"แก่นตะวัน"บานที่สีเกด

[นู๋น้อย]

เผลอแปบเดียว จากเดือนตุลาคม ปี 2555 ได้เอา เง้าหรือ หัวแก่นตะวัน ที่เป็นเศษ น้อยๆ
จากการทดลองปลูกในกระถาง ที่ชลบุรี เอาไปทดลองปลูกไว้แกมสวนครัวสวนบักพริกหลังบ้าน

จากเศษเล็กๆน้อยๆปนะมาณกำมือหนึ่ง ปลูกทิ่มไว้ ได้ แปลน้อยๆ ยาว 2 เมตรน่าจะได้ สองเดือนผ่านไป แม่โทรมาบอกว่า ต้นอิหยังที่เอามาปลูกไว้ ออกดอกงามๆ

ยายเผิ่นตื่นเต้น เห็นดอกสีเหลืองสดใสงามๆ กะเลยว่า ยาดีแม่ อีกเดือนกั่วๆ พอดอกเริ่มแห้ง แม่กะถอนต้นเอาหัวมาลองกินเบิ่งเด้อ
เศษๆน้อยๆมันกะ เอาปลูก ทิ่มไว้ให้อีกแหน่ ได้ท่อได๋กะเอา
....จากนั้นมาอีก เดือนหนึ่งกั่วๆ แม่โทรมาบอกอีกว่า บ่เคยเห็น ต้นอิหยังแปลกปลาหรดแท้ หัวคือขิง แต่แตกออกคือ ถั่วดิน พะนะ
กะเลยให้เผิ่นล้างน้ำลองซิมหัวสดๆเบิ่ง ......

"

แม่...เอ่อ มันอธิบายบ่ถืกว่ารสชาตแนวใด๋ แต่ แซบตั๋วละ เฮ็ดใด๋กินได้อีกแหน่

ลูกสาว...เฮ็ดกินได้หลายอย่าง อยู่ แต่ กินสดๆละดีที่สุด ยารักษาความดันแม่กินได้

แม่...โอ่ มันเป็นยาติ แม่จะปลูกไว้หลายๆซั่น

ลูกสาว...เศษ น้อยๆกะ เสียบไว้ มันเกิดง่าย ปลูกได้สุดิน เด้อแม่

"

....จากนั้นมา อีก ทั้งยากเวียกยากงาน สารพัด ยายกะบ่ค่อยได้ไปไฮ่ เพราะเกี่ยวข้าวแล้วกะยากตำฮูก(ทอผ้าไหม)

จนว่า ใกล้สงกรานต์ ได้ข่าวอีกว่า ต้นยาออกดอกแล้วเด้อนาง มีแต่คนถาม ดอกอิหยังมางามแท้ พะนะ หน้าบายเลยคนปลูก

และแล้ว สงกรานต์กะมาถึง ได้เมือไป สำรวจเบิ่งผลงาน ของท่านแม่ ปลูกได้หลายกั่วที่คิดไว้อีก



สำเร็จ ไปอีก ขั้น ต่อไปกะ ขยายไว้หลายๆเพื่อแผ่ไปหา หมูน้อยๆ ที่แล่นเล่นยุในคอกพวกนินำ เพื่อหมูน้อยๆจะได้มีสุขภาพที่ดีแข็งแรง ต้านทานต่อโรค



เพราะได้ข้อมูลจาก คุณหมอผู้ศึกษามาอย่างดี (คุณหมอเซียงสีผีเป้า) ว่า แก่นตะวันส่อยในเรื่องระบบลำไส้ของหมูน้อยได้ดี(ข้อมูลจากภาควิชาเกษตรศาสตร์มหาวิทยาลัยขอนแก่น)
และยังส่อยลดกลิ่นเหม็นของมูลสัตว์ และข้อมูลกะยังบอกอีกว่า ไก่ กะ ทดลองได้ผลมาแล้ว แก่นตะวันจะไปส่อยลดการสะสมของไขมันได้
ต่อไปกะจะมี ไก่ไร้ไขมัน ฮ่าๆๆ โปรดติดตามตอนต่อไป

เนื่องจากสภาพอากาศและน้ำบ่ท่อกัน แก่นตะวันกะ เติบโตบ่ทันกันกะมี ซุมยังน้อยกะ เจริญรอยตามกันไปตามลำดับ



และ อีกรุ่น กะ ดอกบานเต็มที่แล้ว



จากที่สังเกตุ ทั้งการปลูกในกระถาง อยู่เมืองชล กับ ปลูงลงดินอยู่สีเกด แก่นตะวันจะมักดินแบบร่วนปนทราย จะให้ผลผลิตดี หัวใหญ่และ แตกแหนงออกหลาย
ถึงแม้ต้นจะบ่ใหญ่ แต่ ให้เบิ่งที่หัว ยามเก็บเกี่ยว



แก่นตะวันจะมีอายุครบเก็บเกี่ยวได้ ตอนอายุได้ 180 มื้อ หรือ สี่เดือน แต่ต้องเบิ่งว่า ลำต้นและดอกแห้งรึยัง
สารอาหารทั้งเบิ้ดจะถูกนำไปสะสมไว้อยู่ที่หัว นั้นละ จั่งจะมีประโยชน์สูงสุด

โปรดติดตามตอนต่อไป... ว่าแก่นตะวันจากในสวนหลังบ้านจะกรายมาเป็น ไร่แก่นตะวัน จะต้องใช้เวลาจักเดือน จักปี

ความสุขเล็กๆน้อยๆที่ได้ ทำ ได้ทดลองผิดลองถูก วันนี้เริ่ม ออกดอกออกผลให้เห็นแล้ว
:*- บ้านมหาที่เอื้อเฟื้อพื้นที่บางส่วนให้ได้นำเสนอ
:*- ขอบคุณ แม่และพ่อ ที่ ส่อยฮดน้ำ และ เอาแกรบมาโฮยหน้าดินให้ ไคตั๋วบ่ไปเอาขี้หมูมาใส่ให้พะนะ บ่ๆ บ่ต้องบำรุงหยัง แค่ฮดน้ำให้กะพอ สองสามมื้อฮดเทื่อกะได้ แต่อย่าปล่อยให้แห้งตายก่อน หมูน้อยๆจะได้กินเด้อ ... ขะน้อย สั่งความแม่กับพ่อไว้เป็นนัยๆว่าขอร้องให้ดูแลให้แหน่ ฮ๋าๆๆ