ก้อยกุ้ง เขียดอีโม้ทอด

[หนุ่มลาวสาวขะแมร์]

เมนูสงกรานต์ แม่สาวขะแมร์เตรียมไว้ให้ลูกในมื้อที่เดินทางไปฮอด
เขียดอีโม่ทอดกับก้อยกุ้ง นำมาสู่พี่น้องเบิ่งครับ





เขียดอีโม้ทอด เขียดอีโม้พ่อไปซื้อที่ตลาดชายแดนเขมร ทางบ้านกรวด สายโทหรือสายหกนี่ละครับ
ทางกรุงเทพฯ ข่าวเรื่องเขาพระวิหาร แต่พี่น้องไทย-เขมร ตามตลาดชายแดนยังชื้อขายของกันปกติ
เขียดโม้เป็นยังมีชีวิตโลละหกสิบบาท สู่มื้อนี่ทางบ้านผมหาเบิดมื้อกะบ่ได้พอหมกน้อย
ข้อควรระวังจากประสบการณ์ เขียดโม้ทอดมักสิเค็มครับ ซื้อโตแห้งมากะเค็ม มาเฮ็ดเองกะเค็ม ทั้งที่ใส่เกลือบ่หลาย





ก้อยกุ้งฝีมือแม่สาวขะแมร์(แม่ยาย) แซบครับ ว่าสิกินให้เบิ้ดกะบ่เบิ้ด ซดไปเคิ่งถ้วยอิ่มก่อน


หลบพยาธิพ้อสารพิษ หลบสารพิษเจอพยาธิ ในเมื่อบ่มีทางเลือกกะบ่ต้องไปหลบมัน นวนมันเลยครับพี่น้อง ขอแซบไว้ก่อน