แกงไก่ย่างใส่บักฮุ่ง(แกงไก่ย่างใส่มะละกอ)

[นู๋น้อย]

:,1- เมนูดัดแปลง จาก ของเหลือในตู้เย็น

แกงไก่ย่างใส่บักฮุ่ง ดัดแปลงมาจากแกงไก่ใส่ฟัก แต่ใช้บักฮุ่งแทน



เครื่องปรุง ตามที่ หาได้ในครัว เพราะซื้อปิ้งไก่ไว้ตอนเช้า เที่ยงกะบ่ได้กิน ได้กลับเอามากินแลง เลยเปลี่ยนเป็นเมนูแกง ซดน้ำซะเลย

ผักอิตู กับ ผักชีลาว ซื้อไว้แต่ มื้อก่อน แบบเหี่ยวๆ บักฮุ่งขอคะเจ้ามาแต่โรงงาน ปาหยัดดี



ก่อนอื่น ฝาน บักฮุ่ง เป็นต่อนใหญ่ๆหนาๆ คึดพ้อ แต่น้อยๆเคยกิน แม่แกงใส่ฮวก ให้กิน แซบแบบบ้านนอกๆ



บักพริก กับ หัวหอม ทุบเอา บ่มีครก



น้องไก่ กะ แกะ ฉีกเป็นต่อนๆ



บักฮุ่งเริ่มสุก ใส่ทุกอย่างลงไป ยกเว้นผักชีกับ หอมผักตู่ ปรุงรส น้ำปลาแดก เกลือ ผงชูรส ใส่บักขามเปียกนิด1



พอหม้อเดือดแล้ว ซิมรสก่อน ใส่ผักลงไปเป็น ขั้นตอนสุดท้าย



ส่ำนี้กะได้แกง มาซดฮ้อนๆ แทนที่จะกิน ไก่ย่างแห้งๆ เหนียวๆ เพระามันจะข้ามมื้อละ



เป็นกับข้าวกะได้ กับแกล้มกะดี ยามบ่มี ทางเลือก



:b-b:b-b สำหรับวันหยุด พักผ่อน :*-:*-

[jinnawat90]

ขอกินนำแนเด้อครับ คงซิแซ่บคักน้อ

[เซียนเมา]

โอ...เจอเชฟตัวจริงคัก เมนูดัดแปลงบ่เคยลอง แต่คิดว่าแซบแน่ๆ

[ฅนไร้หัวใจ]

เมนูตามใจฉัน มันต้องแซ่บ :b-b

[หลอดปอดป่อง]

เป็นตาแซบคัก ใส่บักหุ่งกะเด็ดคือกัน บ้านผมกะใส่กันประจำ

[พ่อใหญ่เซียงเบ้า]

ตั้งแต่เกิดมา นี่กะเป็นเถือแรกที่พ่อใหญ่เซียงเบ้าฮู้ว่ามีเมนูอาหารแบบนี้ในโลก
แต่กะบ่เป็นหยังย้อนว่าเป็นตาแซบอีหลี ถึงแม้ว่าเซลล์สิบ่ได่ชวนซิมกะซ่าง 555

[นู๋น้อย]

พ่อใหญ่ ทางสีเกด กินแกงบักฮุ่ง มาแต่น้อยๆ เท่าที่จำควมได้ จ้า แม่นแท้ แกงยุเถียงนายาม ฝนใหม่ดำนา ขึ้นกินข้าวเที่ยง ส่อนฮวกมาได้กะ ฝานบักฮุ่งละแกงใส่ แนวมันอึดผัก ยามนั้น กินตามสภาพ 55555


:*-:*- ทุกคำติชมจ้า

[lungyai1123]

นี่กะต้องเรียกว่ามีฝีในมือแท่ๆๆเน๊าะนู๋น้อยเยี่ยมในการพัฒนาสูตรไปใหม่เรื่อยลุงใหญ่ขขขขอยกนิ้วให้เลยซวดดดดดดดดดด

[หนุ่มลาวสาวขะแมร์]

ใส่ผักซีลาวแล้วต้องแซบอย่างเดียวครับพี่น้อง บักฮุ่งเหิ่มแกงใส่อีปูมันๆใส่ผักซีลาวแม่นบ่ครับเอื้อยนู๋น้อย

[นู๋น้อย]

แม่นๆๆ ผักชีลาวกับ อิปูนาน้อย มันของ เข้ากัน ดีแท้


ลุงใหญ่ :*- ปรับปรุงดัดแปลง ตาม สภาพความเป็นอยู่