ธุจ้า สวัสดีปีใหม่ไทย หลังเทศกาลสงกรานต์ผ่านไป บางหม่องกะยังมีงานไหล ให้ได้เล่นน้ำพอได้ชุ่มเย็น ได้อีก คือ จั่งทางงานไหลพัทยา
แต่บางส่วนกะเดินทางกลับบ้านเกิด หาพ่อแม่ พี่น้อง โตขะน้อยเองกะได้ กลับเมือยามบ้านสีเกด คือกัน ทั้งเมื่อยรถทั้งเมื่อยแดดเพราะ เดินทางยามกลางเวน
เยาไปตามๆกัน แต่กะสุขใจยามได้เมือบ้านสุเทื่อ แต่ก่อนแฮ่งเมือฮอดยามเช้ากลับ กทม.ตอนแลงกะมี เพราะงานบังคับและความจำเป็นมันเรียกร้อง
มื้อนี้ มีของมาฝากจากสีเกด..เป็นผักป่าพื้นบ้าน บางหม่องบางพื้นที่ กะเอิ้นไปบ่คือกัน หลายคนกะบ่รู้จัก เพราะบ่ได้เกิดใกล้ๆป่าเลี้ยงงัวคือ ขะน้อย แต่ก่อนนี้ ไปเลี้ยงงัวในป่า กะหาเก็บยอดอ่อนติดมือใส่ถุงพาย เมือบ้านนำยามแลงๆเอามาห่อใบตองหมกไฟหอมๆ กินกับป่น แซบสุดยอด
แต่ตอนนั้นบ่คึดว่ามันจะดับแนว หายากคือ สุมื้หยังกะดาย หย่างเตะทิ่มนำกะมี เห็นแล้วกะบ่ยาก แนวคึดพุ้นละ พิซซ่าในโฆษณาโทรทัศน์ เป็นตาแซบ ว่าซั่น...ไก่ทอดกรอบนุ่มๆหอมๆ จั่งแม่นเป็นตาแซบกั่วไก่บ้านปิ้งแห้งๆ บ่นุ่มบ่หยัง คึดไปพุ้น แต่ เดียวนี้ ของกินในโฆษณา หรือ จะสู้ ของกินแบบบ้านๆ บ้านนอกบ้านนา
โชคดี ที่ได้แนว ต้นผักอิทก กำพร้ามาปลูกไว้แต่เหิงๆกะบ่ฮู้ อยู่ฮิมสระหลังบ้าน ตอนแรกพ่อว่าจะ ตัดทิ่มมันฮก แต่ ขะน้อยขอไว้ แต่ต้นบักตาขบ พ่อยังหามาปลูกไว้ย้านดับแนว ต้นผักอิทกกะคือกัน อย่าตัดมันทิ่ม เอาไว้ กินยอด มัน
ถึงกะปอมจะหายาก แต่ ผักอิทกยังคงอยู่ ...สโแกน เพราะว่า แต่ก่อน มันของคู่กัน หมกยอดอิทก กับ ก้อยกะปอมใส่บักม่วงน้อย
กำลังป่งยอดอ่อนๆพอดีหมก
จุ้มนี้สุดท้ายกะบ่รอดมือขี้เหล้า...เมาเหล้า แต่มาถอนเหล้าสาโท จักว่า ไผ๋พาเผ็ด หย่างแอวอ่อนๆ คนถือกะโอเหล้า ย้านเหล้าเหี่ยน พะนะ ฮ๋าๆๆๆ
กะโอ(ขัน) นี้ละ โตต้นเหตุ
พักเบรค ไปเลือก ปลาซิวกับกุ้ง ก่อน ปีนี้ฝนแล้งปลาสระบ่ค่อยมี ได้หลายแต่ปลาซิวกับกุ้ง...จั่งพ้อกันใหม่ สวัสดีสีเกด:*-
Bookmarks