งหม้อ
บ่เป็นหยัง ใส่ใบเค็งลงไปเลย ปรุงรสแบบได๋กะแซบถ้ามีใบเค็ง
ใส่หน่อยสิบ่ส้ม แต่ใส่หลายปานได๋กะบ่ส้มคือกัน มีแต่นัวอย่างเดียวครับ


ต้มไก่บ้านใส่ใบเค็ง

เป็นเมนูที่ผมมักที่สุดรองจากต้มน้องงัว ต้มงูสิงใบขามอ่อน ต้มไก่ใส่ซา แล้วกะนี่ละครับ "ต้มไก่ใส่ใบเค็ง"


ต้มไก่บ้านใส่ใบเค็ง

มาซดต้มไก่นำกันพี่น้อง จ้ำปลาแดกบองกับส้มผักก่าม อ้ายกับน้อง พากันมาซ่อมเฮียนน้ำท่วมให้ครับ





ขอบคุณบ้านมหา