วันหยุดไปตึกแหทางอยุธยา กับทีมงานนั่งยังโหง่ย หากินหมาน

[บ่าวจัย]

ช่วงวันหยุดวันอาทิตย์ที่28เมษา ที่ผ่านได้นัดอ้ายดุลย์ อ้ายเอ๋ อ้ายหมวดเหลือง อ้ายชายกลาง ทีมงานนั่งยังโหง่ยมีเพื่อนผม นัน และน้องฟิว นัดกันสิไปหากินปิ้งปลา ไปหามุดน้ำเล่นมาครบกันแล้วเดินทางสู่บางประอิน

ตัดบทตอนมาฮอดหม่องสิเล่นน้ำเลยเนาะครับ พากันเฮ็ดหม่องซ้นฮ่ม หลบแดด

ได้ฮ่มแล้วกะลงน้ำไล่ปลา มีอ้ายชายกลาง อ้ายเอ๋ นัน และผม

ซอยกันไล่ ปลาสิได้ไปกองกันยุในดางกัดเฮา



อ้ายหมวดเหลืองยุเถิ่งโคกกะเลยได้ปิ้งปลาให้หมู่กิน



ใส่จานพร้อมเสริฟ เอิ้นพี่น้องพวกยุในน้ำมากิน มันสิเย็นก่อน





กุ้งแม่น้ำกะได้คือกัน โตบักใหญ่ คนได้กินหัว คนคัวกินโตมันคือคำเพิ่นเว่าอิหลี555

อ้ายหมวดเพิ่นใส่เหล็กย่าง เลยเก็บภาพบางส่วน



ปลาค่อใหญ่กะได้คือกันเด้อ บ่แม่นสิหมานแต่กุ้ง

มาเด้อกินข้าวเที่ยงนำกัน พักยกแรก กินเสร็จลุยต่ออีกยกค่อยเมือบ้าน

และนี้คือปลารวมสำหรับทริปนี้ คนอยู่เถิ่งโคกให้ถ่ายรูปให้กะบ่ได้ย่อน คาตะกางฮ่มย้านผิวดำพะน่ะ
เลยบ่ค่อยมีภาพมาลง ฝากอ้ายดุลย์เอาภาพมาเสริมแนเด้อครับ


ปลากดโตแรกของทริป โตนี้แล่นมามุดข้างตรีนของผมตอนกางดางกัด จับเอาด้วยมือเปล่า
ขอบคุณสมาชิก และผู้ที่เข้ามาค่อยติดตามชมทุกคนครับ ที่สำคัญพื้นที่ลงกระทู้ บ้านมหาดอทคอมแหล่งพบปะพูดคุยคนบ้านเฮา ขอบคุณอ้ายบ่าวคนเดิม เว๊ปมาสเตอร์