อ้างข้อความนี้คักหลายครับอ้ายคนภูหลวงไปบ้านยามได๋ได้แต่ของแซ่บๆๆมาให่เบิ่งมีความสุขนำน้อครับเห็นแล้วกะดีใจนำที่พ่อแม่เพิ้นกะยังแข็งแรงอยู่กับลูกกับหลานน้อครับ
ได้เดินทางวันที่ 12 เมษายน ล้อหมุนออกจากบางปะกงเวลา 08.00 น. ถึงเมืองเลยบ้านสี่โมงแลงหน่อยๆ รถบ่หลายปานใด๋ทำความเร็วได้โดยมี Fan club (แม่บ้านขับ)
แอบถ่ายตอนถนนโล่ง คันแม่นขับเองปานนี้ถึกจ่มคัก แค่เกินร้อยสิบขึ้นมาหน่อยๆ กะจ่มแล้ว
พี่เขยกับพี่ชายเตรียมแนวกินไว้ถ่า ปิ้งหนูกับลาบเหนียวปลาปาก (ตะเพียน) พร้อมกับ 037
เช้าวันที่ 13 รวมญาติรดน้ำขอพรเฒ่าพ่อเฒ่าแม่ ตกมาปีนี้อายุ 75 ปีแล้วแต่ยังแข็งแรงเฮ้ดสวนผักเต็มตาฝังน้ำเลยคือเก่า
ถ่ายรูปหมู่ลูกๆ หลานๆ และเหลน ขาดแต่พี่ชายคนกลางอยู่อยุธยาผุเดียวบ่ได้กลับ
เฒ่าพ่อพาไปเอาปลาซิวอยู่นามาก้อยใส่มดแดง
ได้ปูมาทอดแกล้มฮวงข้าวพร้อม
มาๆ กินเข่างายกับเฒ่าพ่อ หยังกินหลายอย่างเติบ
พาเด็กๆ ไปเล่นน้ำ
ผู้เฒ่ากะพากันม่วนเฝ้า
น้ากอน้องซายหล่าเฒ่าแม่เลาเอาหนูกับตุ่นมาฝาก ไปใส่แฮ้วเอาอยู่ทางภูหลวงรอยต่อกับเพชรบูรณ์
ตัวตุ่นครับกำลังวซิลาบตุ่น เดี๋ยวเอาไว้ต่อภาค 2 ครับ มื้อนี้อ้ายพจน์เลานัดประชุมใต้ห่มหม่วง ฟ้าวไปประชุมก่อน
ต้องขออภัยฝ่ายบริหารเว็บบ้านมหาที่บ่ได้เบลอภาพบักเหลาเหล็ก
ขอขอบคุณเว็บบ้านมหาที่ให้พื้นที่ในการนำเสนอครับ
คักหลายครับอ้ายคนภูหลวงไปบ้านยามได๋ได้แต่ของแซ่บๆๆมาให่เบิ่งมีความสุขนำน้อครับเห็นแล้วกะดีใจนำที่พ่อแม่เพิ้นกะยังแข็งแรงอยู่กับลูกกับหลานน้อครับ
สุดยอดเลย!!! ปีหน้าให้น้องไปนำแนเด้ออ้ายอี๊ด
สิไปทาแป้งสาวเลย :b-b:b-b
แนวกินหลายคักเนาะอ้าย
เฒ่าพ่อเพิ่น70กว่าละติครับ คือจั่งเห็นเป็น40ซั่นดอก....ฮ่าๆๆๆ
เห็นแนวกินมีตะแนวเป็นตาแซบ แมนแท้ก้อยปลาซิวเนาะครับ :b-b
ผมฮอดบ่ได้กลับเลยครับ สิแมนบุญบั้งไฟเดือนหกพุ่นล่ะ จั่งสิได้เมือยามเฒ่าพ่ออีก
เมือดู๋กะบ่ได้ครับ ค่ารถป่งนำบ่ทัน
เห็นเลขไมล์ป้าด ขับเครื่องบินหรือขับรถครับ คือซิเร็วหลายคักเนาะ ระมัดระวังนำเด้อคับพี่น้อง ส่วนบรรกาศตามภาพคือซิมวนหลายเนาะคับ
:b-b:b-bสงกรานต์ปีนี้ได้ทำกิจกรรมครบทุกเรื่องเลยเนาะปีหน้าสิไปนำเด้อ
ได่เบิ่งรูปแล้ว กะมีแฮงใจนำครับ พ่อผมจากไปแล้วสิบกว่าปี เหลือแต่แม่
อิสานบ้านเฮาบ่เคยอึดยากแนวกิน มีแต่แนวแซบๆครับ โดยเฉพาะคั่วตุ่นใส่บักหุ่ง
กินแกล้มกับ 40 เข้ากันคักปานหยัง
กรี๊ดดด สุดยอดครับ บรรยากาศอีสานบ้านเฮา แนวอยู่แนวกิน......
บ่ต้องเบลอกะได้ดอกครับ แนวแทงแล้วเฮ็ดเบลอ ๆ เบิ่งบ่แซบปานใด๋....
เอาแบบบ่ต้องเซ็นเซอร์ล่ะจั่งค่อยได้อารมณ์....
เว่าพื่นเรื่องแนวเฮ็ดแนวอยู่แนวกินซั่นดอก....555
เป็นตาอิจฉาเนาะ(ซุมใหญ่เติบ)
ครอบครัวอบอุ่นพร้อมเพรียงเฮียงหน่า
พ่อแม่พี่ป้าน้าอาลูกหลานเหลนหล่อน
กฎการส่งข้อความ
