มากินป่นปลาทูกับบักเขือขื่นเด้อพี่น้อง

[พล พระยาแล]

ปกติเป็นมักเฮ็ดแนวอยู่แนวกินอยู่แล้ว โดยเฉพาะอาหารการกินแบบอีสานบ้านเฮา แต่บ่ได้เอามาโพสต์ เพราะการโพสต์กระทู้อาหารต้องใช้เวลา และพิถีพิถัน ขอชื่นชมพวกเฮาที่มาตั้งกระทู้เกี่ยวกับเรื่องอาหารการกิน

มื่อนี่แนวกินแลงกะคือป่นปลาทู อาหารง่าย ๆ แต่อุดมไปด้วยสารอาหาร ดีกว่าอาหารประเภทจั๊งฟูดส์ทั้งหลายแน่นอน ส่วนวิธีการทำบ่ต้องอธิบายหลาย ขอลัดขั้นตอนปานหมอลำหมู่ก่อนบาดเนี่ย



นึ่งข้าวเหนียวซะก่อนเด้อพี่น้อง



ทางอีสานบ้านเฮาเอิ้นว่า "ส่ายข้าว" เฮ็ดให้มันเบิ๊ดไอ สิได้บ่เมียก



ยัดใส่กระติบข้าวซะก่อน ยัดใส่จนพูน เพราะหากระติบอันหนึ่งบ่พ้อ



ปาดบักเขือขื่นเฮ็ดเป็นคำ ๆ ไน (เมล็ด) มาคือหลายเป็นตาเป็นหนิ่วแถะล่ะ



เอาไปล้างในตระแกรง สิเอาไนไปเฮ็ดแนวซั่นดอก



ได้ไนมันแล้วกะเอาไปตากแดดให้แห้งห่อไว้ถ่าเอาไปหว่านเอาเบี้ยมันไปปลูกเด้อ



ได้แล้วบาดเนี่ยแนวกินกับป่นปลาทู



ต้มปลาทูใส่หม้อปลาแดก



ตักออกมาใส่ถ้วย สิได้แกะเนื้อปลาทูออกง่าย ๆ



ตำกระเทียม 2 กลีบ พอให้หอม ใส่หลายกั่วนั้นสิกลายเป็นขิวไป ตักพริกป่น ถ้าเป็นพริกที่เฮาขั่วเองใหม่ ฮังดีหลาย หอมฮวย ๆ โลดแหล่ว ถ้าใส่บักพริกดิบ สิต้องต้มใส่พร้อมหม้อปลาแดก หรือสิปิ้งบักพริก หอมแดง กระเทียมกะแล้วแต่ผู้มัก แต่นานได้กินโพด ที่ขาดบ่ได้กะคือผงนัว (ผงชูรส) เด้อ ใส่พอให้นัว อย่าใส่หลาย มันสิสะวายท้อง (ปุ้นท้อง) มันสิฮาก



ล้างไม้ล้างมือมาบาดเนี่ย แนวกินแล้ว ๆ

[พวงพยอม]

ปั้นข้าวเหนียวเป็นตากินคือซูชิอาหารญี่ปุ่นน้อจ้า

[ณัฐ ภูไท]

อะป๊าดข้าวเหนียวแมะพูนกะติ๊บพะน่าญาอ้ายพล พระยาแลจํ้านำแหน่ป่นปลา 2กินกับหมากเขือขึ่นคักปานหยังแหล่วทั่นเอ้ยอาหารแนวป่นๆๆแจ่วๆนี้กินได้สุยามให่กรี๊ดๆๆๆๆๆคักๆๆๆๆแหน่น้อญาอ้ายแซ่บๆๆๆ:b-b:b-b:*-:*-:*-

[คนไกลเติบ]

กินนําแนจ้า เป็นตาแซ่บฮ่าย

[พล พระยาแล]

กินข้าวคำใหญ่หลาย เพิ่นกะสิว่ากินโป่มซั่นล่ะครับ ฮ่า ๆ ๆ

[siranee]

หิวข้าวเลยบาดนิ เป็นตาแซบแท้จ้าอ้ายพล

[อ้ายเซียง]

อั่นๆ หัวปลากับตาปลาทู คือเลมกินเบิดแล่วล่ะเนาะ อ้าย 55555

[lungyai1123]

อ้ายพลพระยาแล......แนวกินบ่อึดบ่อยาก.ลาบก้อยซอยแซกะเป็นตาแซบกะบ่หามากิน.
หือว่าอันนี่มันเป็นอาหารผุสูงวัยเกาะหละ.สวเน๊าะเอ้อแมนยุดอกอาหารอ่อนๆถ้า
เป็นเนื้อสัตว์มันคือสิหยาบบาดได๋.55555

[พล พระยาแล]

กินบ่คือผุเถ่าทางระยองดอก มักกินของอ่อน ๆ ย่อนแข่วบ่มี ....555

[pcalibration]

เปิดกระทู้นี้ขึ้นมามันทำให้นึกถึงอะไรหลายอย่าง
วิถีแห่งวัฒนธรรมการกินอยู่ในแบบพื้นบ้านอีสาน
บ่งบอกถึงตัวตน ของคนเจ้าของกระทู้ได้เป็นอย่างดีทีเดียว
สมถะ อุสาหะ วิริยะ ในท่ามกลางกระแสสังคมบริโภคนิยม บล็อกป่าคอนกรีต.555
เทียบกันไม่ได้กับอาหารฝรั่งญี่ปุ่นเมื่อพูดถึงราคา แต่เรื่องคุณค่าในทางโภชนาการคงต้องพิสูจน์
ยุคนี้ผู้คนหันมาเน้นเรื่องสุขภาพ อาหารหรือผักพื้นถิ่นจึงมักมีสมุนไพรเข้ามาเกี่ยวข้อง และให้สรรพคุณทางยา
จึงไม่แปลกตามตลาดสดหรือทั่วไปในกรุงเทพฯมีพืชผักสมุนไพรและอาหารอีสานจากหัวเมืองต่างๆเข้ามาวางจำหน่ายเห็นกันดาดดื่น
....ถ้าดูจากหน้าตาเมนูและส่วนประกอบปรุงแต่งอื่นๆเปรียบได้กับเครื่องลายครามเป็นเครื่องสังคโลกในเรือนครัวปานนั้นเชียว
แต่รสชาตของความอร่อย(แซบเวอร์)ได้รับการสืบทอดยืนยันกันมายาวนานในหมู่คนชาวอีสานแน่นอนขอบอก
นานพอพอกันกับการเกิดขึ้นของอารยธรรมปลาร้า(ปลาแดก)
....ผู่ได๋เฮ้ดไหปลาแดกแตก ถือว่าผู้นั้นบ่อนทำลายซาติ(ชาติ)....